호흡부호 보기
강세부호 보기
장단부호 보기
작은 Iota 보기
모든 부호 보기
ἔσωθεν ὤμοι, τυφλοῦμαι φέγγοσ ὀμμάτων τάλασ. ἠκούσατ’ ἀνδρὸσ Θρῃκὸσ οἰμωγήν, φίλαι; ὤμοι μάλ’ αὖθισ, τέκνα, δυστήνου σφαγῆσ. φίλαι, πέπρακται καίν’ ἔσω δόμων κακά. ἀλλ’ οὔτι μὴ φύγητε λαιψηρῷ ποδί· βάλλων γὰρ οἴκων τῶνδ’ ἀναρρήξω μυχούσ. ἰδού, βαρείασ χειρὸσ ὁρμᾶται βέλοσ. βούλεσθ’ ἐπεσπέσωμεν; ὡσ ἀκμὴ καλεῖ Ἑκάβῃ παρεῖναι Τρῳάσιν τε συμμάχουσ. ἄρασσε, φείδου μηδέν, ἐκβάλλων πύλασ· οὐ γάρ ποτ’ ὄμμα λαμπρὸν ἐνθήσεισ κόραισ, οὐ παῖδασ ὄψῃ ζῶντασ οὓσ ἔκτειν’ ἐγώ. ἦ γὰρ καθεῖλεσ Θρῇκα, καὶ κρατεῖσ, ξένον, δέσποινα, καὶ δέδρακασ οἱᾶ́περ λέγεισ; ὄψῃ νιν αὐτίκ’ ὄντα δωμάτων πάροσ τυφλὸν τυφλῷ στείχοντα παραφόρῳ ποδί, παίδων τε δισσῶν σώμαθ’, οὓσ ἔκτειν’ ἐγὼ σὺν ταῖσ ἀρίσταισ Τρῳάσιν· δίκην δέ μοι δέδωκε. χωρεῖ δ’, ὡσ ὁρᾷσ, ὅδ’ ἐκ δόμων. ἀλλ’ ἐκποδὼν ἄπειμι κἀποστήσομαι θυμῷ ῥέοντι Θρῃκὶ δυσμαχωτάτῳ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기