헬라어 문장 검색 - Διονψσ́ΔεΔεμοσ́43́

(디오니시오스, De Demosthene, chapter 44)

τί δὲ τοῦτ’ ἔστιν; ἐπειδὴ κρατίστην μὲν ἔφην εἶναι τὴν μικτὴν σύνθεσιν, ταύτῃ δὲ κεχρῆσθαί φημι τὸν Δημοσθένην ἁπάντων μετριώτατα τῶν ἄλλων, ἐπιτάσεισ δὲ καὶ ἀνέσεισ ἀξιολόγουσ ἐν αὐτῇ ποιεῖσθαι, τοτὲ μὲν ἀξιωματικωτέραν, τοτὲ δ’ εὐπρεπεστέραν ποιοῦντα τὴν ἀγωγήν, τί δή ποτε βουλόμενοσ οὐ πορεύεται μίαν αἰεὶ καὶ τὴν αὐτὴν ὁδόν; καὶ τὸ ἐν τῷδε ἢ τῷδε πλεονάζειν χαρακτῆρι ποίοισ τισὶν ὁρίζει κανόσι; δοκεῖ δή μοι φύσει τε καὶ πείρᾳ διδαχθεὶσ ὁ ἀνὴρ πρῶτον μὲν ἐκεῖνο καταμαθεῖν, ὅτι οὐχ ὁμοίασ ἀπαιτοῦσι κατασκευὰσ λέξεωσ οἱ πρὸσ τὰσ πανηγύρεισ καὶ σχολὰσ συρρέοντεσ ὄχλοι τοῖσ εἰσ τὰ δικαστήρια καὶ τὰσ ἐκκλησίασ ἀπαντῶσιν, ἀλλ’ οἳ μὲν ἀπάτησ ὀρέγονται καὶ ψυχαγωγίασ, οἳ δὲ διδαχῆσ, ὧν ἐπιζητοῦσι, καὶ ὠφελείασ. οὔτε δὴ τὸν ἐν δικαστηρίοισ λόγον ᾤετο δεῖν κωτίλλειν καὶ λιγαίνειν, οὔτε τὸν ἐπιδεικτικὸν αὐχμοῦ μεστὸν εἶναι καὶ πίνου. πανηγυρικοὺσ μὲν οὖν λόγουσ οὐκ ἔχομεν αὐτοῦ παρασχέσθαι· πάντασ γὰρ ἔγωγε τοὺσ ἀναφερομένουσ εἰσ αὐτὸν ἀλλοτρίουσ εἶναι πείθομαι καὶ οὐδὲ κατὰ μικρὸν ἔχοντασ τὸν ἐκείνου χαρακτῆρα οὔτ’ ἐν τοῖσ νοήμασιν οὔτ’ ἐν τοῖσ ὀνόμασι, τῆσ δὲ συνθέσεωσ ὅλῳ καὶ τῷ παντὶ λειπομένουσ. ὧν ἐστιν ὅ τε φορτικὸσ καὶ κενὸσ καὶ παιδαριώδησ ἐπιτάφιοσ καὶ τὸ τοῦ σοφιστικοῦ λήρου μεστὸν ἐγκώμιον εἰσ Παυσανίαν. τὰσ δὲ περὶ τούτων ἀποδείξεισ οὐχ οὗτοσ ὁ καιρὸσ λέγειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 44

(디오니시오스, De Demosthene, chapter 44)

상위

목록

SEARCH

MENU NAVIGATION