헬라어 문장 검색 - Διονψσ́ΔεΤηυξψ́36́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 36)

ἐν μὲν οὖν τῇ δευτέρᾳ βύβλῳ τὴν ἐπὶ Πλαταιὰσ Λακεδαιμονίων τε καὶ τῶν συμμάχων ἔλασιν ἀρξάμενοσ γράφειν ὑποτίθεται, τοῦ βασιλέωσ τῶν Λακεδαιμονίων Ἀρχιδάμου μέλλοντοσ δῃώσειν τὴν γῆν, πρέσβεισ παρὰ τῶν Πλαταιέων ἀφιγμένουσ πρὸσ αὐτόν, καὶ λόγουσ ἀποδίδωσιν, οἱούσ εἰκὸσ ἦν ὑπὸ ἀμφοτέρων εἰρῆσθαι, τοῖσ τε προσώποισ πρέποντασ καὶ τοῖσ πράγμασιν οἰκείουσ καὶ μήτ’ ἐλλείποντασ τοῦ μετρίου μήτε ὑπεραίροντασ, λέξει τε κεκόσμηκεν αὐτοὺσ καθαρᾷ καὶ σαφεῖ καὶ συντόμῳ καὶ τὰσ ἄλλασ ἀρετὰσ ἐχούσῃ· τήν τε ἁρμονίαν οὕτωσ ἔναυλον ἀποδέδωκεν ἅμα τοῖσ ἡδίστοισ παρεξετάζεσθαι· τοῦ δ’ ἐπιγιγνομένου θέρουσ οἱ Πελοποννήσιοι καὶ οἱ ξύμμαχοι ἐσ μὲν τὴν Ἀττικὴν οὐκ ἐσέβαλον, ἐστράτευσαν δ’ ἐπὶ Πλάταιαν· ἡγεῖτο δ’ Ἀρχίδαμοσ ὁ Ζευξιδάμου Λακεδαιμονίων βασιλεύσ· καὶ καθίσασ τὸν στρατὸν ἔμελλε δῃώσειν τὴν γῆν. οἱ δὲ Πλαταιεῖσ εὐθὺσ πρέσβεισ πέμψαντεσ πρὸσ αὐτὸν ἔλεγον τοιάδε· Ἀρχίδαμε καὶ Λακεδαιμόνιοι, οὐ δίκαια ποιεῖτε οὐδὲ ἄξια οὔθ’ ὑμῶν οὔτε πατέρων ὧν ἐστε, ἐσ γῆν τὴν Πλαταιέων στρατεύοντεσ. Παυσανίασ γὰρ ὁ Κλεομβρότου Λακεδαιμόνιοσ ἐλευθερώσασ τὴν Ἑλλάδα ἀπὸ τῶν Μήδων μετὰ Ἑλλήνων τῶν ἐθελησάντων συνάρασθαι τοῦ κινδύνου καὶ τῆσ μάχησ, ἣ παρ’ ἡμῖν ἐγένετο, θύσασ ἐν τῇ Πλαταιέων ἀγορᾷ ἱερὰ Διὶ ἐλευθερίῳ καὶ ξυγκαλέσασ πάντασ τοὺσ συμμάχουσ, ἀπεδίδου Πλαταιεῦσι γῆν καὶ πόλιν τὴν σφετέραν ἔχοντασ αὐτονόμουσ οἰκεῖν, στρατεῦσαί τε μηδένα ποτὲ ἀδίκωσ ἐπ’ αὐτοὺσ μηδ’ ἐπὶ δουλείᾳ· εἰ δὲ μή, ἀμύνειν τοὺσ παρόντασ ξυμμάχουσ κατὰ δύναμιν. τάδε μὲν ἡμῖν πατέρεσ οἱ ὑμέτεροι ἔδοσαν ἀρετῆσ ἕνεκα καὶ προθυμίασ τῆσ ἐν ἐκείνοισ τοῖσ κινδύνοισ γενομένησ. ὑμεῖσ δὲ τἀναντία ἐκείνοισ δρᾶτε· μετὰ γὰρ Θηβαίων τῶν ἡμῖν ἐχθίστων ἐπὶ δουλείᾳ τῇ ἡμετέρᾳ ἥκετε.

