헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 60)

Κλαύδιον, ὃσ ἐδόκει τῶν προεστηκότων τῆσ ἑτέρασ τάξεωσ τῆσ ἐναντιουμένησ τοῖσ δημοτικοῖσ αὐθαδέστατοσ εἶναι καὶ δυνατώτατοσ. οὗτοσ ἐκ παρασκευῆσ διεξῆλθε λόγον κατὰ τῶν δημοτικῶν, πάνθ’ ὅσα ἔδοξε πώποτε ἐναντία τοῖσ καλοῖσ καὶ πατρίοισ ἐθισμοῖσ ὑπομιμνήσκων, οὗ κεφάλαιον ἦν, εἰσ ὃ κατέσκηπτεν ἡ γνώμη, μηδεμίαν ἀποδιδόναι τῇ βουλῇ διάγνωσιν ὑπὲρ τοῦ νόμου τοὺσ ὑπάτουσ, μήτ’ ἐν τῷ παρόντι χρόνῳ μήθ’ ὕστερον, ὡσ ἐπὶ καταλύσει τῆσ ἀριστοκρατίασ εἰσφερομένου καὶ συγχεῖν μέλλοντοσ ἅπαντα τὸν κόσμον τῆσ πολιτείασ.

γενομένου δὲ πρὸσ τὴν γνώμην ἔτι πλείονοσ θορύβου τέταρτοσ ἀνίσταται κληθεὶσ Τίτοσ Γενύκιοσ, ἀδελφὸσ θατέρου τῶν ὑπάτων·

ἔξωθεν ἐπιφερομένουσ ἀποτρέψασθαι βουλομένῃ κακῶσ τὸν οἰκεῖον καὶ πολιτικὸν διαλύσασθαι πόλεμον·

ἔφησε, δυεῖν ὄντων κακῶν, ὧν ἀνάγκη θάτερον ἄκοντασ ὑπομεῖναι, τοῦτ’ αὐτῷ δοκεῖν εἶναι λυσιτελέστερον, τὸ συγχωρῆσαι τῷ δήμῳ τὴν βουλὴν παρασπάσαί τι τοῦ κόσμου τῆσ πατρίου πολιτείασ μᾶλλον ἢ τοῖσ ἀλλοφύλοισ τε καὶ πολεμίοισ καταγέλαστον ποιῆσαι τὴν πόλιν.

ταῦτ’ εἰπὼν τὴν δοκιμασθεῖσαν ὑπὸ τῶν παραγενηθέντων ἐν τῷ κατ’ οἰκίαν συνεδρίῳ γνώμην εἰσέφερεν, ἣν εἰσηγήσατο Κλαύδιοσ, ὥσπερ ἔφην, ἀντὶ τῶν ὑπάτων χιλιάρχουσ ἀποδειχθῆναι, τρεῖσ μὲν ἐκ τῶν πατρικίων, τρεῖσ δ’ ἐκ τῶν δημοτικῶν, ἐξουσίαν ἔχοντασ ὑπατικήν·

ὅταν δὲ τελῶσιν οὗτοι τὴν ἀρχὴν καὶ καθήκῃ νέασ ἀρχὰσ ἀποδείκνυσθαι, τὴν βουλὴν καὶ τὸν δῆμον αὖθισ συνελθόντασ διαγνῶναι, πότερον ὑπάτουσ ἢ χιλιάρχουσ βούλονται παραλαβεῖν τὴν ἀρχήν. ὅ τι δ’ ἂν ἅπασι δόξῃ ψῆφον ἐπενέγκασι, τοῦτ’ εἶναι κύριον. ἐπιτελεῖσθαι δὲ τὸ προβούλευμα καθ’ ἕκαστον ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 60

(디오니시오스, Antiquitates Romanae, Books X-XX, book 11, chapter 60)

상위

목록

SEARCH

MENU NAVIGATION