헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 37)

ὡσ δὲ ταῦτ’ ἤκουσαν, ὅσοι μὲν ἦσαν ἀκέραιοί τε καὶ τῶν τὰ δίκαια λεγόντων παράκλητοι τὰσ χεῖρασ ἄραντεσ εἰσ τὸν οὐρανὸν ἀνέκραγον ὀδυρμῷ καὶ ἀγανακτήσει μεμιγμένην κραυγήν, οἱ δὲ τῆσ ὀλιγαρχίασ κόλακεσ τὴν ἐπικελεύουσάν τε καὶ θάρσοσ ἐμποιῆσαι δυναμένην τοῖσ κρατοῦσι φωνήν. ἠρεθισμένησ δὲ τῆσ ἀγορᾶσ καὶ παντοδαπῶν γεμούσησ λόγων τε καὶ παθῶν σιωπὴν γενέσθαι κελεύσασ Ἄππιοσ ἔλεξεν· εἰ μὴ παύσεσθε διαστασιάζοντεσ τὴν πόλιν καὶ ἀντιστρατηγοῦντεσ ἡμῖν οἱ ταραχώδεισ, μηδαμῇ χρήσιμοι μήτ’ ἐν εἰρήνῃ μήτε κατὰ πολέμουσ, ὑπὸ τῆσ ἀνάγκησ σωφρονισθέντεσ εἴξετε.

μὴ τούτουσ οἰέσθε τοὺσ ἐπὶ τοῦ Καπετωλίου καὶ τῆσ ἄκρασ φρουροὺσ ἐπὶ τοὺσ ἔξωθεν πολεμίουσ ἡμῖν παρεσκευάσθαι μόνον, ὑμᾶσ δὲ τοὺσ ἔνδον ὑποκαθημένουσ καὶ πάντα σήποντασ τὰ τῆσ πόλεωσ πράγματα ἐάσειν. γνώμην δὴ λαβόντεσ κρείττονα ἧσ ἔχετε νῦν ἄπιτε, οἷσ μή τι πρᾶγμα, καὶ πράσσετε τὰ ἑαυτῶν, εἰ σωφρονεῖτε·

σὺ δ’ ἄγου τὴν παιδίσκην ἔχων, Κλαύδιε, μηδένα δεδοικὼσ δι’ ἀγορᾶσ· οἱ γὰρ Ἀππίου σε προπέμψουσι δώδεκα πελέκεισ.

ὡσ δὲ ταῦτ’ εἶπεν, οἱ μὲν ἄλλοι στένοντεσ καὶ τὰ μέτωπα παίοντεσ καὶ τὰ δάκρυα κατέχειν οὐ δυνάμενοι παρεχώρουν ἐκ τῆσ ἀγορᾶσ, ὁ δὲ Κλαύδιοσ ἀπῆγε τὴν παῖδα τῷ πατρὶ περιπεπλεγμένην καὶ καταφιλοῦσαν καὶ ταῖσ ἡδίσταισ φωναῖσ ἀνακαλοῦσαν. δὴ κακοῖσ Οὐεργίνιοσ ὢν ἔργον εἰσ νοῦν βάλλεται πατρὶ μὲν ταλαίπωρον καὶ πικρόν, ἐλευθέρῳ δ’ ἀνδρὶ καὶ μεγαλόφρονι πρέπον.

αἰτησάμενοσ γὰρ ἐξουσίαν ἀσπάσασθαι τὴν θυγατέρα τοὺσ τελευταίουσ ἀσπασμοὺσ ἐπ’ ἐξουσίασ καὶ διαλεχθῆναι μόνῃ μόνοσ, ὁπόσα βούλεται, πρὶν ἐκ τῆσ ἀγορᾶσ αὐτὴν ἀπαχθῆναι, συγχωρήσαντοσ τοῦ στρατηγοῦ καὶ τῶν ἐχθρῶν μικρὸν ἀναχωρησάντων ὑπολαβὼν εἰσ τὴν ἐκλυομένην τε καὶ καταρρέουσαν καὶ κατέχουσαν τέωσ μὲν ἀνεκαλεῖτό τε καὶ κατεφίλει καὶ τὰσ λιβάδασ ἐξέματτε τῶν δακρύων, ἔπειτα κατὰ μικρὸν ὑπάγων, ὡσ ἦν ἐγγὺσ ἐργαστηρίου μαγειρικοῦ, μάχαιραν ἐξαρπάσασ ἀπὸ τῆσ τραπέζησ παίει τὴν θυγατέρα διὰ τῶν σπλάγχνων τοσοῦτον εἰπών·

ἐλευθέραν σε καὶ εὐσχήμονα, τέκνον, ἀποστέλλω τοῖσ κατὰ γῆσ προγόνοισ·

ζῶσα γὰρ ταῦτα οὐκ ἐξῆν ἔχειν ἀμφότερα διὰ τὸν τύραννον.

κραυγῆσ δὲ γενομένησ ᾑμαγμένην ἔχων τὴν σφαγίδα καὶ αὐτὸσ ἀνάμεστοσ αἵματοσ γενόμενοσ, ᾧ προσέφυρεν αὐτὸν ἡ σφαγὴ τῆσ κόρησ, ἔθει διὰ τῆσ πόλεωσ ἐμμανὴσ ἐπὶ τὴν ἐλευθερίαν τοὺσ πολίτασ καλῶν. διεκπαισάμενοσ δὲ τὰσ πύλασ ἀνέβη τὸν ἵππον, ὃσ ἦν παρεσκευασμένοσ αὐτῷ, καὶ συνέτεινεν ἐπὶ τὸ στρατόπεδον, Ἰκιλίου τε καὶ Νομιτωρίου τῶν ἀγαγόντων αὐτὸν ἐκ τοῦ χάρακοσ νεανίσκων καὶ τότε συμπροπεμπόντων. ἠκολούθει δ’ αὐτοῖσ καὶ ἄλλοσ ὄχλοσ δημοτῶν οὐκ ὀλίγοσ, ὥστε τοὺσ σύμπαντασ ἀμφὶ τετρακοσίουσ γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 37

(디오니시오스, Antiquitates Romanae, Books X-XX, book 11, chapter 37)

상위

목록

SEARCH

MENU NAVIGATION