헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 12, chapter 12)

τοῦτον τὸν ἄνδρα οἱ χιλίαρχοι λόγοισ τε θεραπεύοντεσ καὶ βασάνων ἀπειλαῖσ δεδιττόμενοι ἅπαντα παρεσκεύασαν ἐξειπεῖν, ἃ περὶ τῆσ Ἀλβανίδοσ λίμνησ ἀπέκρυπτεν· εἶτα καὶ πρὸσ τὴν βουλὴν αὐτὸν ἀναπέμπουσι. τοῖσ δ’ ἐκ τοῦ συνεδρίου οὐχ ἡ ὁμοία παρέστη δόξα, ἀλλὰ τοῖσ μὲν ἐδόκει πανοῦργόσ τισ εἶναι καὶ γόησ ὁ Τυρρηνὸσ καὶ καταψεύδεσθαι τὸῦ δαιμονίου τὰ περὶ τὸν χρησμόν, τοῖσ δ’ ἀπὸ πάσησ ἀληθείασ εἰρηκέναι. ἐν τοιαύτῃ δ’ ἀμηχανίᾳ τῆσ βουλῆσ ὑπαρχούσησ παρῆσαν οἱ προαποσταλέντεσ εἰσ Δελφοὺσ θεόπροποι χρησμοὺσ κομίζοντεσ τοῖσ ὑπὸ τοῦ Τυρρηνοῦ πρότερον ἀπηγγελμένοισ συνᾴδοντασ·

ὅτι θεοὶ καὶ δαίμονεσ οἱ λαχόντεσ τὴν Οὐιεντανῶν πόλιν τοσοῦτον αὐτοῖσ ἐγγυῶνται χρόνον ἀσάλευτον φυλάξαι τὴν ἐκ προγόνων παραδοθεῖσαν εὐδαιμονίαν, ὅσον ἂν διαμένωσιν αἱ πηγαὶ τῆσ ἐν Ἀλβανῷ λίμνησ ὑπερχεόμεναι καὶ μέχρι θαλάττησ ἀπορρέουσαι· ὅταν δ’ ἐκεῖναι φύσιν τε τὴν ἑαυτῶν καὶ ὁδοὺσ τὰσ ἀρχαίασ ἐκλιποῦσαι καθ’ ἑτέρασ ἐκτραπῶσιν, ὡσ μηκέτι μίσγεσθαι τῇ θαλάττῃ, τότε καὶ τὴν πόλιν αὐτῶν ἀνάστατον ἔσεσθαι·

τοῦτο δ’ οὐκ εἰσ μακρὰν ὑπὸ Ῥωμαίων γενήσεσθαι, ἐὰν ὀρύγμασι καθ’ ἕτερα χωρία γενομένοισ ἐκτρέψωσι τὴν πλήμμυραν τῶν ὑδάτων εἰσ τὰ πρόσω τῆσ θαλάττησ πεδία. ταῦτα μαθόντεσ οἱ Ῥωμαῖοι εὐθὺσ ἐπέστησαν τοῖσ ἔργοισ τοὺσ χειροτέχνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 12, chapter 12

(디오니시오스, Antiquitates Romanae, Books X-XX, book 12, chapter 12)

상위

목록

SEARCH

MENU NAVIGATION