Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 18.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 18.)

Λουτρὸν δὲ συχνοῖσι τῶν νουσημάτων ἀρήγοι ἂν χρεομένοισιν, ἐσ τὰ μὲν ξυνεχέωσ, ἐσ τὰ δ’ οὔ. Ἔστι δὲ ὅτε ἧσσον χρηστέον διὰ τὴν ἀπαρασκευασίην τῶν ἀνθρώπων‧ ἐν ὀλίγῃσι γὰρ οἰκίῃσι παρεσκεύασται τὰ ἄρμενα καὶ οἱ θεραπεύοντεσ ὡσ δεῖ‧ εἰ δὲ μὴ παγκάλωσ λούοιτο, βλάπτοιτ’ ἂν οὐ σμικρά‧ καὶ γὰρ σκέπησ ἀκάπνου δεῖ, καὶ ὕδατοσ δαψιλέοσ, καὶ τοῦ λουτροῦ συχνοῦ καὶ μὴ λίην λάβρου, ἤν γε μὴ οὕτω δέῃ. Καὶ μᾶλλον μὲν μὴ σμήχεσθαι‧ ἢν δὲ σμήχηται, θερμῷ χρέεσθαι αὐτέῳ καὶ πολλαπλασίῳ ἢ ὡσ νομίζεται σμήγματι, καὶ προσκαταχέεσθαι μὴ ὀλίγῳ, καὶ ταχέωσ μετακαταχέεσθαι. Δεῖ δὲ καὶ τῆσ ὁδοῦ βραχείησ ἐσ τὴν πύελον, καὶ ἐσ εὐέμβατον καὶ ἐσ εὐέκβατον‧ εἶναι δὲ καὶ τὸν λουόμενον κόσμιον καὶ σιγηλὸν, καὶ μηδὲν αὐτὸν προσεξεργάζεσθαι, ἀλλ’ ἄλλουσ καὶ καταχέειν καὶ σμήχειν‧ καὶ μετακέρασμα πολλὸν ἡτοιμᾶσθαι, καὶ τὰσ ἐπαντλήσιασ ταχείασ ποιέεσθαι‧ καὶ σπόγγοισι χρέεσθαι ἀντὶ στλεγγίδοσ, καὶ μὴ ἄγαν ξηρὸν χρίεσθαι τὸ σῶμα. Κεφαλὴν μέντοι ἀνεξηράνθαι χρὴ ὡσ οἱο͂́ν τε μάλιστα ὑπὸ σπόγγου ἐκμασσομένην, καὶ μὴ διαψύχεσθαι τὰ ἄκρεα, μήτε τὴν κεφαλὴν, μήτε τὸ ἄλλο σῶμα‧ καὶ μήτε νεοῤῬόφητον μήτε νεόποτον λούεσθαι, μηδὲ Ῥοφέειν, μηδὲ πίνειν ταχὺ μετὰ τὸ λουτρόν. Μέγα μὲν δὴ μέροσ χρὴ νέμειν τῷ κάμνοντι, ἢν ὑγιαίνων ᾖ φιλόλουτροσ ἄγαν καὶ εἰθισμένοσ λούεσθαι‧ καὶ γὰρ ποθέουσι μᾶλλον οἱ τοιοίδε, καὶ ὠφελέονται λουσάμενοι, καὶ βλάπτονται μὴ λουσάμενοι. Ἁρμόζει δὲ ἐν περιπλευμονίῃσι μᾶλλον ἢ ἐν καύσοισι τὸ ἐπίπαν‧ καὶ γὰρ ὀδύνησ τῆσ κατὰ πλευρὴν καὶ στήθεα καὶ μετάφρενον παρηγορικόν ἐστι τὸ λουτρὸν, καὶ πτυέλου πεπαντικὸν καὶ ἀναγωγὸν, καὶ εὔπνοον καὶ ἄκοπον‧ μαλθακτικὸν γὰρ καὶ ἄρθρων καὶ τοῦ ἐπιπολαίου δέρματοσ‧ καὶ οὐρητικὸν δὲ, καὶ καρηβαρίην λύει, καὶ Ῥῖνασ ὑγραίνει. Ἀγαθὰ μὲν οὖν λουτρῷ τοσαῦτα πάρεστιν, ὧν πάντων δεῖ‧ ἢν μέντοι τῆσ παρασκευῆσ ἔνδειά τισ ᾖ ἑνὸσ ἢ πλειόνων, κίνδυνοσ μὴ λυσιτελέειν τὸ λουτρὸν, ἀλλὰ μᾶλλον βλάπτειν‧ ἓν γὰρ ἕκαστον αὐτέων μεγάλην φέρει τὴν βλάβην, μὴ παρασκευασθὲν ὑπὸ τῶν ὑπουργῶν ὡσ δεῖ. Ἥκιστα δὲ λούειν καιρὸσ τούτουσ οἷσιν ἡ κοιλίη ὑγροτέρη τοῦ καιροῦ ἐν τῇσι νούσοισιν‧ ἀτὰρ οὐδὲ οἷσιν ἕστηκε μᾶλλον τοῦ καιροῦ καὶ μὴ προδιελήλυθεν‧ οὐδὲ δὴ τοὺσ γεγυιωμένουσ χρὴ λούειν, οὐδὲ τοὺσ ἀσώδεασ ἢ ἐμετικοὺσ, οὐδὲ τοὺσ ἐπανερευγομένουσ χολῶδεσ, οὐδὲ τοὺσ ἐκ Ῥινῶν αἱμοῤῬαγέοντασ, εἰ μὴ ἔλασσον τοῦ καιροῦ Ῥέοι‧ τοὺσ δὲ καιροὺσ οἶδασ‧ ἢν δὲ ἔλασσον τοῦ καιροῦ Ῥέοι, λούειν, ἤν τε ὅλον τὸ σῶμα πρὸσ τὰ ἄλλα ἀρήγῃ, ἤν τε τὴν κεφαλὴν μοῦνον. Ἢν οὖν αἵ τε παρασκευαὶ ἐώσιν ἐπιτήδειοι καὶ ὁ κάμνων μέλλῃ εὖ δέξασθαι τὸ λουτρὸν, λούειν χρὴ ἑκάστησ ἡμέρησ‧ τοὺσ δὲ φιλολουτρέοντασ οὐδ’ εἰ δὶσ τῆσ ἡμέρησ λούοισ, οὐδὲν ἂν βλάπτοισ. Χρέεσθαι δὲ λουτροῖσι τοῖσιν ὅλῃσι πτισάνῃσι χρεομένοισι παραπουλὺ μᾶλλον ἐνδέχεται, ἢ τοῖσι χυλῷ μοῦνον χρεομένοισιν‧ ἐνδέχεται δὲ καὶ τουτέοισιν ἐνίοτε‧ ἥκιστα δὲ καὶ τοῖσι ποτῷ μοῦνον χρεομένοισιν‧ ἔστι δὲ καὶ οἷσι τουτέων ἐνδέχεται‧ τεκμαίρεσθαι δὲ χρὴ τοῖσι προγεγραμμένοισιν οὕσ τε μέλλει λουτρὸν ὠφελέειν ἐν ἑκάστοισι τῶν τρόπων τῆσ διαίτησ, οὕσ τε μή. Οἷσι μὲν γὰρ προσδέεταί τινοσ κάρτα τουτέων, ὁκόσα λουτρὸν ἀγαθὰ ποιέει, καὶ πρόσεστιν αὐτέοισιν ὅσα ἂν λουτρῷ ὠφελέηται, δεῖ λούειν‧ οἷσι δὲ τουτέων μηδενὸσ προσδεῖ, καὶ πρόσεστιν αὐτέοισι τῶν σημείων ἐφ’ οἷσι λούεσθαι οὐ ξυμφέρει, οὐ δεῖ λούειν.

일치하는 문장이 없습니다.

SEARCH

MENU NAVIGATION