헬라어 문장 검색 - ΕυριπίΒαξξηαέ05́

(에우리피데스, episode)

Πενθεῦ, πάρεσμεν τήνδ’ ἄγραν ἠγρευκότεσ ἐφ’ ἣν ἔπεμψασ, οὐδ’ ἄκρανθ’ ὡρμήσαμεν. ὁ θὴρ δ’ ὅδ’ ἡμῖν πρᾶοσ οὐδ’ ὑπέσπασεν φυγῇ πόδ’, ἀλλ’ ἔδωκεν οὐκ ἄκων χέρασ οὐδ’ ὠχρόσ, οὐδ’ ἤλλαξεν οἰνωπὸν γένυν, γελῶν δὲ καὶ δεῖν κἀπάγειν ἐφίετο ἔμενέ τε, τοὐμὸν εὐτρεπὲσ ποιούμενοσ. κἀγὼ δι’ αἰδοῦσ εἶπον· Ὦ ξέν’, οὐχ ἑκὼν ἄγω σε, Πενθέωσ δ’ ὅσ μ’ ἔπεμψ’ ἐπιστολαῖσ. ἃσ δ’ αὖ σὺ βάκχασ εἱρ͂ξασ, ἃσ συνήρπασασ κἄδησασ ἐν δεσμοῖσι πανδήμου στέγησ, φροῦδαί γ’ ἐκεῖναι λελυμέναι πρὸσ ὀργάδασ σκιρτῶσι Βρόμιον ἀνακαλούμεναι θεόν·

αὐτόματα δ’ αὐταῖσ δεσμὰ διελύθη ποδῶν κλῇδέσ τ’ ἀνῆκαν θύρετρ’ ἄνευ θνητῆσ χερόσ. πολλῶν δ’ ὅδ’ ἁνὴρ θαυμάτων ἥκει πλέωσ ἐσ τάσδε Θήβασ. σοὶ δὲ τἄλλα χρὴ μέλειν. μέθεσθε χειρῶν τοῦδ’· ἐν ἄρκυσιν γὰρ ὢν οὐκ ἔστιν οὕτωσ ὠκὺσ ὥστε μ’ ἐκφυγεῖν. ἀτὰρ τὸ μὲν σῶμ’ οὐκ ἄμορφοσ εἶ, ξένε, ὡσ ἐσ γυναῖκασ, ἐφ’ ὅπερ ἐσ Θήβασ πάρει·

πλόκαμόσ τε γάρ σου ταναόσ, οὐ πάλησ ὕπο, γένυν παρ’ αὐτὴν κεχυμένοσ, πόθου πλέωσ· λευκὴν δὲ χροιὰν ἐκ παρασκευῆσ ἔχεισ, οὐχ ἡλίου βολαῖσιν, ἀλλ’ ὑπὸ σκιᾶσ, τὴν Ἀφροδίτην καλλονῇ θηρώμενοσ. πρῶτον μὲν οὖν μοι λέξον ὅστισ εἶ γένοσ. οὐ κόμποσ οὐδείσ· ῥᾴδιον δ’ εἰπεῖν τόδε. τὸν ἀνθεμώδη Τμῶλον οἶσθά που κλύων. οἶδ’, ὃσ τὸ Σάρδεων ἄστυ περιβάλλει κύκλῳ. ἐντεῦθέν εἰμι, Λυδία δέ μοι πατρίσ. πόθεν δὲ τελετὰσ τάσδ’ ἄγεισ ἐσ Ἑλλάδα; Διόνυσοσ ἡμᾶσ εἰσέβησ’, ὁ τοῦ Διόσ. Ζεὺσ δ’ ἔστ’ ἐκεῖ τισ, ὃσ νέουσ τίκτει θεούσ; οὔκ, ἀλλ’ ὁ Σεμέλην ἐνθάδε ζεύξασ γάμοισ. πότερα δὲ νύκτωρ σ’ ἢ κατ’ ὄμμ’ ἠνάγκασεν; ὁρῶν ὁρῶντα, καὶ δίδωσιν ὄργια. τὰ δ’ ὄργι’ ἐστὶ τίν’ ἰδέαν ἔχοντά σοι; ἄρρητ’ ἀβακχεύτοισιν εἰδέναι βροτῶν. ἔχει δ’ ὄνησιν τοῖσι θύουσιν τίνα; οὐ θέμισ ἀκοῦσαί σ’, ἔστι δ’ ἄξι’ εἰδέναι. εὖ τοῦτ’ ἐκιβδήλευσασ, ἵν’ ἀκοῦσαι θέλω. ἀσέβειαν ἀσκοῦντ’ ὄργι’ ἐχθαίρει θεοῦ.

