호흡부호 보기
강세부호 보기
장단부호 보기
작은 Iota 보기
모든 부호 보기
δεινὸν γυναιξὶν αἱ δι’ ὠδίνων γοναί, καὶ φιλότεκνόν πωσ πᾶν γυναικεῖον γένοσ. ὡσ δεινὸν ἔχθρα, μῆτερ, οἰκείων φίλων καὶ δυσλύτουσ ἔχουσα τὰσ διαλλαγάσ. μῆτερ, φρονῶν εὖ κοὐ φρονῶν ἀφικόμην ἐχθροὺσ ἐσ ἄνδρασ· ἀλλ’ ἀναγκαίωσ ἔχει πατρίδοσ ἐρᾶν ἅπαντασ· ὃσ δ’ ἄλλωσ λέγει, λόγοισι χαίρει τὸν δὲ νοῦν ἐκεῖσ’ ἔχει. οὕτω δ’ ἐτάρβουν ἐσ φόβον τ’ ἀφικόμην, μή τισ δόλοσ με πρὸσ κασιγνήτου κτάνῃ, ὥστε ξιφήρη χεῖρ’ ἔχων δι’ ἄστεωσ κυκλῶν πρόσωπον ἦλθον. ἓν δέ μ’ ὠφελεῖ, σπονδαί τε καὶ σὴ πίστισ, ἥ μ’ ἐσήγαγε τείχη πατρῷα· πολύδακρυσ δ’ ἀφικόμην, χρόνιοσ ἰδὼν μέλαθρα καὶ βωμοὺσ θεῶν γυμνάσιά θ’ οἷσιν ἐνετράφην Δίρκησ θ’ ὕδωρ· ὧν οὐ δικαίωσ ἀπελαθεὶσ ξένην πόλιν ναίω, δι’ ὄσσων νᾶμ’ ἔχων δακρύρροον. ἀλλ’ ἐκ γὰρ ἄλγουσ ἄλγοσ αὖ σὲ δέρκομαι κάρα ξυρῆκεσ καὶ πέπλουσ μελαγχίμουσ ἔχουσαν, οἴμοι τῶν ἐμῶν ἐγὼ κακῶν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기