Dionysius of Halicarnassus, Antiquitates Romanae, Books X-XX, book 11, chapter 46

(디오니시오스, Antiquitates Romanae, Books X-XX, book 11, chapter 46)

τούτου κυρωθέντοσ ὑπὸ τῶν ὑπάτων τοῦ νόμου σὺν ἄλλοισ τισὶν ὥσπερ ἔφην δημοτικοῖσ εὐθὺσ οἱ δήμαρχοι καιρὸν ἐπιτήδειον ἥκειν νομίζοντεσ, ἐν ᾧ τιμωρήσονται τοὺσ περὶ τὸν Ἄππιον, εἰσαγγελίασ ᾤοντο δεῖν ποιήσασθαι κατ’ αὐτῶν, οὐχ ἅμα πάντασ ὑπάγοντεσ ὑπὸ τὴν δίκην, ἵνα μηδὲν ἀλλήλουσ ὠφελῶσιν, ἀλλὰ καθ’ ἕνα· ῥᾷον γὰρ οὕτωσ ὑπελάμβανον εὐμεταχειρίστουσ ἔσεσθαι.

σκοπούμενοι δ’ ἀπὸ τίνοσ ἂν ἄρξαιντο ἐπιτηδειοτάτου, τὸν Ἄππιον πρῶτον ἔγνωσαν εὐθύνειν τῶν τ’ ἄλλων ἀδικημάτων ἕνεκα μισούμενον ὑπὸ τοῦ δήμου, καὶ τῶν νεωστὶ περὶ τὴν παρθένον γενομένων παρανομιῶν.

ἑλόντεσ μὲν γὰρ τοῦτον εὐπετῶσ ἐδόκουν καὶ τῶν ἄλλων κρατήσειν, εἰ δ’ ἀπὸ τῶν ταπεινοτέρων ἄρξαιντο, μαλακωτέρασ ὑπελάμβανον τὰσ ὀργὰσ τῶν πολιτῶν πρὸσ τοὺσ ἐπιφανεστάτουσ καὶ τελευταίουσ κρινομένουσ ἔσεσθαι, συντονωτέρασ οὔσασ ἐπὶ τοῖσ προτέροισ ἀγῶσιν, ὃ πολλάκισ ἤδη συνέβη. ταῦτα βουλευσάμενοι συνέσχον τοὺσ ἄνδρασ, Ἀππίου δὲ Οὐεργίνιον ἔταξαν ἄνευ κλήρου κατηγορεῖν.

εἰσαγγέλλεται δὴ μετὰ τοῦτο εἰσ τὸν δῆμον Ἄππιοσ ὑπὸ τοῦ Οὐεργινίου κατηγορηθεὶσ ἐπὶ τῆσ ἐκκλησίασ καὶ αἰτεῖται χρόνον εἰσ ἀπολογίαν. ἀπαχθεὶσ δ’ εἰσ τὸ δεσμωτήριον, ἵνα φυλάττηται μέχρι δίκησ ‐ οὐ γὰρ ἐδόθη διεγγύησισ αὐτῷ ‐ πρὶν ἐπιστῆναι τὴν ἀποδειχθεῖσαν ἡμέραν τῆσ κρίσεωσ ἐν τοῖσ δεσμοῖσ ἀποθνήσκει, ὡσ μὲν ἡ τῶν πολλῶν ὑπόληψισ ἦν ἐξ ἐπιταγῆσ τῶν δημάρχων, ὡσ δ’ οἱ τὴν αἰτίαν ἀπολύσασθαι βουλόμενοι διεφήμιζον, αὐτὸσ ἑαυτὸν ἀναρτησάμενοσ βρόχῳ.

μετ’ ἐκεῖνον Σπόριοσ Ὄππιοσ εἰσαχθεὶσ εἰσ τὸν δῆμον ὑφ’ ἑτέρου τῶν δημάρχων Ποπλίου Νομιτωρίου καὶ τυχὼν ἀπολογίασ ἁπάσαισ ἁλίσκεται ταῖσ ψήφοισ καὶ παραδοθεὶσ εἰσ τὸ δεσμωτήριον αὐθημερὸν ἀποθνήσκει.

οἱ δὲ λοιποὶ τῶν δέκα πρὶν εἰσαγγελθῆναι φυγαῖσ αὑτοὺσ ἐζημίωσαν. τὰσ δ’ οὐσίασ τῶν ἀνῃρημένων καὶ τῶν πο . . . οἱ ταμίαι τῆσ πόλεωσ ἀνέλαβον εἰσ τὸ δημόσιον. εἰσαγγέλλεται δὲ καὶ Μάρκοσ Κλαύδιοσ ὁ τὴν παρθένον ἐπιβαλόμενοσ ὡσ δούλην ἀπάγειν ὑπὸ τοῦ μνηστῆροσ αὐτῆσ Ἰκιλίου·

καὶ τὴν αἰτίαν εἰσ τὸν ἐπιτάξαντα παρανομεῖν Ἄππιον ἀναφέρων θανάτου μὲν ἀπολύεται, φυγῇ δ’ ἀιδίῳ ζημιοῦται, τῶν δ’ ἄλλων τῶν ὑπηρετησάντων τι παράνομον τοῖσ ὀλιγάρχαισ οὐδεὶσ ἔσχεν ἀγῶνα δημόσιον, ἀλλὰ πᾶσιν ἄδεια ἐδόθη.

ὁ δὲ τοῦτο τὸ πολίτευμα εἰσηγησάμενοσ ἦν Μάρκοσ Δοέλλιοσ ὁ δήμαρχοσ ἀχθομένων ἤδη τῶν πολιτῶν καὶ τῶν πολεμίων γενέσθαι προσδοκώντων.

일치하는 문장이 없습니다.

SEARCH

MENU NAVIGATION