헬라어 문장 검색 - Διονψσ́ΔεΤηυξψ́40́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 40)

τούτοισ ἕτερα προσθεὶσ πάλιν ἀμοιβαῖα περίεργα καὶ πικρά, τοὺσ Μηλίουσ ὑποτίθεται λέγοντασ, ὅτι κοινὰσ τὰσ τύχασ φέρουσιν οἱ πολέμιοι καὶ τὸ μὲν εἶξαι εὐθὺσ ἀνέλπιστον, μετὰ δὲ τοῦ δρωμένου ἔτι καὶ στῆναι ἐλπὶσ ὀρθῶσ. πρὸσ ταῦτα ποιεῖ τὸν Ἀθηναῖον ἀποκρινόμενον λαβυρίνθων σκολιώτερα περὶ τῆσ ἐλπίδοσ ἐπὶ κακῷ τοῖσ ἀνθρώποισ γινομένησ, κατὰ λέξιν οὕτωσ γράφων· ἐλπὶσ δὲ κινδύνου παραμύθιον οὖσα τοὺσ μὲν ἀπὸ περιουσίασ χρωμένουσ αὐτῇ κἂν βλάψῃ, οὐ καθεῖλεν· τοῖσ δὲ ἐσ πᾶν τὸ ὑπάρχον ἀναρριπτοῦσι δάπανοσ γὰρ φύσει ἅμα τε γιγνώσκεται σφαλέντων, καὶ ἐν ὅτῳ φυλάξεταί τισ αὐτὴν γνωρισθεῖσαν, οὐκ ἐλλείπει. ὅ ὑμεῖσ ἀσθενεῖσ τε καὶ ἐπὶ σκοπῆσ μιᾶσ ὄντεσ μὴ βούλεσθε παθεῖν μηδ’ ὁμοιωθῆναι τοῖσ πολλοῖσ, οἷσ παρὸν ἀνθρωπείωσ ἔτι σῴζεσθαι, ἐπειδὰν πιεζομένουσ αὐτοὺσ ἐπιλείπωσιν αἱ φανεραὶ ἐλπίδεσ, ἐπὶ τὰσ ἀφανεῖσ καθίστανται, μαντικήν τε καὶ χρησμοὺσ καὶ ὅσα τοιαῦτα μετ’ ἐλπίδων λυμαίνεται. ταῦτ’ οὐκ οἶδα πῶσ ἄν τισ ἐπαινέσειεν ὡσ προσήκοντα εἰρῆσθαι στρατηγοῖσ Ἀθηναίων, ὅτι λυμαίνεται τοὺσ ἀνθρώπουσ ἡ παρὰ τῶν θεῶν ἐλπὶσ καὶ οὔτε χρησμῶν ὄφελοσ οὔτε μαντικῆσ τοῖσ εὐσεβῆ καὶ δίκαιον προῃρημένοισ τὸν βίον. εἰ γάρ τι καὶ ἄλλο, τῆσ Ἀθηναίων πόλεωσ καὶ τοῦτ’ ἐν τοῖσ πρώτοισ ἐστὶν ἐγκώμιον, τὸ περὶ παντὸσ πράγματοσ καὶ ἐν παντὶ καιρῷ τοῖσ θεοῖσ ἕπεσθαι καὶ μηδὲν ἄνευ μαντικῆσ καὶ χρησμῶν ἐπιτελεῖν. λεγόντων τε τῶν Μηλίων, ὅτι σὺν τῇ παρὰ τῶν θεῶν βοηθείᾳ καὶ Λακεδαιμονίοισ πεποίθασιν, οὓσ εἰ καὶ διὰ μηδὲν ἄλλο, διὰ γοῦν τὴν αἰσχύνην αὐτοῖσ βοηθήσειν καὶ οὐ περιόψεσθαι συγγενεῖσ ἀπολλυμένουσ, αὐθαδέστερον ἔτι τὸν Ἀθηναῖον ἀποκρινόμενον εἰσάγει· τῆσ μὲν τοίνυν πρὸσ τὸ θεῖον εὐμενείασ οὐδ’ ἡμεῖσ οἰόμεθα λελείψεσθαι· οὐδὲν γὰρ ἔξω τῆσ μὲν ἀνθρωπείασ, τῆσ δ’ εἰσ τὸ θεῖον νεμέσεωσ τῶν τ’ εἰσ σφᾶσ αὐτοὺσ βουλήσεων δικαιοῦμεν ἢ πράσσομεν. ἡγούμεθα γὰρ τό τε θεῖον δόξῃ τἀνθρώπειόν τε σαφῶσ διὰ παντὸσ ἀπὸ φύσεωσ ἀναγκαίωσ, οὗ ἂν κρατῇ, ἄρχειν·

τούτων ὁ νοῦσ ἔστι μὲν δυσείκαστοσ καὶ τοῖσ πάνυ δοκοῦσιν ἐμπείρωσ τοῦ ἀνδρὸσ ἔχειν, κατακλείεται δ’ εἰσ τοιοῦτόν τι πέρασ, ὅτι τὸ μὲν θεῖον δόξῃ γινώσκουσιν ἅπαντεσ, τὰ δὲ πρὸσ ἀλλήλουσ δίκαια τῷ κοινῷ τῆσ φύσεωσ κρίνουσι νόμῳ· οὗτοσ δ’ ἔστιν ἄρχειν ὧν ἂν δύνηταί τισ κρατεῖν. ἀκόλουθα καὶ ταῦτα τοῖσ πρώτοισ καὶ οὔτε Ἀθηναίοισ οὔτε Ἕλλησι πρέποντα εἰρῆσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 40

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 40)

상위

목록

SEARCH

MENU NAVIGATION