헬라어 문장 검색 - Διονψσ́ΔεΔεμοσ́22́

(디오니시오스, De Demosthene, chapter 23)

ἀλλὰ γάρ, ἵνα μὴ περὶ ταῦτα διατρίβων ἀναγκασθῶ παραλιπεῖν τι τῶν περιλειπομένων, Ἰσοκράτην μὲν καὶ τὸν χαρακτῆρα τῆσ ἀγωγῆσ ἐκείνησ ἐάσω, περὶ δὲ Πλάτωνοσ ἤδη διαλέξομαι τά γ’ ἐμοὶ δοκοῦντα μετὰ παρρησίασ, οὐθὲν οὔτε τῇ δόξῃ τἀνδρὸσ προστιθεὶσ οὔτε τῆσ ἀληθείασ ἀφαιρούμενοσ, καὶ μάλιστα ἐπεί τινεσ ἀξιοῦσι πάντων αὐτὸν ἀποφαίνειν φιλοσόφων τε καὶ ῥητόρων ἑρμηνεῦσαι τὰ πράγματα δαιμονιώτατον παρακελεύονταί τε ἡμῖν ὁρ́ῳ καὶ κανόνι χρῆσθαι καθαρῶν ἅμα καὶ ἰσχυρῶν λόγων τούτῳ τῷ ἀνδρί. ἤδη δέ τινων ἤκουσα ἐγὼ λεγόντων, ὡσ, εἰ καὶ παρὰ θεοῖσ διάλεκτόσ ἐστιν, ᾗ τὸ τῶν ἀνθρώπων κέχρηται γένοσ, οὐκ ἄλλωσ ὁ βασιλεὺσ ὤν αὐτῶν διαλέγεται θεὸσ ἢ ὡσ Πλάτων. πρὸσ δὴ τοιαύτασ ὑπολήψεισ καὶ τερατείασ ἀνθρώπων ἡμιτελῶν περὶ λόγουσ, οἳ τὴν εὐγενῆ κατασκευὴν οὐκ ἴσασιν ἥ τίσ ποτ’ ἐστὶν οὐδὲ δύνανται, πᾶσαν εἰρωνείαν ἀφείσ, ὡσ πέφυκα, διαλέξομαι. ὃν δὲ ἀξιῶ τρόπον ποιήσασθαι τὴν ἐξέτασιν αὐτοῦ, βούλομαι προειπεῖν.

ἐγὼ τὴν μὲν ἐν τοῖσ διαλόγοισ δεινότητα τοῦ ἀνδρὸσ καὶ μάλιστα ἐν οἷσ ἂν φυλάττῃ τὸν Σωκρατικὸν χαρακτῆρα, ὥσπερ ἐν τῷ Φιλήβῳ, πάνυ ἄγαμαί τε καὶ τεθαύμακα, τῆσ δ’ ἀπειροκαλίασ αὐτὸν οὐδεπώποτ’ ἐζήλωσα τῆσ ἐν ταῖσ ἐπιθέτοισ κατασκευαῖσ, ὥσπερ ἔφην καὶ πρότερον, καὶ πάντων ἥκιστα ἐν οἷσ ἂν εἰσ πολιτικὰσ ὑποθέσεισ συγκαθεὶσ ἐγκώμια καὶ ψόγουσ κατηγορίασ τε καὶ ἀπολογίασ ἐπιχειρῇ γράφειν. ἕτεροσ γάρ τισ αὑτοῦ γίνεται τότε καὶ καταισχύνει τὴν φιλόσοφον ἀξίωσιν. κἀμοί γε πολλάκισ ἐπῆλθεν εἰπεῖν ἐπὶ τῶν τοιούτων αὐτοῦ λόγων, ὃ πεποίηται παρ’ Ὁμήρῳ πρὸσ τὴν Ἀφροδίτην ὁ Ζεὺσ λέγων· λβού̓́ τοι, τέκνον ἐμόν, δέδοται πολεμήια ἔργα, λβά̓λλὰ σύ γ’ ἱμερόεντα μετέρχεο ἔργα γάμοιο Σωκρατικῶν διαλόγων, ταῦτα δὲ πολιτικοῖσ καὶ ῥήτορσιν ἀνδράσι μελήσει. ποιοῦμαι δὲ τῆσ ἐμαυτοῦ δόξησ κοινοὺσ κριτὰσ τοὺσ φιλολόγουσ ἅπαντασ, ὑπεξαιρούμενοσ, εἴ τινέσ εἰσι φιλότιμοι καὶ πρὸσ τὰσ δόξασ ἀλλὰ μὴ πρὸσ τὴν ἀλήθειαν κρίνοντεσ τὰ πράγματα.

