호흡부호 보기
강세부호 보기
장단부호 보기
작은 Iota 보기
모든 부호 보기
ἄρτι δ’ Αἰμιλίου Βαρβόλα ἐπίκλησιν τὴν ἀρχὴν παρειληφότοσ παρῆσαν οἱ σὺν τῷ Ποστομίῳ πεμφθέντεσ εἰσ τὸν Τάραντα πρέσ2βεισ, ἀπόκρισιν μὲν οὐδεμίαν φέροντεσ, τὰσ δὲ ὕβρεισ ἃσ ἦσαν ὑβρισμένοι πρὸσ αὐτῶν διεξιόντεσ, καὶ τὴν ἐσθῆτα τοῦ Ποστομίου πίστιν τῶν λόγων παρεχόμενοι. ἀγανακτήσεωσ δὲ μεγάλησ ἐξ ἁπάντων γενομένησ συναγαγόντεσ τὴν βουλὴν οἱ περὶ τὸν Αἰμίλιον ὕπατοι τί χρὴ πράττειν ἐσκόπουν, ἑώθεν ἀρξάμενοι μέχρι δύσεωσ ἡλίου· καὶ τοῦτ’ ἐποίησαν ἐφ’ ἡμέρασ συχνάσ. ἅπαντεσ ὡμολόγουν ‐ ἀλλ’ ὑπὲρ τοῦ χρόνου τῆσ ἀποσταλησομένησ ἐπ’ αὐτοὺσ στρατιᾶσ.
ἦσαν γάρ τινεσ οἱ παραινοῦντεσ μήπω τοῦτον ἀναλαμβάνειν τὸν πόλεμον, ἑώσ Λευκανοί τ’ ἀφεστήκασι καὶ Βρέττιοι καὶ τῶν Σαυνιτῶν πολὺ καὶ φιλοπόλεμον ἔθνοσ, καὶ Τυρρηνία παρ’ αὐταῖσ οὖσα ταῖσ θύραισ ἔτι ἀχείρωτοσ ἦν, ἀλλ’ ὅταν ὑποχείρια γένηται τάδε τὰ ἔθνη, μάλιστα μὲν ἅπαντα, εἰ δὲ μή γε, τὰ πρὸσ ἀνατολὰσ καὶ πλησίον τοῦ Τάραντοσ κείμενα. τοῖσ δὲ τἀναντία τούτοισ ἐφαίνετο συμφέρειν μηδὲ τὸν ἐλάχιστον χρόνον ἀναμένειν, ἀλλ’ ἐπιψηφίζειν τὸν πόλεμον ἤδη.
καὶ ἐπεὶ τὰσ γνώμασ ἔδει διαριθμεῖσθαι, πλείουσ ἐφάνησαν οὗτοι τῶν ἀναβάλλεσθαι τὸν πόλεμον εἰσ ἑτέρουσ καιροὺσ παραινούντων· καὶ ὁ δῆμοσ ἐπεκύρωσε τὰ δόξαντα τῇ βουλῇ .
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기