헬라어 문장 검색 - ΕπιξτέΩορκσ́03́20́

(에픽테토스, Works, book 1, Περὶ τοῦ λόγου πῶσ αὑτοῦ θεωρητικόσ ἐστιν.)

Πᾶσα τέχνη καὶ δύναμισ προηγουμένων τινῶν ἐστι θεωρητική. ὅταν μὲν οὖν ὁμοειδὴσ τοῖσ θεωρουμένοισ καὶ αὐτή, ἀναγκαίωσ καὶ αὑτῆσ γίνεται θεωρητική·

ὅταν δ’ ἀνομογενήσ, οὐ δύναται θεωρεῖν ἑαυτήν. οἱο͂ν σκυτικὴ περὶ δέρματα ἀναστρέφεται, αὐτὴ δὲ παντελῶσ ἀπήλλακται τῆσ ὕλησ τῶν δερμάτων·

διὰ τοῦτο οὐκ ἔστιν αὑτῆσ θεωρητική. γραμματικὴ πάλιν περὶ τὴν ἐγγράμματον φωνήν·

μή τι οὖν ἐστι καὶ αὐτὴ ἐγγράμματοσ φωνή; οὐδαμῶσ. διὰ τοῦτο οὐ δύναται θεωρεῖν ἑαυτήν. ὁ οὖν λόγοσ πρὸσ τί ποτε ὑπὸ τῆσ φύσεωσ παρείληπται; πρὸσ χρῆσιν φαντασιῶν οἱάν δεῖ.

αὐτὸσ οὖν τί ἐστιν; σύστημα ἐκ ποιῶν φαντασιῶν. οὕτωσ γίνεται φύσει καὶ αὑτοῦ θεωρητικόσ. πάλιν ἡ φρόνησισ τίνα θεωρήσουσα παρελήλυθεν;

ἀγαθὰ καὶ κακὰ καὶ οὐδέτερα. αὐτὴ οὖν τί ἐστιν; ἀγαθόν. ἡ δ’ ἀφροσύνη τί ἐστιν; κακόν. ὁρᾷσ οὖν ὅτι ἀναγκαίωσ καὶ αὑτῆσ γίνεται καὶ τῆσ ἐναντίασ θεωρητική; διὰ τοῦτο ἔργον τοῦ φιλοσόφου τὸ μέγιστον καὶ πρῶτον δοκιμάζειν τὰσ φαντασίασ καὶ διακρίνειν καὶ μηδεμίαν ἀδοκίμαστον προσφέρεσθαι.

ὁρᾶτε ἐπὶ τοῦ νομίσματοσ, ὅπου δοκεῖ τι εἶναι πρὸσ ἡμᾶσ, πῶσ καὶ τέχνην ἐξευρήκαμεν καὶ ὅσοισ ὁ ἀργυρογνώμων προσχρῆται πρὸσ δοκιμασίαν τοῦ νομίσματοσ, τῇ ὄψει, τῇ ἁφῇ, τῇ ὀσφρασίᾳ, τὰ τελευταῖα τῇ ἀκοῇ·

ῥήξασ τὸ δηνάριον τῷ ψόφῳ προσέχει καὶ οὐχ ἅπαξ ἀρκεῖται ψοφήσαντοσ, ἀλλ’ ὑπὸ τῆσ πολλῆσ προσοχῆσ μουσικὸσ γίνεται.

οὕτωσ ὅπου διαφέρειν οἰόμεθα τὸ πλανᾶσθαι τοῦ μὴ πλανᾶσθαι, ἐνταῦθα πολλὴν προσοχὴν εἰσφέρομεν εἰσ διάκρισιν τῶν διαπλανᾶν δυναμένων, ἐπὶ δὲ ταλαιπώρου ἡγεμονικοῦ χάσκοντεσ καὶ καθεύδοντεσ, πᾶσαν φαντασίαν παραπροσδεχόμεθα·

ἡ γὰρ ζημία οὐ προσπίπτει.

πῶσ ἔχεισ περὶ μὲν τἀγαθὰ καὶ κακὰ ἀνειμένωσ, περὶ τἀδιάφορα δ’ ἐσπευσμένωσ, ἐπίστησον πῶσ ἔχεισ πρὸσ τὸ ἐκτυφλωθῆναι καὶ πῶσ πρὸσ τὸ ἐξαπατηθῆναι καὶ γνώσῃ ὅτι μακρὰν εἶ τοῦ ὡσ δεῖ πεπονθέναι περὶ ἀγαθῶν καὶ κακῶν.

"ἀλλὰ πολλῆσ ἔχει χρείαν παρασκευῆσ καὶ πόνου πολλοῦ καὶ μαθημάτων.

" τί οὖν; ἐλπίζεισ ὅτι τὴν μεγίστην τέχνην ἀπὸ ὀλίγων ἔστιν ἀναλαβεῖν; καίτοι αὐτὸσ μὲν ὁ προηγούμενοσ λόγοσ τῶν φιλοσόφων λίαν ἐστὶν ὀλίγοσ.

εἰ θέλεισ γνῶναι, ἀνάγνωθι τὰ Ζήνωνοσ καὶ ὄψει. τί γὰρ ἔχει μακρὸν εἰπεῖν ὅτι τέλοσ ἐστὶ τὸ ἕπεσθαι θεοῖσ, οὐσία δ’ ἀγαθοῦ χρῆσισ οἱά δεῖ φαντασιῶν;

λέγε "τί οὖν ἐστι θεὸσ καὶ τί φαντασία;

καὶ τί ἐστι φύσισ ἡ ἐπὶ μέρουσ καὶ τί ἐστι φύσισ ἡ τῶν ὅλων; " ἤδη μακρόν.

ἂν οὖν ἐλθὼν Ἐπίκουροσ εἴπῃ, ὅτι ἐν σαρκὶ δεῖ εἶναι τὸ ἀγαθόν, πάλιν μακρὸν γίνεται καὶ ἀνάγκη ἀκοῦσαι τί τὸ προηγούμενόν ἐστιν ἐφ’ ἡμῶν, τί τὸ ὑποστατικὸν καὶ οὐσιῶδεσ. ὅτι τὸ κοχλίου ἀγαθὸν οὐκ εἰκὸσ εἶναι ἐν τῷ κελύφει, τὸ οὖν τοῦ ἀνθρώπου εἰκόσ; σὺ δ’ αὐτὸσ τί κυριώτερον ἔχεισ, Ἐπίκουρε;

τί ἐστιν ἐν σοὶ τὸ βουλευόμενον, τὸ ἐπισκεπτόμενον ἕκαστα, τὸ περὶ τῆσ σαρκὸσ αὐτῆσ ὅτι τὸ προηγούμενόν ἐστιν [τὸ] ἐπικρῖνον; τί δὲ καὶ λύχνον ἅπτεισ καὶ πονεῖσ ὑπὲρ ἡμῶν καὶ τηλικαῦτα βιβλία γράφεισ;

ἵνα μὴ ἀγνοήσωμεν ἡμεῖσ τὴν ἀλήθειαν; τίνεσ ἡμεῖσ; τί πρὸσ σὲ ὄντεσ; οὕτω μακρὸσ ὁ λόγοσ γίνεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Epictetus, Works, book 1, Περὶ τοῦ λόγου πῶσ αὑτοῦ θεωρητικόσ ἐστιν.

(에픽테토스, Works, book 1, Περὶ τοῦ λόγου πῶσ αὑτοῦ θεωρητικόσ ἐστιν.)

상위

목록

SEARCH

MENU NAVIGATION