헬라어 문장 검색 - Γαλεν́ΟντηεΝά3́14́0́

(갈레노스, On the Natural Faculties., G, section 14)

ἀλλὰ μὴν καὶ ὡσ ἐν ἑκάστῃ τῶν ἀρτηριῶν ἐστί τισ δύναμισ ἐκ τῆσ καρδίασ ἐπιρρέουσα, καθ’ ἣν διαστέλλονταί τε καὶ συστέλλονται, δέδεικται δι’ ἑτέρων. εἴπερ οὖν συνθείησ ἄμφω τό τε ταύτην εἶναι τὴν κίνησιν αὐταῖσ τό τε πᾶν τὸ διαστελλόμενον ἕλκειν ἐκ τῶν πλησίον εἰσ ἑαυτό, θαυμαστὸν οὐδέν σοι φανεῖται τὰσ ἀρτηρίασ, ὅσαι μὲν εἰσ τὸ δέρμα περαίνουσιν αὐτῶν, ἐπισπᾶσθαι τὸν ἔξωθεν ἀέρα διαστελλομένασ, ὅσαι δὲ κατά τι πρὸσ τὰσ φλέβασ ἀνεστόμωνται, τὸ λεπτότατον ἐν αὐταῖσ καὶ ἀτμωδέστατον ἐπισπᾶσθαι τοῦ αἵματοσ, ὅσαι δ’ ἐγγὺσ τῆσ καρδίασ εἰσίν, ἐξ αὐτῆσ ἐκείνησ ποιεῖσθαι τὴν ὁλκήν. ἐν γὰρ τῇ πρὸσ τὸ κενούμενον ἀκολουθίᾳ τὸ κουφότατόν τε καὶ λεπτότατον ἕπεται πρῶτον τοῦ βαρυτέρου τε καὶ παχυτέρου· κουφότατον δ’ ἐστὶ καὶ λεπτότατον ἁπάντων τῶν κατὰ τὸ σῶμα πρῶτον μὲν τὸ πνεῦμα, δεύτερον δ’ ὁ ἀτμόσ, ἐπὶ τούτῳ δὲ τρίτον, ὅσον ἂν ἀκριβῶσ ᾖ κατειργασμένον τε καὶ λελεπτυσμένον αἷμα. ταῦτ’ οὖν εἰσ ἑαυτὰσ ἕλκουσιν αἱ ἀρτηρίαι πανταχόθεν, αἱ μὲν εἰσ τὸ δέρμα καθήκουσαι τὸν ἔξωθεν ἀέρα· πλησίον τε γὰρ αὐταῖσ οὗτόσ ἐστι καὶ κουφότατοσ ἐν τοῖσ μάλιστα· τῶν δ’ ἄλλων ἡ μὲν ἐπὶ τὸν τράχηλον ἐκ τῆσ καρδίασ ἀνιοῦσα καὶ ἡ κατὰ Ῥάχιν, ἤδη δὲ καὶ ὅσαι τούτων ἐγγὺσ ἐξ αὐτῆσ μάλιστα τῆσ καρδίασ· ὅσαι δὲ καὶ τῆσ καρδίασ πορρωτέρω καὶ τοῦ δέρματοσ, ἕλκειν ταύταισ ἀναγκαῖον ἐκ τῶν φλεβῶν τὸ κουφότατον τοῦ αἵματοσ· ὥστε καὶ τῶν εἰσ τὴν γαστέρα τε καὶ τὰ ἔντερα καθηκουσῶν ἀρτηριῶν τὴν ὁλκὴν ἐν τῷ διαστέλλεσθαι γίγνεσθαι παρά τε τῆσ καρδίασ αὐτῆσ καὶ τῶν παρακειμένων αὐτῇ φλεβῶν παμπόλλων οὐσῶν. οὐ γὰρ δὴ ἔκ γε τῶν ἐντέρων καὶ τῆσ κοιλίασ τροφὴν οὕτω παχεῖάν τε καὶ βαρεῖαν ἐν ἑαυτοῖσ ἐχόντων δύνανταί τι μεταλαμβάνειν, ὅ τι καὶ ἄξιον λόγου, φθάνουσαι πληροῦσθαι τοῖσ κουφοτέροισ. οὐδὲ γὰρ εἰ καθεὶσ αὐλίσκον εἰσ ἀγγεῖον ὕδατόσ τε καὶ ψάμμου πλῆρεσ ἐπισπάσαιο τῷ στόματι τὸν ἐκ τοῦ αὐλίσκου ἀέρα, δύναιτ’ ἂν ἀκολουθῆσαί σοι πρὸ τοῦ ὕδατοσ ἡ ψάμμοσ· ἀεὶ γὰρ ἐν τῇ πρὸσ τὸ κενούμενον ἀκολουθίᾳ τὸ κουφότερον ἕπεται πρότερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Galen, On the Natural Faculties., G, section 14

(갈레노스, On the Natural Faculties., G, section 14)

상위

목록

SEARCH

MENU NAVIGATION