호흡부호 보기
강세부호 보기
장단부호 보기
작은 Iota 보기
모든 부호 보기
Ἐπινοεῖ καὶ Ἐπίκουροσ ὅτι φύσει ἐσμὲν κοινωνικοί, ἀλλ’ ἅπαξ ἐν τῷ κελύφει θεὶσ τὸ ἀγαθὸν ἡμῶν οὐκέτι δύναται ἄλλο οὐδὲν εἰπεῖν. πάλιν γὰρ ἐκείνου λίαν κρατεῖ, ὅτι οὐ δεῖ ἀπεσπασμένον οὐδὲν τῆσ τοῦ ἀγαθοῦ οὐσίασ οὔτε θαυμάζειν οὔτ’ ἀποδέχεσθαι·
καὶ καλῶσ αὐτοῦ κρατεῖ. πῶσ οὖν ὑπονοητικοί ἐσμεν, οἷσ μὴ φυσικὴ ἔστι πρὸσ τὰ ἔγγονα φιλοστοργία;
διὰ τί ἀποσυμβουλεύεισ τῷ σοφῷ τεκνοτροφεῖν; τί φοβῇ μὴ διὰ ταῦτα εἰσ λύπασ ἐμπέσῃ; διὰ γὰρ τὸν μῦν τὸν ἔσω τρεφόμενον ἐμπίπτει;
τί οὖν αὐτῷ μέλει, ἂν μυίδιον μικρὸν ἔσω κατακλαίῃ αὐτοῦ; ἀλλ’ οἶδεν, ὅτι, ἂν ἅπαξ γένηται παιδίον, οὐκέτι ἐφ’ ἡμῖν ἐστι μὴ στέργειν μηδὲ φροντίζειν ἐπ’ αὐτῷ.
διὰ τοῦτο φησὶν οὐδὲ πολιτεύσεσθαι τὸν νοῦν ἔχοντα·
οἶδεν γὰρ τίνα δεῖ ποιεῖν τὸν πολιτευόμενον· ἐπείτοι εἰ ὡσ ἐν μυίαισ μέλλεισ ἀναστρέφεσθαι, τί κωλύει; ἀλλ’ ὅμωσ εἰδὼσ ταῦτα τολμᾷ λέγειν ὅτι "μὴ ἀναιρώμεθα τέκνα".
ἀλλὰ πρόβατον μὲν οὐκ ἀπολείπει τὸ αὑτοῦ ἔγγονον οὐδὲ λύκοσ, ἄνθρωποσ δ’ ἀπολείπει; τί θέλεισ;
μωροὺσ ἡμᾶσ εἶναι ὡσ τὰ πρόβατα; οὐδ’ ἐκεῖνα ἀπολείπει. θηριώδεισ ὡσ τοὺσ λύκουσ; οὐδ’ ἐκεῖνοι ἀπολ είπουσιν. ἄγε, τίσ δέ σοι πείθεται ἰδὼν παιδίον αὐτοῦ κλαῖον ἐπὶ τὴν γῆν πεπτωκόσ;
ἐγὼ μὲν οἶμαι ὅτι εἰ καὶ ἐμαντεύσατο ἡ μήτηρ σου καὶ ὁ πατήρ, ὅτι μέλλεισ ταῦτα λέγειν, οὐκ ἄν σε ἔρριψαν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기