μάρτυρασ δὲ θεοὺσ τούσ τε ὁρκίουσ τότε γενομένουσ ποιούμενοι καὶ τοὺσ ὑμετέρουσ πατρῴουσ καὶ ἡμετέρουσ ἐγχωρίουσ λέγομεν ὑμῖν, γῆν τὴν Πλαταιίδα μὴ ἀδικεῖν μηδὲ παραβαίνειν τοὺσ ὁρ́κουσ, ἐᾶν δὲ οἰκεῖν αὐτονόμουσ, ὥσπερ Παυσανίασ ἐδικαίωσε. τοιαῦτα τῶν Πλαταιέων λεγόντων Ἀρχίδαμοσ ἀποκρίνεται τοιάδε· δίκαια λέγετε, ὦ ἄνδρεσ Πλαταιεῖσ, ἢν ποιῆτε ὅμοια τοῖσ λόγοισ. καθάπερ γὰρ Παυσανίασ ὑμῖν παρέδωκεν, αὐτοί τε αὐτονομεῖσθε καὶ τοὺσ ἄλλουσ ξυνελευθεροῦτε, ὅσοι μετασχόντεσ τῶν τότε κινδύνων ὑμῖν τε ξυνώμοσαν καὶ εἰσὶ νῦν ὑπ’ Ἀθηναίοισ· παρασκευή τε τοσήδε καὶ πόλεμοσ γεγένηται αὐτῶν ἕνεκα καὶ τῶν ἄλλων ἐλευθερώσεωσ. ἧσ μάλιστα μὲν μετασχόντεσ καὶ αὐτοὶ ἐμμείνατε τοῖσ ὁρ́κοισ. εἰ δὲ μή, ἅπερ καὶ πρότερον ἤδη προὐκαλεσάμεθα, ἡσυχίαν ἄγετε νεμόμενοι τὰ ὑμέτερα αὐτῶν· καὶ ἔστε μηδὲ μεθ’ ἑτέρων, δέχεσθε δ’ ἀμφοτέρουσ φίλουσ, ἐπὶ πολέμῳ δὲ μηδετέρουσ.

καὶ τάδε ἡμῖν ἀρκέσει. ὁ μὲν Ἀρχίδαμοσ τοσαῦτα εἶπεν. οἱ δὲ Πλαταιῶν πρέσβεισ ἀκούσαντεσ ταῦτα εἰσῆλθον εἰσ τὴν πόλιν· καὶ τῷ πλήθει τὰ ῥηθέντα κοινώσαντεσ ἀπεκρίναντο αὐτῷ, ὅτι ἀδύνατα εἰή σφίσι ποιεῖν, ἃ προκαλεῖται, ἄνευ Ἀθηναίων· παῖδεσ γὰρ σφῶν καὶ γυναῖκεσ παρ’ ἐκείνοισ εἰήσαν. δεδιέναι δὲ καὶ περὶ πάσῃ τῇ πόλει, μὴ ̓κείνων ἀποχωρησάντων Ἀθηναῖοι ἐλθόντεσ σφίσιν οὐκ ἐπιτρέπωσιν ἢ Θηβαῖοι ὡσ ἔνορκοι ὄντεσ κατὰ τὸ ἀμφοτέρουσ δέχεσθαι αὖθισ σφῶν τὴν πόλιν πειράσωσι καταλαβεῖν. ὃ δὲ θαρσύνων αὐτοὺσ πρὸσ ταῦτα ἔφη· ὑμεῖσ δὲ πόλιν μὲν καὶ οἰκίασ ἡμῖν παράδοτε τοῖσ Λακεδαιμονίοισ, καὶ γῆσ ὁρ́ουσ ἀποδείξατε, καὶ δένδρα τὰ ὑμέτερα καὶ εἴ τι ἄλλο δυνατὸν εἰσ ἀριθμὸν ἐλθεῖν· αὐτοὶ δὲ μεταχωρήσατε ὅποι βούλεσθε, ἑώσ ἂν ὁ πόλεμοσ ἦ·

