헬라어 문장 검색 - Διονψσ́ΔεΔεμοσ́13́

(디오니시오스, De Demosthene, chapter 13)

ταῦτ’ οὐ καθαρὰ καὶ ἀκριβῆ καὶ σαφῆ καὶ διὰ τῶν κυρίων τε καὶ κοινῶν ὀνομάτων κατεσκευασμένα ὥσπερ τὰ Λυσίου; τοσαύτην σαύτην οἱ χαρακτῆρεσ ὁμοιότητα πρὸσ ἀλλήλουσ ἔχουσι. ἐμοὶ μὲν γὰρ ὑπάρχειν δοκεῖ. τί δέ; οὐχὶ σύντομα καὶ στρογγύλα καὶ ἀληθείασ μεστὰ καὶ τὴν ἀφελῆ καὶ ἀκατάσκευον ἐπιφαίνοντα φύσιν, καθάπερ ἐκεῖνα; πάντων μὲν οὖν μάλιστα. οὐχὶ δὲ καὶ πιθανὰ καὶ ἐν ἤθει λεγόμενά τινι καὶ τὸ πρέπον τοῖσ ὑποκειμένοισ προσώποισ τε καὶ πράγμασι φυλάττοντα; ἡδονῆσ δὲ ἄρα καὶ πειθοῦσ καὶ χαρίτων καιροῦ τε καὶ τῆσ ἄλλησ ἁπάσησ τῆσ τοῖσ Λυσιακοῖσ ἐπανθούσησ ἀρετῆσ οὐχὶ πολλὴ μοῖρα; οὐκ ἔνεστ’ ἄλλωσ εἰπεῖν. εἰ γοῦν μὴ διὰ τῆσ ἐπιγραφῆσ, οὗ τινόσ ἐστιν, ἑκάτεροσ τῶν λόγων γνώριμοσ ἦν, ἀλλ’ ἀνεπιγράφοισ περιετύχομεν αὐτοῖσ, οὐ πολλοὺσ ἂν ἡμῶν οἰόμαι διαγνῶναι ῥᾳδίωσ, πότεροσ Δημοσθένουσ ἐστὶν ἢ Λυσίου· τοιοῦτόσ ἐστι καὶ ὁ πρὸσ Ἀπολλόδωρον ὑπὲρ Φορμίωνοσ καὶ ὁ κατ’ Ὀλυμπιοδώρου βλάβησ καὶ ὁ πρὸσ Βοιωτὸν ὑπὲρ τοῦ ὀνόματοσ ἥ τε πρὸσ Εὐβουλίδην ἔφεσισ καὶ ἡ πρὸσ Μακάρτατον διαδικασία καὶ οἱ ἄλλοι πάντεσ οἱ ἰδιωτικοὶ λόγοι οὐ πολλῷ πλείουσ τῶν εἴκοσιν ὄντεσ. οἷσ γε δὴ κατὰ τὸ παρὸν ἐντετυχηκὼσ γνώσῃ, ὁποῖα λέγω. καὶ τῶν δημοσίων δὲ ἀγώνων πολλὰ μέρη τούτῳ κατεσκεύασται τῷ χαρακτῆρι. ἔφερον δ’ ἂν ἐξ ἑκάστου τὰ παραδείγματα, εἰ μὴ πλείων ἔμελλε τοῦ μετρίου γενήσεσθαι ὁ λόγοσ. ἐν οἷσ δῆλόσ ἐστι περὶ καλλιλογίαν καὶ σεμνότητα καὶ πάσασ τὰσ ἐπιθέτουσ κατασκευὰσ οὐ μᾶλλον ἐσπουδακὼσ ἢ περὶ τὴν ἀκρίβειαν. ὁ δὲ πρὸσ τὴν ἐπιστολὴν καὶ τοὺσ πρέσβεισ τοὺσ παρὰ Φιλίππου ῥηθεὶσ λόγοσ, ὃν ἐπιγράφει Καλλίμαχοσ ὑπὲρ Ἁλοννήσου, ὁ τὴν ἀρχὴν τήνδε ἔχων· ὦ ἄνδρεσ Ἀθηναῖοι, οὐκ ἔστιν, ὅπωσ αἱ αἰτίαι, ἃσ Φίλιπποσ αἰτιᾶται ὅλοσ ἐστὶν ἀκριβὴσ καὶ λεπτὸσ καὶ τὸν Λυσιακὸν χαρακτῆρα ἐκμέμακται εἰσ ὄνυχα, ἐξαλλαγῆσ δὲ ἢ σεμνολογίασ ἢ δεινότητοσ ἢ τῶν ἄλλων τινόσ, ἃ τῇ Δημοσθένουσ δυνάμει παρακολουθεῖν πέφυκεν, ὀλίγην ἐπίδειξιν ἔχει.

τίσ οὖν ἐστι κἀν τούτοισ ἡ διαφορά; καὶ πῶσ ἂν διαγνοίη τισ, ὅταν εἰσ τὸν ἀναγκαῖον καταβῇ χαρακτῆρα ὁ Δημοσθένησ, πῇ κρείττων ἐστὶ Λυσίου καὶ κατὰ τὴν λέξιν; ἀξιοῖσ γὰρ δὴ καὶ τοῦτο μαθεῖν. φυσική τισ ἐπιτρέχει τοῖσ Λυσίου λόγοισ εὐστομία καὶ χάρισ, ὥσπερ ἔφην καὶ πρότερον, ᾗ προὔχει πλὴν Δημοσθένουσ τῶν ἄλλων ῥητόρων. αὕτη μέντοι, καθάπερ νότιόσ τισ αὖρα, μέχρι προοιμίου καὶ διηγήσεωσ αὐτὸν ἄγει, ὅταν δ’ εἰσ τοὺσ ἀποδεικτικοὺσ ἔλθῃ λόγουσ, ἀμυδρά τισ γίνεται καὶ ἀσθενήσ, ἐν δὲ δὴ τοῖσ παθητικοῖσ εἰσ τέλοσ ἀποσβέννυται· τόνοσ γὰρ οὐ πολὺσ αὐτῇ πρόσεστιν οὐδ’ ἰσχύσ.

παρὰ δὲ τῷ Δημοσθένει πολὺσ μὲν ὁ τόνοσ, αὐτάρκησ δ’ ἡ χάρισ, ὥστε κἀν ταύτῃ τῷ διαρκεῖ καὶ μετρίῳ νικᾶν κἀν ἐκείνῳ τῷ παντὶ προέχειν. τοῦτο παρατήρημα δεύτερον, ᾧ διαγνοίη τισ ἂν τὴν Δημοσθένουσ διάλεκτον, ὅταν εἰσ ταῦτα τἀναγκαῖα συνάγηται. οὐ γὰρ ὥσπερ τὴν ἐξαλλαγὴν καὶ περιττολογίαν καὶ πάντασ τοὺσ ἐπιθέτουσ ἐκδύεται κόσμουσ, οὕτωσ καὶ τὸ μέγεθοσ καὶ τὸν τόνον, ἀλλ’ ἔστιν αὐτῆσ ἀναφαίρετοσ οὗτοσ εἴτ’ ἄρα συγγενὴσ εἴτε ἀσκήσει παρὼν εἰσ ῥῆσιν. ἐπιτάσεισ μέντοι καὶ ἀνέσεισ λαμβάνει τινὰσ ἀναλόγουσ. καὶ ταῦτ’ ἤδη γνώριμα οἷσ λέγω, καὶ οὐθὲν δεόμεθα παραδειγμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 13

(디오니시오스, De Demosthene, chapter 13)

상위

목록

SEARCH

MENU NAVIGATION