호흡부호 보기
강세부호 보기
장단부호 보기
작은 Iota 보기
모든 부호 보기
ὅτι Κρότων πόλισ ἐν Ἰταλίᾳ ἐστὶ καὶ Σύβαρισ ἀπὸ τοῦ παραρρέοντοσ ποταμοῦ οὕτωσ κληθεῖσα. ὅτε Λακεδαιμόνιοι Μεσήνην ἐπολέμουν καὶ χῆροσ ἀνδρῶν ἡ πόλισ ἦν, δεομέναισ ταῖσ γυναιξὶ καὶ μάλιστα ταῖσ ἐν ἀκμῇ παρθένοισ μὴ περιιδεῖν τὰσ μὲν ἀγάμουσ, τὰσ δὲ ἀτέκνουσ γινομένασ ἐπέμποντό τινεσ ἀεὶ νέοι παραλλὰξ ἀπὸ τοῦ στρατοπέδου τῆσ μίξεωσ τῶν γυναικῶν ἕνεκα καὶ συνῄεσαν, αἷσ ἐπιτύχοιεν·
ἐκ τούτων γίνονται τῶν ἀδιακρίτων ἐπιμιξιῶν παῖδεσ, οὓσ ἀνδρωθέντασ οἱ Λακεδαιμόνιοι προεπηλάκιζον τά τε ἄλλα καὶ Παρθενίασ προσηγόρευον. στάσεωσ δὲ γενομένησ ἡττηθέντεσ οἱ παρθενίαι ἀναχωροῦσιν ἑκόντεσ ἐκ τῆσ πόλεωσ καὶ πέμψαντεσ εἰσ Δελφοὺσ χρησμὸν ἔλαβον πλεῖν εἰσ Ἰταλίαν, ἐξευρόντασ δὲ χωρίον τῆσ Ιἀπυγίασ Σατύριον καὶ ποταμὸν Τάραντα, ἔνθ’ ἂν ἴδωσι τράγον τῇ θαλάττῃ τέγγοντα τὸ γένειον, ἐκεῖ τοὺσ βίουσ ἱδρύσασθαι.
πλεύσαντεσ δὲ τόν τε ποταμὸν ἐξεῦρον καὶ κατά τινοσ ἐρινεοῦ πλησίον τῆσ θαλάττησ πεφυκότοσ ἄμπελον ἐθεάσαντο κατακεχυμένην, ἐξ ἧσ τῶν ἐπιτράγων τισ καθειμένοσ ἥπτετο τῆσ θαλάττησ.
τοῦτον ὑπολαβόντεσ εἶναι τὸν τράγον, ὃν προεῖπεν αὐτοῖσ ὁ θεὸσ ὄψεσθαι τέγγοντα τὸ γένειον τῇ θαλάττῃ, αὐτοῦ μένοντεσ ἐπολέμουν Ιἄπυγασ, καὶ ἱδρύονται τὴν ἐπώνυμον τοῦ ποταμοῦ Τάραντοσ πόλιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기