호흡부호 보기
강세부호 보기
장단부호 보기
작은 Iota 보기
모든 부호 보기
τοῦτον τὸν ἄνδρα οἱ χιλίαρχοι λόγοισ τε θεραπεύοντεσ καὶ βασάνων ἀπειλαῖσ δεδιττόμενοι ἅπαντα παρεσκεύασαν ἐξειπεῖν, ἃ περὶ τῆσ Ἀλβανίδοσ λίμνησ ἀπέκρυπτεν· εἶτα καὶ πρὸσ τὴν βουλὴν αὐτὸν ἀναπέμπουσι. τοῖσ δ’ ἐκ τοῦ συνεδρίου οὐχ ἡ ὁμοία παρέστη δόξα, ἀλλὰ τοῖσ μὲν ἐδόκει πανοῦργόσ τισ εἶναι καὶ γόησ ὁ Τυρρηνὸσ καὶ καταψεύδεσθαι τὸῦ δαιμονίου τὰ περὶ τὸν χρησμόν, τοῖσ δ’ ἀπὸ πάσησ ἀληθείασ εἰρηκέναι. ἐν τοιαύτῃ δ’ ἀμηχανίᾳ τῆσ βουλῆσ ὑπαρχούσησ παρῆσαν οἱ προαποσταλέντεσ εἰσ Δελφοὺσ θεόπροποι χρησμοὺσ κομίζοντεσ τοῖσ ὑπὸ τοῦ Τυρρηνοῦ πρότερον ἀπηγγελμένοισ συνᾴδοντασ·
ὅτι θεοὶ καὶ δαίμονεσ οἱ λαχόντεσ τὴν Οὐιεντανῶν πόλιν τοσοῦτον αὐτοῖσ ἐγγυῶνται χρόνον ἀσάλευτον φυλάξαι τὴν ἐκ προγόνων παραδοθεῖσαν εὐδαιμονίαν, ὅσον ἂν διαμένωσιν αἱ πηγαὶ τῆσ ἐν Ἀλβανῷ λίμνησ ὑπερχεόμεναι καὶ μέχρι θαλάττησ ἀπορρέουσαι· ὅταν δ’ ἐκεῖναι φύσιν τε τὴν ἑαυτῶν καὶ ὁδοὺσ τὰσ ἀρχαίασ ἐκλιποῦσαι καθ’ ἑτέρασ ἐκτραπῶσιν, ὡσ μηκέτι μίσγεσθαι τῇ θαλάττῃ, τότε καὶ τὴν πόλιν αὐτῶν ἀνάστατον ἔσεσθαι·
τοῦτο δ’ οὐκ εἰσ μακρὰν ὑπὸ Ῥωμαίων γενήσεσθαι, ἐὰν ὀρύγμασι καθ’ ἕτερα χωρία γενομένοισ ἐκτρέψωσι τὴν πλήμμυραν τῶν ὑδάτων εἰσ τὰ πρόσω τῆσ θαλάττησ πεδία. ταῦτα μαθόντεσ οἱ Ῥωμαῖοι εὐθὺσ ἐπέστησαν τοῖσ ἔργοισ τοὺσ χειροτέχνασ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기