τὸν θεὸν ὁρᾶν γὰρ φῂσ σαφῶσ, ποῖόσ τισ ἦν; ὁποῖοσ ἤθελ’· οὐκ ἐγὼ ’τασσον τόδε. τοῦτ’ αὖ παρωχέτευσασ εὖ κοὐδὲν λέγων. δόξει τισ ἀμαθεῖ σοφὰ λέγων οὐκ εὖ φρονεῖν. ἦλθεσ δὲ πρῶτα δεῦρ’ ἄγων τὸν δαίμονα; πᾶσ ἀναχορεύει βαρβάρων τάδ’ ὄργια. φρονοῦσι γὰρ κάκιον Ἑλλήνων πολύ. τάδ’ εὖ γε μᾶλλον· οἱ νόμοι δὲ διάφοροι. τὰ δ’ ἱερὰ νύκτωρ ἢ μεθ’ ἡμέραν τελεῖσ; νύκτωρ τὰ πολλά· σεμνότητ’ ἔχει σκότοσ. τοῦτ’ ἐσ γυναῖκασ δόλιόν ἐστι καὶ σαθρόν. κἀν ἡμέρᾳ τό γ’ αἰσχρὸν ἐξεύροι τισ ἄν. δίκην σε δοῦναι δεῖ σοφισμάτων κακῶν. σὲ δ’ ἀμαθίασ γε κἀσεβοῦντ’ ἐσ τὸν θεόν. ὡσ θρασὺσ ὁ βάκχοσ κοὐκ ἀγύμναστοσ λόγων. εἴφ’ ὅ τι παθεῖν δεῖ· τί με τὸ δεινὸν ἐργάσῃ; πρῶτον μὲν ἁβρὸν βόστρυχον τεμῶ σέθεν. ἱερὸσ ὁ πλόκαμοσ· τῷ θεῷ δ’ αὐτὸν τρέφω. ἔπειτα θύρσον τόνδε παράδοσ ἐκ χεροῖν. αὐτόσ μ’ ἀφαιροῦ· τόνδε Διονύσου φορῶ. εἱρκταῖσί τ’ ἔνδον σῶμα σὸν φυλάξομεν. λύσει μ’ ὁ δαίμων αὐτόσ, ὅταν ἐγὼ θέλω. ὅταν γε καλέσῃσ αὐτὸν ἐν βάκχαισ σταθείσ. καὶ νῦν ἃ πάσχω πλησίον παρὼν ὁρᾷ. καὶ ποῦ ’στιν; οὐ γὰρ φανερὸσ ὄμμασίν γ’ ἐμοῖσ. παρ’ ἐμοί· σὺ δ’ ἀσεβὴσ αὐτὸσ ὢν οὐκ εἰσορᾷσ. λάζυσθε· καταφρονεῖ με καὶ Θήβασ ὅδε. αὐδῶ με μὴ δεῖν σωφρονῶν οὐ σώφροσιν. ἐγὼ δὲ δεῖν γε, κυριώτεροσ σέθεν. οὐκ οἶσθ’ ὅ τι ζῇσ, οὐδ’ ὃ δρᾷσ, οὐδ’ ὅστισ εἶ. Πενθεύσ, Ἀγαύησ παῖσ, πατρὸσ δ’ Ἐχίονοσ. ἐνδυστυχῆσαι τοὔνομ’ ἐπιτήδειοσ εἶ. χώρει· καθείρξατ’ αὐτὸν ἱππικαῖσ πέλασ φάτναισιν, ὡσ ἂν σκότιον εἰσορᾷ κνέφασ. ἐκεῖ χόρευε· τάσδε δ’ ἃσ ἄγων πάρει κακῶν συνεργοὺσ ἢ διεμπολήσομεν ἢ χεῖρα δούπου τοῦδε καὶ βύρσησ κτύπου παύσασ, ἐφ’ ἱστοῖσ δμωίδασ κεκτήσομαι. στείχοιμ’ ἄν· ὅ τι γὰρ μὴ χρεών, οὔτοι χρεὼν παθεῖν. ἀτάρ τοι τῶνδ’ ἄποιν’ ὑβρισμάτων μέτεισι Διόνυσόσ σ’, ὃν οὐκ εἶναι λέγεισ· ἡμᾶσ γὰρ ἀδικῶν κεῖνον εἰσ δεσμοὺσ ἄγεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Euripides, episode

(에우리피데스, episode)

상위

목록

SEARCH

MENU NAVIGATION