호흡부호 보기
강세부호 보기
장단부호 보기
작은 Iota 보기
모든 부호 보기
Ὁ δρῶν, ἢ καθήμενοσ, ἢ ἑστεὼσ, ξυμμέτρωσ πρὸσ ἑωυτὸν, πρὸσ τὸ χειριζόμενον, πρὸσ τὴν αὐγήν. Αὐγέησ μὲν οὖν δύο εἴδεα, τὸ μὲν κοινὸν, τὸ δὲ τεχνητόν. Τὸ μὲν οὖν κοινὸν οὐκ ἐφ’ ἡμῖν‧ τὸ δὲ τεχνητὸν, καὶ ἐφ’ ἡμῖν. Ὧν ἑκατέρου δισσαὶ χρήσιεσ, ἢ πρὸσ αὐγὴν, ἢ ὑπ’ αὐγήν. Ὑπ’ αὐγὴν μὲν οὖν ὀλίγη τε ἡ χρῆσισ, καταφανήσ τε ἡ μετριότησ. Τὰ δὲ πρὸσ αὐγὴν ἐκ τῶν παρεουσέων, ἐκ τῶν ξυμφερουσέων αὐγέων, πρὸσ τὴν λαμπροτάτην τρέπειν τὸ χειριζόμενον‧ πλὴν ὁκόσα λαθεῖν δεῖ, ἢ ὁρῇν αἰσχρόν‧ οὕτω δὲ τὸ μὲν χειριζόμενον ἐναντίον τῇ αὐγῇ, τὸν δὲ χειρίζοντα, ἐναντίον τῷ χειριζομένῳ, πλὴν ὥστε μὴ ἐπισκοτάζειν‧ οὕτω γὰρ ἂν ὁ μὲν δρῶν ὁρῳή, τὸ δὲ χειριζόμενον οὐχ ὁρῷτο. Πρὸσ ἑωυτὸν δὲ, καθημένῳ πόδεσ ἐσ τὴν ἄνω ἴξιν κατ’ ἰθὺ γούνασιν‧ διάστασιν δὲ, ὀλίγον ξυμβεβῶτεσ‧ γούνατα δὲ ἀνωτέρω βουβώνων σμικρὸν, διάστασιν δὲ, ἀγκώνων θέσει καὶ παραθέσει. Ἱμάτιον, εὐσταλέωσ, εὐκρινέωσ, ἴσωσ, ὁμοίωσ, ἀγκῶσιν, ὤμοισιν. Πρὸσ δὲ τὸ χειριζόμενον, τοῦ μὲν πρόσω καὶ ἐγγὺσ, καὶ τοῦ ἄνω, καὶ τοῦ κάτω, καὶ ἔνθα ἢ ἔνθα, ἢ μέσον. Τοῦ μὲν πρόσω καὶ ἐγγὺσ ὁρ́ιον, ἀγκῶνασ ἐσ μὲν τὸ πρόσθεν γούνατα μὴ ἀμείβειν, ἐσ δὲ τὸ ὄπισθεν, πλευράσ‧ τοῦ δὲ ἄνω, μὴ ἀνωτέρω μαζῶν ἄκρασ χεῖρασ ἔχειν‧ τοῦ δὲ κάτω, μὴ κατωτέρω, ἢ ὡσ τὸ στῆθοσ ἐπὶ γούνασιν ἔχοντα, ἔχειν ἄκρασ χεῖρασ ἐγγωνίουσ πρὸσ βραχίονασ‧ τὰ μὲν κατὰ μέσον οὕτωσ‧ τὰ δὲ ἔνθα, ἢ ἔνθα, μὴ ἔξω τῆσ ἔδρησ, κατὰ λόγον δὲ τῆσ ἐπιτροφῆσ προσβαλλόμενον τὸ σῶμα, καὶ τοῦ σώματοσ τὸ ἐργαζόμενον. Ἑστεῶτα δὲ, ἰδεῖν μὲν ἐπ’ ἀμφοτέρων βεβῶτα ἐξ ἴσου τῶν ποδῶν ἅλισ, δρῇν δὲ τῷ ἑτέρῳ ἐπιβεβῶτα, μὴ τῷ κατὰ τὴν δρῶσαν χεῖρα‧ ὕψοσ γούνα τοσ πρὸσ βουβῶνασ, ὡσ ἐν ἕδρῃ‧ καὶ τὰ ἄλλα ὁρ́ια τὰ αὐτά. Ὁ δὲ χειριζόμενοσ τῷ χειρίζοντι τῷ ἄλλῳ τοῦ σώματοσ μέρει ὑπηρετείτω, ἢ ἑστεὼσ, ἢ καθήμενοσ, ἢ κείμενοσ, ὅκωσ ἂν Ῥήϊστα, ὃ δεῖ, σχῆμα ἔχων διατελέῃ, φυλάσσων ὑπόῤῬυσιν, ὑπόστασιν, ἔκτρεψιν, καταντίαν, ὡσ ὃ δεῖ, σώζηται καὶ σχῆμα καὶ εἶδοσ τοῦ χειριζομένου, ἐν παρέξει, ἐν χειρισμῷ, ἐν τῇ ἔπειτα ἕξει.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기