Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 48

(디오니시오스, Antiquitates Romanae, Books X-XX, book 11, chapter 48)

Μάρκοσ δ’ Ὁράτιοσ ἐπὶ τὸν κατὰ Σαβίνων πόλεμον ἐπειδὴ τὰ κατὰ τὸν συνάρχοντα ἔγνω προαγαγὼν καὶ αὐτὸσ ἐκ τοῦ χάρακοσ τὰσ δυνάμεισ ἀντεπῆγε θᾶττον ὅλῃ δυνάμει πρὸσ οὐκ ἐλάττουσ ἀριθμὸν τοὺσ Σαβίνουσ καὶ τὰ πολέμια φρόνημά τε καὶ τόλμαν ἐκ τῶν προτέρων κατορθωμάτων πολλὴν πρὸσ τοὺσ ἀντιμαχομένουσ, καὶ κοινῶσ πάντεσ καὶ ἰδίωσ ὁ τούτων προηγούμενοσ· ἦν γὰρ οὐ μόνον στρατηγὸσ ἀγαθόσ, ἀλλὰ καὶ πολεμιστὴσ κατὰ χεῖρα γενναῖοσ·

καὶ τῶν ἱππέων μεγάλην προθυμίαν παρασχομένων νίκην ἀναιρεῖται λαμπροτάτην, πολλοὺσ μὲν ἀποκτείνασ τῶν πολεμίων, πολλῷ δ’ ἔτι πλειόνων αἰχμαλώτων τετυχηκὼσ τοῦ τε χάρακοσ αὐτῶν ἐρήμου κρατήσασ, ἐν ᾧ τήν τ’ ἀποσκευὴν τῶν πολεμίων πολλὴν εὑρ͂ε καὶ τὴν λείαν ἅπασαν, ἣν ἐκ τῆσ Ῥωμαίων γῆσ ἐληίσαντο, αἰχμαλώτουσ τε πάνυ πολλοὺσ τῶν σφετέρων ἀνεσώσατο.

οὐ γὰρ ἔφθασαν ἀνασκευασάμενοι τὰσ ὠφελείασ οἱ Σαβῖνοι διὰ καταφρόνησιν. τὰ μὲν οὖν τῶν πολεμίων χρήματα τοῖσ στρατιώταισ ὠφέλειαν ἐφῆκε ποιεῖσθαι προεξελόμενοσ ἐκ τῶν λαφύρων, ὅσα τοῖσ θεοῖσ καθιερώσειν ἔμελλε·

τὴν δὲ λείαν τοῖσ ἀφαιρεθεῖσιν ἀπέδωκε.