헬라어 문장 검색 - Διονψσ́ΔεΔεμοσ́52́

(디오니시오스, De Demosthene, chapter 53)

εἷσ ἔτι μοι καταλείπεται λόγοσ ὁ περὶ τῆσ ὑποκρίσεωσ, ὡσ κεκόσμηκε τὴν λέξιν ἁνήρ, ἀναγκαίασ ἀρετῆσ οὔσησ περὶ λόγουσ καὶ μάλιστα τοὺσ πολιτικούσ. ἧσ παρούσησ μὲν καὶ ταῖσ ἄλλαισ ἀρεταῖσ γίνεται χώρα καὶ τόποσ, ἀπούσησ δὲ οὐδὲ ὁτιοῦν ὄφελοσ οὐδ’ ἐκείνων οὐδεμιᾶσ. τεκμήραιτο δ’ ἄν τισ, ἡλίκην ἰσχὺν τοῦτο τὸ στοιχεῖον ἔχει, καταμαθών, ὅσον ἀλλήλων ἀλλάττουσιν οἱ τραγῳδίασ τε καὶ κωμῳδίασ ὑποκρινόμενοι. τὰ γὰρ αὐτὰ ποιήματα λέγοντεσ οὐχ ὡσαύτωσ ἡμᾶσ κηλοῦσιν ἅπαντεσ, ἀλλ’ ἐνίοισ ἐπαχθόμεθα καὶ ὥσπερ ἀδικούμενοί τι καθυποκρινομένοισ καὶ διαφθείρουσι τὰσ βουλήσεισ τῶν ποιημάτων χαλεπαίνομεν. ταύτησ δή φημι τῆσ ἀρετῆσ πάνυ δεῖν τοῖσ ἐναγωνίοισ λόγοισ, εἰ μέλλουσιν ἕξειν πολὺ τὸ ἀληθινὸν καὶ ἔμψυχον. ἧσ πλείστην ὥσπερ καὶ τῶν ἄλλων πρόνοιαν ἔσχεν οὗτοσ ὁ ἀνήρ. διττὴν δὲ τὴν φύσιν αὐτῆσ οὖσαν ὁρῶν, περὶ ἄμφω τὰ μέρη σφόδρα ἐσπούδασε. καὶ γὰρ τὰ πάθη τὰ τῆσ φωνῆσ καὶ τὰ σχήματα τοῦ σώματοσ, ὡσ κράτιστα ἕξειν ἔμελλεν, οὐ μικρῷ πόνῳ κατειργάσατο, καίτοι φύσει πρὸσ ταῦτα οὐ πάνυ εὐτυχεῖ χρησάμενοσ, ὡσ Δημήτριόσ τε ὁ Φαληρεύσ φησι καὶ οἱ ἄλλοι πάντεσ οἱ τὸν βίον αὐτοῦ συγγράψαντεσ. τί δὴ ταῦτα πρὸσ τὴν λέξιν αὐτοῦ συντείνει; φαίη τισ ἄν. ἡ λέξισ μὲν οὖν, εἴποιμ’ ἄν, οἰκείωσ κατεσκεύασται πρὸσ ταῦτα, μεστὴ πολλῶν οὖσα ἠθῶν καὶ παθῶν καὶ διδάσκουσα, οἱάσ ὑποκρίσεωσ αὐτῇ δεῖ. ὥστε τοὺσ ἀναγινώσκοντασ τὸν ῥήτορα τοῦτον ἐπιμελῶσ χρὴ παρατηρεῖν, ἵνα τοῦτον ἕκαστα λέγηται τὸν τρόπον, ᾗ ἐκεῖνοσ ἐβούλετο. αὐτὴ γὰρ ἡ λέξισ διδάσκει τοὺσ ἔχοντασ ψυχὴν εὐκίνητον, μεθ’ οἱάσ αὐτὴν ὑποκρίσεωσ ἐκφέρεσθαι δεήσει. ὃ δὴ ἐγὼ σαφὲσ ἐπὶ τῶν παραδειγμάτων ποιήσω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 53

(디오니시오스, De Demosthene, chapter 53)

상위

목록

SEARCH

MENU NAVIGATION