헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 26)

οἱ δ’ ἀσμένωσ δέχεσθαι τὰσ παραινέσεισ σκηψάμενοι· τί οὖν, ἔφασαν, οὐκ αὐτὸσ ἡγεμὼν γίνῃ τῆσ ἀναζεύξεωσ τόπον ἐπιτήδειον προκατασκεψάμενοσ; ἐμπειρίαν δ’ ἱκανὴν ἔχεισ τῶν τόπων διὰ τὰσ πολλὰσ στρατείασ, λόχον δέ σοι δώσομεν ἐπιλέκτων νέων εὐζώνῳ ἐσταλμένων ὁπλίσει·

σοὶ δὲ ἵπποσ τε διὰ τὴν ἡλικίαν παρέστω, καὶ ὁπλισμὸσ ὁ τοῖσ τηλικούτοισ πρέπων. ὑποδεξαμένου δὲ τοῦ Σικκίου καὶ ψιλοὺσ αἰτήσαντοσ ἑκατὸν ἐπιλέκτουσ οὐδένα χρόνον ἐπισχόντεσ ἐκπέμπουσιν αὐτὸν ἔτι νυκτὸσ οὔσησ καὶ σὺν αὐτῷ τοὺσ ἑκατὸν ἄνδρασ ἐκ τῶν ἰδίων ἑταίρων τοὺσ ἰταμωτάτουσ ἐπιλεξάμενοι, οἷσ ἐπέσκηψαν ἀποκτεῖναι τὸν ἄνδρα μεγάλουσ μισθοὺσ τῆσ ἀνδροφονίασ ὑποσχόμενοι.

ἐπεὶ δὲ πολὺ προελθόντεσ ἀπὸ τοῦ χάρακοσ εἰσ χωρίον ἦλθον ὀχθηρὸν καὶ στενόπορον καὶ χαλεπὸν ἵππῳ διεξελθεῖν, ὅτι μὴ βάδην ἀνιόντι, διὰ τὴν τραχύτητα τῶν ὄχθων, σύνθημα δόντεσ ἀλλήλοισ στίφοσ ἐποίουν ὡσ ἅμα χωρήσοντεσ ἐπ’ αὐτὸν ἀθρόοι. θεράπων δέ τισ ὑπασπιστὴσ τοῦ Σικκίου τὰ πολεμικὰ ἀγαθὸσ εἰκάσασ τὴν διάνοιαν αὐτῶν μηνυτὴσ γίνεται τῷ δεσπότῃ.

κἀκεῖνοσ ὡσ ἔγνω κατακλειόμενον αὑτὸν εἰσ δυσχωρίασ, ἔνθα οὐκ ἦν δυνατὸν ἀνὰ κράτοσ ἐλάσαι τὸν ἵππον, καθάλλεταί τε καὶ στὰσ ἐπὶ τὸν ὄχθον, ἵνα μὴ κυκλωθείη πρὸσ αὐτῶν, τὸν ὑπασπιστὴν μόνον ἔχων τοὺσ ἐπιόντασ ὑπέμεινεν.

ὁρμησάντων δὲ ἅμα πάντων πολλῶν ὄντων ἐπ’ αὐτὸν ἀποκτείνει μὲν περὶ πεντεκαίδεκα, τραυματίζει δὲ καὶ διπλασίουσ. ἐδόκει δ’ ἂν καὶ τοὺσ ἄλλουσ ἅπαντασ διαφθεῖραι μαχόμενοσ, εἰ συνῄεσαν ὁμόσε. οἱ δ’ ἄρα συμφρονήσαντεσ, ὡσ ἄμαχον εἰή χρῆμα, καὶ οὐκ ἂν ἕλοιεν αὐτὸν συστάδην, τῆσ μὲν ἐκ χειρὸσ ἀπείχοντο μάχησ, προσωτέρω δ’ ἀποστάντεσ ἔβαλλον οἱ μὲν σαυνίοισ, οἱ δὲ χερμάσιν, οἱ δὲ ξύλοισ·

ἐξ ἐναντίασ βαλλομένων καὶ βάρουσ τῶν ἄνωθεν ἐπικαταραττομένων διέφθειραν αὐτόν.

Σίκκιοσ μὲν δὴ τοιαύτησ καταστροφῆσ ἔτυχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 26

(디오니시오스, Antiquitates Romanae, Books X-XX, book 11, chapter 26)

상위

목록

SEARCH

MENU NAVIGATION