τὸ μὲν οὖν ἐκλέγειν ἐξ ἁπάντων αὐτοῦ τῶν λόγων, εἴ τι κάκιστον εἴρηται, ὃ ποιοῦσιν ἕτεροί τινεσ, κἄπειτα τούτοισ ἀντιπαρατιθέναι τὴν κράτιστα ἔχουσαν Δημοσθένουσ λέξιν οὐκ ἐδοκίμαζον, τὸ δ’ ἐκ τῶν ἀμφοτέρων μάλιστα εὐδοκιμούντων, ταῦτα παρ’ ἄλληλα θεὶσ ἐξετάζειν τὰ κρείττω τοῦτ’ ἔδοξ̓ εἶναι δίκαιον, καὶ ἐπ’ αὐτὸ τοδὶ τρέψομαι τὸ μέροσ. δικανικὸσ μὲν οὖν λόγοσ εἷσ ἐστι Πλάτωνι, Σωκράτουσ ἀπολογία, δικαστηρίου μὲν ἢ ἀγορᾶσ οὐδὲ θύρασ ἰδών, κατ’ ἄλλην δέ τινα βούλησιν γεγραμμένοσ, οὔτ’ ἐν λόγοισ τόπον ἔχων οὔτ’ ἐν διαλόγοισ. τοῦτον μὲν οὖν ἐῶ.

δημηγορία δὲ οὐδεμία, πλὴν εἴ τισ ἄρα τὰσ ἐπιστολὰσ βούλεται δημηγορίασ καλεῖν. ἀφείσθωσαν δὴ καὶ αὗται. ἐγκώμια δ’ ἐν τῷ συμποσίῳ πολλὰ μὲν ἔρωτοσ, ὧν ἔνια οὐκ ἄξια σπουδῆσ, ἓν δὲ Σωκράτουσ ὁποῖον δή ποτε· οὐθὲν γὰρ δέομαι νῦν γε περὶ τούτου λέγειν. κράτιστοσ δὴ πάντων τῶν πολιτικῶν λόγων ὁ Μενέξενοσ, ἐν ᾧ τὸν ἐπιτάφιον διεξέρχεται λόγον, ὡσ μὲν ἐμοὶ δοκεῖ, Θουκυδίδην παραμιμούμενοσ, ὡσ δὲ αὐτόσ φησιν, Ἀρχίνῳ καὶ Δίωνι τοῦτον δὴ παραλήψομαι τὸν λόγον καὶ παρ’ αὐτὸν ἐξετάσω Δημοσθένουσ λέξεισ τινάσ, οὐκ ἐκ τοῦ ἐπιταφίου· τοῦτον μὲν γὰρ οὐχ ἡγοῦμαι ὑπ’ ἐκείνου τοῦ ἀνδρὸσ γεγράφθαι· ἀλλ’ ἐκ τῶν ἄλλων αὐτοῦ λόγων, ὅσοι περί τε τοῦ καλοῦ καὶ τῆσ ἀρετῆσ εἴρηνται, μᾶλλον δ’ ἐξ ἑνὸσ ἀγῶνοσ· οὐ γὰρ ἔχω καιρὸν ὅσοισ βούλομαι παραδείγμασι χήσασθαι, πάντων μάλιστα βουληθεὶσ ἄν.

τοιοῦτοσ μὲν δή τισ ὁ τρόποσ ἔσται μοι τῆσ συγκρίσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 23

(디오니시오스, De Demosthene, chapter 23)

상위

목록

SEARCH

MENU NAVIGATION