헬라어 문장 검색 - Διονψσ́ΔεΛψσιά17́

(디오니시오스, chapter 17)

φημὶ δὴ πάντων δεξιώτατον εἶναι τὸν ῥήτορα κατὰ τὰσ εἰσβολὰσ τῶν λόγων καὶ χαριέστατον, ἐννοούμενοσ, ὅτι ἄρξασθαι μὲν καλῶσ οὐ ῥᾴδιόν ἐστιν, εἰ δή τισ τῇ προσηκούσῃ χρῆσθαι βούλοιτο ἀρχῇ καὶ μὴ τὸν ἐπιτυχόντα λόγον εἰπεῖν οὐ γὰρ τὸ πρῶτον ῥηθέν, ἀλλ’ ὃ τοῦ προτεθέντοσ λόγου μηδαμοῦ μᾶλλον ἢ ἐπὶ πρώτου ὠφελήσειε, τοῦτο ἀρχή τε καὶ προοίμιον, ὁρῶν δὲ τὸν ῥήτορα πᾶσι κεχρημένον, οἷσ τέχναι τε παραγγέλλουσι καὶ τὰ πράγματα βούλεται. τότε μὲν γὰρ ἀπὸ τοῦ ἰδίου ἐπαίνου λέγων αὐτὸσ ἄρχεται, τότε δὲ ἀπὸ τῆσ διαβολῆσ τοῦ ἀντιδίκου, εἰ δὲ τύχοι αὐτὸσ προδιαβληθείσ, τὰσ αἰτίασ πρῶτον ἀπολύεται τὰσ καθ’ αὑτοῦ· τότε δὲ τοὺσ δικαστὰσ ἐπαινῶν καὶ θεραπεύων οἰκείουσ ἑαυτῷ τε καὶ τῷ πράγματι καθίστησι, τότε δὲ τὴν ἀσθένειαν τὴν ἰδίαν καὶ τὴν πλεονεξίαν τὴν τοῦ ἀντιδίκου καὶ τὸ μὴ περὶ τῶν ἴσων ἀμφοτέροισ εἶναι τὸν ἀγῶνα ὑποδείκνυσι· τότε δὲ ὡσ κοινὰ τὰ πράγματα καὶ ἀναγκαῖα πᾶσι καὶ οὐκ ἄξια ὑπὸ τῶν ἀκουόντων ἀμελεῖσθαι λέγει, τότε δὲ ἄλλο τι κατασκευάζεται τῶν δυναμένων αὐτὸν μὲν ὠφελῆσαι, τὸν δὲ ἀντίδικον ἐλαττῶσαι. ταῦτα δὲ συντόμωσ καὶ ἀφελῶσ διανοίαισ τε χρησταῖσ καὶ γνώμαισ εὐκαίροισ καὶ ἐνθυμήμασι μετρίοισ περιλαβὼν ἐπὶ τὴν πρόθεσιν ἐπείγεται, δι’ ἧσ τὰ μέλλοντα ἐν ταῖσ ἀποδείξεσι λέγεσθαι προειπὼν καὶ τὸν ἀκροατὴν παρασκευάσασ εὐμαθῆ πρὸσ τὸν μέλλοντα λόγον ἐπὶ τὴν διήγησιν καθίσταται· καὶ ἔστι μεθόριον αὐτῷ ἑκατέρασ τῶν ἰδεῶν ὡσ τὰ πολλὰ ἡ πρόθεσισ, ἤδη δέ ποτε καὶ ἀπὸ μόνησ ταύτησ ἤρξατο. καὶ ἀπροοιμιάστωσ ποτὲ εἰσέβαλε τὴν διήγησιν ἀρχὴν λαβών.

καὶ οὐκ ἄψυχοσ οὐδ’ ἀκίνητόσ ἐστι περὶ ταύτην τὴν ἰδέαν· μάλιστα δ’ ἄν τισ αὐτοῦ θαυμάσειε τὴν ἐν τοῖσ προοιμίοισ δύναμιν, ἐνθυμηθεὶσ ὅτι διακοσίων οὐκ ἐλάττουσ δικανικοὺσ γράψασ λόγουσ ἐν οὐδενὶ πέφηνεν οὔτε ἀπιθάνωσ προοιμιαζόμενοσ οὔτε ἀπηρτημένῃ τῶν πραγμάτων ἀρχῇ χρώμενοσ, ἀλλ’ οὐδὲ τοῖσ ἐνθυμήμασιν ἐπιβέβληκε τοῖσ αὐτοῖσ οὐδ’ ἐπὶ τὰσ αὐτὰσ κατενήνεκται διανοίασ. καίτοι γε τοῦτο καὶ οἱ λόγουσ ὀλίγουσ γράψαντεσ εὑρίσκονται πεπονθότεσ, λέγω δὲ τὸ τοῖσ αὐτοῖσ ἐπιβαλεῖν τόποισ· ἐῶ γὰρ ὅτι καὶ τὰ παρ’ ἑτέροισ εἰρημένα λαμβάνοντεσ ὀλίγου δεῖν πάντεσ οὐκ ἐν αἰσχύνῃ τίθενται τὸ ἔργον. οὑτοσὶ δὲ καινὸσ ὁ ῥήτωρ ἐστὶ καθ’ ἕκαστον τῶν λόγων κατά γε οὖν τὰσ εἰσβολὰσ καὶ τὰ προοίμια καὶ δυνατόσ, ὃ βούλοιτο, διαπράξασθαι·

οὔτε γὰρ εὔνοιαν κινῆσαι βουλόμενοσ οὔτε προσοχὴν οὔτε εὐμάθειαν ἀτυχήσειεν ἄν ποτε τοῦ σκοποῦ. κατὰ μὲν δὴ ταύτην τὴν ἰδέαν ἢ πρῶτον ἢ οὐδενὸσ δεύτερον αὐτὸν ἀποφαίνομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, chapter 17

(디오니시오스, chapter 17)

상위

목록

SEARCH

MENU NAVIGATION