호흡부호 보기
강세부호 보기
장단부호 보기
작은 Iota 보기
모든 부호 보기
Ἢν δὲ ἐπὶ τὴν καρδίην ποιήσηται ὁ κατάῤῬοοσ τὴν πορείην, παλμὸσ ἐπιλαμβάνει καὶ ἄσθματα, καὶ τὰ στήθεα διαφθείρεται, ἔνιοι δὲ καὶ κυφοὶ γίνονται‧ ὁκόταν γὰρ ἐπικατέλθῃ τὸ φλέγμα ψυχρὸν ἐπὶ τὸν πλεύμονα ἢ ἐπὶ τὴν καρδίην, ἀποψύχεται τὸ αἷμα‧ αἱ δὲ φλέβεσ πρὸσ βίην ψυχόμεναι πρὸσ τῷ πλεύμονι καὶ τῇ καρδίῃ πηδῶσι, καὶ ἡ καρδίη πάλλεται, ὥστε ὑπὸ τῆσ ἀνάγκησ ταύτησ τὰ ἄσθματα ἐπιπίπτειν καὶ τὴν ὀρθοπνοίην. Οὐ γὰρ δέχεται τὸ πνεῦμα ὅσον ἐθέλει, μέχρισ ἂν κρατηθῇ τοῦ φλέγματοσ τὸ ἐπιῤῬυὲν καὶ διαθερμανθὲν διαχυθῇ ἐσ τὰσ φλέβασ‧ ἔπειτα παύεται τοῦ παλμοῦ καὶ τοῦ ἄσθματοσ‧ παύεται δὲ ὅκωσ ἂν τοῦ πλήθεοσ ἔχῃ‧ ἢν μὲν γὰρ πλέον ἐπικαταῤῬυῇ, σχολαίτερον, ἢν δὲ ἔλασσον, θᾶσσον‧ καὶ ἢν μὲν πυκνότεροι ἐώσιν οἱ κατάῤῬοοι, πυκνότερα ἐπίληπτοσ γίνεται, ἢν δὲ μὴ, ἀραιότερα. Τάῦτα μὲν οὖν πάσχει, ἢν ἐπὶ τὸν πλεύμονα καὶ τὴν καρδίην ἰῄ‧ ἢν δὲ ἐσ τὴν κοιλίην, διάῤῬοιαι λαμβάνουσιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기