Dionysius of Halicarnassus, chapter 10

(디오니시오스, chapter 10)

ὑποτίθεται δὲ ἑκάτεροσ ἰδιώτην ἄνδρα καὶ ἀπράγμονα καὶ νέον παρὰ τὴν ἑαυτοῦ προαίρεσίν τε καὶ φύσιν ἠναγκασμένον ἐν δικαστηρίῳ λέγειν, ὁ μὲν Λυσίασ ἐν τῷ πρὸσ Ἀρχεβιάδην λόγῳ τὸν τρόπον τοῦτον· ἐπειδὴ τάχιστα ἔλαχέ μοι ταύτην τὴν δίκην Ἀρχεβιάδησ, ὦ ἄνδρεσ δικασταί, προσῆλθον αὐτῷ λέγων, ὅτι νέοσ καὶ ἄπειροσ εἰήν πραγμάτων καὶ οὐδὲν δεόμενοσ εἰσιέναι εἰσ δικαστήριον. ἐγὼ οὖν σε ἀξιῶ μὴ εὑρ́εμα ἡγεῖσθαι τὴν ἡλικίαν τὴν ἐμήν, ἀλλὰ παραλαβόντα τοὺσ ἐμοὺσ φίλουσ καὶ τοὺσ σαυτοῦ διηγήσασθαι περὶ τοῦ χρέωσ, ὅθεν γεγένηται. κἂν δόξῃσ ἀληθῆ λέγειν ἐκείνοισ, οὐδέν σοι δεήσει πραγμάτων, ἀλλὰ λαβὼν ἄπει τὰ σαυτοῦ. δίκαιοσ δὲ εἶ μηδὲν παραλιπεῖν, ἀλλ’ εἰπεῖν ἅπαντα, ἐπειδὴ νεώτερόσ εἰμι τοῦ συμβολαίου, ἵνα ἀκούσαντεσ, περὶ ὧν οὐκ ἴσμεν, βουλευσώμεθα περὶ ὧν σὺ λέγεισ· ἐάν πωσ φανερὸν γένηται, πότερον ἀδίκωσ τῶν ἐμῶν ἐφίεσαι ἢ δικαίωσ τὰ σεαυτοῦ ζητεῖσ κομίσασθαι. ταῦτ’ ἐμοῦ προκαλουμένου οὐδεπώποτ’ ἠθέλησε συνελθεῖν οὐδὲ λόγον περὶ ὧν ἐνεκάλει ποιήσασθαι οὐδὲ δίαιταν ἐπιτρέψαι, ἑώσ ὑμεῖσ τὸν νόμον τὸν περὶ τῶν διαιτητῶν ἔθεσθε. ὁ δὲ Ἰσαῖοσ ἐν ἀμφισβητήσει χωρίου τοῦ ὑπὸ τῶν δημοτῶν κατεσχημένου, οἷσ τὸ χωρίον ὑπέκειτο, ταύτῃ χρώμενον εἰσάγει τῇ ἀρχῇ·

μάλιστα μὲν ἐβουλόμην, ὦ ἄνδρεσ δικασταί, μηδ’ ὑφ’ ἑνὸσ ἀδικεῖσθαι τῶν πολιτῶν, εἰ δὲ μή, τοιούτων ἀντιδίκων τυχεῖν, πρὸσ οὓσ οὐδὲν ἂν ἐφρόντιζον διαφερόμενοσ. νῦν δέ μοι πάντων πραγμάτων λυπηρότατον συμβέβηκεν. ἀδικοῦμαι γὰρ ὑπὸ τῶν δημοτῶν, οὓσ περιορᾶν μὲν ἀποστεροῦντασ οὐ ῥᾴδιον, ἀπέχθεσθαι δὲ ἀηδέσ, μεθ’ ὧν ἀνάγκη καὶ συνθύειν καὶ συνουσίασ κοινὰσ ποιεῖσθαι. πρὸσ μὲν οὖν πολλοὺσ χαλεπὸν ἀντιδικεῖν· μέγα γὰρ μέροσ συμβάλλεται τὸ πλῆθοσ αὐτοῖσ πρὸσ τὸ δοκεῖν ἀληθῆ λέγειν· ὅμωσ δὲ διὰ τὸ πιστεύειν τοῖσ πράγμασι, πολλῶν μοι καὶ δυσκόλων συμπιπτόντων οὐχ ἡγούμην δεῖν κατοκνῆσαι δι’ ὑμῶν πειρᾶσθαι τυγχάνειν τῶν δικαίων. δέομαι οὖν ὑμῶν συγγνώμην ἔχειν, εἰ καὶ νεώτεροσ ὢν λέγειν ἐπὶ δικαστηρίου τετόλμηκα·

διὰ γὰρ τοὺσ ἀδικοῦντασ ἀναγκάζομαι παρὰ τὸν ἐμαυτοῦ τρόπον τοιοῦτόν τι ποιεῖν. πειράσομαι δ’ ὑμῖν ἐξ ἀρχῆσ, ὡσ ἂν δύνωμαι, διὰ βραχυτάτων εἰπεῖν περὶ τοῦ πράγματοσ.

일치하는 문장이 없습니다.

SEARCH

MENU NAVIGATION