헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 33)

πλείονα φυλακὴν περιστησάμενοσ, ὡσ μηδὲν ὑπὸ τῶν ὄχλων βιασθείη, καὶ τὰ πέριξ τοῦ βήματοσ ἑταίρων τε καὶ πελατῶν ὄχλῳ προκαταλαβών. ἵνα δὲ σὺν εὐσχήμονι δίκησ τοῦτο πράττῃ προφάσει, μὴ παραγενηθέντοσ ἐπὶ τὴν ἐγγύην τοῦ πατρόσ, ἐπιστολὰσ δοὺσ τοῖσ πιστοτάτοισ ἱππεῦσιν ἔπεμψεν ἐπὶ τὸν χάρακα πρὸσ Ἀντώνιον τὸν ἡγεμόνα τοῦ τάγματοσ, ὑφ’ οὗ ἦν Οὐεργίνιοσ, ἀξιῶν αὐτὸν κατέχειν τὸν ἄνδρα ἐν ἐπιμελεῖ φυλακῇ, μὴ λάθῃ πυθόμενοσ τὰ περὶ τὴν θυγατέρα καὶ διαδρὰσ ἐκ τοῦ χάρακοσ.

ἔφθησαν δ’ αὐτὸν οἱ τῇ κόρῃ προσήκοντεσ, Νομιτωρίου τε υἱὸσ καὶ ἀδελφὸσ Ἰκιλίου, προαποσταλέντεσ ὑπὸ τῶν ἄλλων ἀρχομένησ ἔτι τῆσ καταστάσεωσ, νεανίαι λήματοσ πλήρεισ ἀπὸ ῥυτῆροσ καὶ μετὰ μάστιγοσ ἐλαθεῖσι τοῖσ ἵπποισ πρότερον διανύσαντεσ τὴν ὁδὸν καὶ τῷ Οὐεργινίῳ τὰ πεπραγμένα διασαφηνίσαντεσ.

ὁ δὲ τὴν μὲν ἀληθῆ πρὸσ Ἀντώνιον αἰτίαν ἀποκρυψάμενοσ, ἀναγκαίου δέ τινοσ συγγενοῦσ σκηψάμενοσ πεπύσθαι θάνατον, οὗ τὴν ἐκκομιδήν τε καὶ ταφὴν αὐτὸν ἔδει ποιήσασθαι κατὰ τὸν νόμον, ἀφίεται καὶ περὶ λύχνων ἁφὰσ ἤλαυνε μετὰ τῶν μειρακίων κατ’ ἄλλασ ὁδοὺσ διωγμὸν ἔκ τε τοῦ στρατοπέδου καὶ ἀπὸ τῆσ πόλεωσ δεδοικώσ·

ὅπερ καὶ συνέβη.

ὅ τε γὰρ Ἀντώνιοσ τὰσ ἐπιστολὰσ δεξάμενοσ περὶ πρώτην μάλιστα φυλακήν, ἴλην ἀπέστειλεν ἱππέων ἐπ’ αὐτόν, ἔκ τε τῆσ πόλεωσ ἕτεροι πεμφθέντεσ ἱππεῖσ δι’ ὅλησ νυκτὸσ ἐφρούρουν τὴν ἀπὸ στρατοπέδου φέρουσαν ὁδόν.

ὡσ δὲ ἀπήγγειλεν Ἀππίῳ τισ τὸν Οὐεργίνιον ἐληλυθότα παρὰ τὴν ὑπόληψιν, ἔξω τῶν φρενῶν γενόμενοσ παρῆν μετὰ πολλοῦ στίφουσ ἐπὶ τὸ βῆμα καὶ προσάγειν ἐκέλευσε τοὺσ τῆσ κόρησ συγγενεῖσ. προσελθόντων δ’ αὐτῶν ὁ μὲν Κλαύδιοσ τοὺσ αὐτοὺσ πάλιν διεξελθὼν λόγουσ ἠξίου τὸν Ἄππιον γενέσθαι δικαστὴν τοῦ πράγματοσ μηδεμίαν ἀναβολὴν ποιησάμενον, τόν τε μηνυτὴν παρεῖναι λέγων καὶ τοὺσ μάρτυρασ καὶ τὴν θεράπαιναν αὐτὴν παραδούσ·

ἐφ’ οἷσ ἅπασι πολὺσ ὁ προσποιητὸσ σχετλιασμὸσ ἦν, εἰ μὴ τεύξεται τῶν ἴσων τοῖσ ἄλλοισ, ὡσ πρότερον, ὅτι πελάτησ ἦν αὐτοῦ·

καὶ παράκλησισ, μὴ τοῖσ ἐλεεινότερα λέγουσιν, ἀλλὰ τοῖσ δικαιότερα ἀξιοῦσι βοηθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 33

(디오니시오스, Antiquitates Romanae, Books X-XX, book 11, chapter 33)

상위

목록

SEARCH

MENU NAVIGATION