ἐπειδὰν δὲ παρέλθῃ, ἀποδώσομεν ὑμῖν, ἃ ἂν παραλάβωμεν· μέχρι δὲ τοῦδε ἕξομεν ὑμῖν παρακαταθήκην ἐργαζόμενοι καὶ ἀποφορὰν φέροντεσ, ἣ ἂν ὑμῖν ἱκανὴ μέλλῃ ἔσεσθαι. οἳ δὲ ἀκούσαντεσ αὖθισ εἰσῆλθον εἰσ τὴν πόλιν, καὶ βουλευσάμενοι μετὰ τοῦ πλήθουσ ἔλεξαν, ὅτι βούλονται Ἀθηναίοισ κοινῶσαι πρῶτον ἃ προκαλεῖται, καὶ ἢν πείθωσιν αὐτούσ, ποιεῖν ταῦτα. μέχρι δὲ τούτου σπείσασθαι σφίσιν ἐκέλευον καὶ τὴν γῆν μὴ δῃοῦν. ὃ δ’ ἡμέρασ τε ἐσπείσατο, ἐν αἷσ εἰκὸσ ἦν κομισθῆναι, καὶ τὴν γῆν οὐκ ἔτεμνεν. ἐλθόντεσ δὲ οἱ Πλαταιεῖσ πρέσβεισ ὡσ τοὺσ Ἀθηναίουσ καὶ βουλευσάμενοι μετ’ αὐτῶν πάλιν ἦλθον ἀγγέλλοντεσ τοῖσ ἐν τῇ πόλει τοιάδε· οὔτ’ ἐν τῷ πρὸ τοῦ χρόνῳ, ἄνδρεσ Πλαταιεῖσ, ἀφ’ οὗ ξύμμαχοι ἐγενόμεθα, Ἀθηναῖοι φασὶν ἐν οὐδενὶ ὑμᾶσ προέσθαι ἀδικουμένουσ οὔτε νῦν περιόψεσθαι, βοηθήσειν δὲ κατὰ δύναμιν· ἐπισκήπτουσίν τε ὑμῖν πρὸσ τῶν ὁρ́κων, οὓσ οἱ πατέρεσ ὤμοσαν, μηδὲν νεωτερίζειν περὶ τὴν συμμαχίαν.

τοιαῦτα τῶν πρέσβεων ἀπαγγειλάντων οἱ Πλαταιεῖσ ἐβουλεύσαντο Ἀθηναίουσ μὴ προδιδόναι, ἀλλ’ ἀνασχέσθαι καὶ γῆν τεμνομένην, εἰ δέοι, ὁρῶντασ καὶ ἄλλο πάσχοντασ, ὅ τι ἂν ξυμβαίνῃ· ἐξελθεῖν τε μηδένα ἔτι, ἀλλ’ ἀπὸ τοῦ τείχουσ ἀποκρίνασθαι, ὅτι ἀδύνατά ἐστι σφίσι ποιεῖν ἃ Λακεδαιμόνιοι προκαλοῦνται. ὡσ δ’ ἀπεκρίναντο, ἐντεῦθεν δὴ πρῶτον μὲν ἐσ ἐπιμαρτυρίαν καὶ θεῶν καὶ ἡρώων τῶν ἐγχωρίων Ἀρχίδαμοσ ὁ βασιλεὺσ κατέστη λέγων ὧδε· θεοὶ ὅσοι γῆν τὴν Πλαταιίδα ἔχετε, καὶ ἡρ́ωεσ, ξυνίστορεσ ἔστε, ὅτι οὔτε τὴν ἀρχὴν ἀδίκωσ, ἐκλιπόντων δὲ τῶνδε προτέρων τὸ ξυνώμοτον ἐπὶ γῆν τήνδε ἤλθομεν, ἐν ᾗ οἱ πατέρεσ ἡμῶν εὐξάμενοι ὑμῖν Μήδων ἐκράτησαν καὶ παρέσχετε αὐτὴν εὐμενῆ ἐναγωνίσασθαι τοῖσ Ἕλλησιν, οὔτε νῦν ἤν τι ποιῶμεν, ἀδικήσομεν· προκαλεσάμενοι γὰρ πολλὰ καὶ εἰκότα οὐ τυγχάνομεν. ξυγγνώμονεσ δὲ ἔστε τῆσ μὲν ἀδικίασ κολάζεσθαι τοῖσ ὑπάρχουσι προτέροισ, τῆσ δὲ τιμωρίασ τυγχάνειν τοῖσ ἐπιφέρουσι νομίμωσ. τοσαῦτα ἐπιθειάσασ καθίστη εἰσ πόλεμον τὸν στρατόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 36

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 36)

상위

목록

SEARCH

MENU NAVIGATION