호흡부호 보기
강세부호 보기
장단부호 보기
작은 Iota 보기
모든 부호 보기
ἕν ἔτι λείπεταί μοι μέροσ ἀπολογίασ δεόμενον, ἐπίφθονον μέν τι κατηγόρημα καὶ τοῖσ πολλοῖσ κεχαρισμένον, ῥᾳδίωσ δ’ ἐξελεγχθῆναι δυνησόμενον, ὡσ οὐκ ἔστιν ὑγιέσ. οὐ γὰρ εἰ τῇ δυνάμει λειπόμεθα Θουκυδίδου τε καὶ τῶν ἄλλων ἀνδρῶν, καὶ τὸ θεωρητικὸν αὐτῶν ἀπολωλέκαμεν. οὐδὲ γὰρ τὰσ Ἀπελλοῦ καὶ Ζεύξιδοσ καὶ Πρωτογένουσ καὶ τῶν ἄλλων γραφέων τῶν διωνομασμένων τέχνασ οἱ μὴ τὰσ αὐτὰσ ἔχοντεσ ἐκείνοισ ἀρετὰσ κρίνειν κεκώλυνται, οὐδὲ τὰ Φειδίου καὶ Πολυκλείτου καὶ Μύρωνοσ ἔργα οἱ μὴ τηλικοῦτοι δημιουργοί. ἐῶ γὰρ λέγειν, ὅτι πολλῶν ἔργων οὐχ ἥττων τοῦ τεχνίτου κριτὴσ ὁ ἰδιώτησ, τῶν τε δι’ αἰσθήσεωσ ἀλόγου καὶ τοῖσ πάθεσι καταλαμβανομένων, καὶ ὅτι πᾶσα τέχνη τούτων στοχάζεται τῶν κριτηρίων καὶ ἀπὸ τούτων λαμβάνει τὴν ἀρχήν. ἅλισ ἔστω μοι προοιμίων, ἵνα μὴ λάθω περὶ ταῦτα κατατρίψασ τὸν λόγον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기