Dionysius of Halicarnassus, De Isocrate, chapter 8

(디오니시오스, De Isocrate, chapter 8)

τίσ δὲ τὸν Ἀρεοπαγιτικὸν ἀναγνοὺσ λόγον οὐκ ἂν γένοιτο κοσμιώτεροσ, ἢ τίσ οὐκ ἂν θαυμάσειε τὴν ἐπιβολὴν τοῦ ῥήτοροσ; ὃσ ἐτόλμησε διαλεχθῆναι περὶ πολιτείασ Ἀθηναίοισ ἀξιῶν μεταθέσθαι μὲν τὴν τότε καθεστῶσαν δημοκρατίαν ὡσ μεγάλα βλάπτουσαν τὴν πόλιν, ὑπὲρ ἧσ τῶν δημαγωγῶν οὐθεὶσ ἐπεχείρει λέγειν, θεωρῶν εἰσ τοσαύτην αὐτὴν προεληλυθυῖαν ἀκοσμίαν, ὥστε μηδὲ τοὺσ ἄρχοντασ ἔτι τῶν ἰδιωτῶν κρατεῖν, ἀλλ’ ἕκαστον, ὅ τι καθ’ ἡδονὴν αὐτῷ γίνοιτο, καὶ ποιοῦντα καὶ λέγοντα, καὶ τὴν ἄκαιρον παρρησίαν δημοτικὴν ἐξουσίαν ὑπὸ πάντων νομιζομένην, ἀνασώσασθαι δὲ τὴν ὑπὸ Σόλωνόσ τε καὶ Κλεισθένουσ κατασταθεῖσαν πολιτείαν. ἧσ τὴν προαίρεσιν καὶ τὰ ἤθη διεξιὼν δεινότερον μὲν ἡγεῖσθαί φησι τοὺσ τότε ἀνθρώπουσ τὸ τοῖσ πρεσβυτέροισ ἀντειπεῖν ἢ δημοκρατίαν δὲ αὐτοὺσ νομίζειν οὐ τὴν ἀκολασίαν, ἀλλὰ τὴν σωφροσύνην. τὸ δὲ ἐλεύθερον οὐκ ἐν τῷ καταφρονεῖν τῶν ἀρχόντων ἀλλ’ ἐν τῷ τὰ κελευόμενα ποιεῖν τίθεσθαι, ἐξουσίαν τε οὐθενὶ τῶν ἀκολάστων ἐπιτρέπειν, ἀλλὰ τοῖσ βελτίστοισ ἀνατιθέναι τὰσ ἀρχάσ, τοιούτουσ ἔσεσθαι τοὺσ ἄλλουσ ὑπολαμβάνοντασ, οἱοῖ́ περ ἂν ὦσιν οἱ τὴν πόλιν διοικοῦντεσ. ἀντὶ δὲ τοῦ τὰσ ἰδίασ οὐσίασ ἐκ τῶν δημοσίων ἐπανορθοῦν τοὺσ ἰδίουσ πλούτουσ εἰσ τὰ κοινὰ καταχορηγεῖν. χωρὶσ δὲ τούτων πλείω τὴν ἐπιμέλειαν ποιεῖσθαι τοὺσ πατέρασ τῶν υἱῶν ἀνδρῶν γενομένων ἢ παίδων ὄντων ἐποιοῦντο, ἐνθυμουμένουσ, ὡσ οὐκ ἐξ ἐκείνησ τῆσ παιδείασ ἀλλ’ ἐκ ταύτησ τῆσ σωφροσύνησ μᾶλλον ὠφελεῖται τὸ κοινόν. κρείττονά τε ὑπολαμβάνειν τὰ χρηστὰ ἐπιτηδεύματα τῆσ ἀκριβοῦσ νομοθεσίασ, σκοποῦντασ οὐχ ὅπωσ ταῖσ τιμωρίαισ τοὺσ ἁμαρτάνοντασ ἀνείρξουσιν, ἀλλ’ ὡσ μηδὲν ἄξιον ζημίασ ἕκαστον παρασκευάσουσιν ἐπιτηδεύειν, καὶ τὴν μὲν πατρίδα δεῖν οἰομένουσ ἐν ἐξουσίᾳ διάγειν μεγάλῃ, τοῖσ δ’ ἰδιώταισ μηδὲν ἐξεῖναι ποιεῖν, ὅ τι ἂν οἱ νόμοι κωλύωσι. καρτερεῖν δὲ τὰ δεινὰ καὶ μὴ ἐκπλήττεσθαι ταῖσ συμφοραῖσ.

일치하는 문장이 없습니다.

SEARCH

MENU NAVIGATION