헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 4)

ταῦτα βουλευσάμενοι καὶ παρασκευάσαντεσ ἐκ τῶν ἰδίων ἑταίρων καὶ συγγενῶν τοὺσ ἀγορεύσοντασ ἐν τῷ συνεδρίῳ τὰσ συμφερούσασ αὐτοῖσ γνώμασ καὶ τοῖσ μὴ ταὐτὰ προαιρουμένοισ ἐναντιωσομένουσ προῆλθον εἰσ τὴν ἀγορὰν καὶ παραστησάμενοι τὸν κήρυκα τοὺσ βουλεύοντασ ἐξ ὀνόματοσ καλεῖν ἐκέλευον. ὑπήκουε δ’ αὐτοῖσ τῶν μετρίων οὐδείσ.

πολλάκισ δὲ τοῦ κήρυκοσ βοῶντοσ καὶ παριόντοσ οὐδενὸσ εἰ μὴ τῶν κολακευόντων τὴν ὀλιγαρχίαν, ἐν οἷσ ἦν τὸ κάκιστον τῆσ ὀλιγαρχίασ μέροσ, οἱ μὲν τότ’ ὄντεσ κατὰ τὴν ἀγορὰν ἐθαύμαζον, εἰ περὶ μηδενὸσ πώποτε συγκαλέσαντεσ τὴν βουλήν, τότε πρῶτον ἔγνωσαν, ὅτι καὶ συνέδριον ἦν τι παρὰ Ῥωμαίοισ ἀγαθῶν ἀνδρῶν, οὓσ ἔδει περὶ τῶν κοινῶν σκοπεῖν. οἱ δέκα δὲ ταῦθ’ ὁρῶντεσ ἐπεχείρησαν μὲν ἐκ τῶν οἰκιῶν τοὺσ βουλευτὰσ ἄγειν·

πυθόμενοι δὲ τὰσ πλείουσ ἐρήμουσ ἀφειμένασ εἰσ τὴν ὑστεραίαν ἀνεβάλοντο. ἐν δὲ τῷ μεταξὺ χρόνῳ πέμποντεσ ἐπὶ τοὺσ ἀγροὺσ ἐκεῖθεν αὐτοὺσ ἐκάλουν. πληρωθέντοσ δὲ τοῦ συνεδρίου προελθὼν Ἄππιοσ, ὁ τῆσ δεκαδαρχίασ ἡγεμών, ἀπήγγειλεν ὅτι διχόθεν ἀπό τε Αἰκανῶν καὶ Σαβίνων ἐπάγεται τῇ Ῥώμῃ πόλεμοσ·

καὶ διεξῆλθε λόγον ἐκ πολλῆσ συγκείμενον ἐπιμελείασ, οὗ τέλοσ ἦν ψηφίσασθαι στρατοῦ καταγραφὴν καὶ διὰ τάχουσ ποιῆσαι τὴν ἔξοδον, ὡσ οὐ διδόντοσ ἀναστροφὴν τοῦ καιροῦ. ταῦτα δὲ αὐτοῦ λέγοντοσ ἀνίσταται Λεύκιοσ Οὐαλέριοσ ἐπωνυμίαν Ποτῖτοσ, ἀνὴρ μέγα φρονῶν ἐπὶ τοῖσ προγόνοισ·

πατὴρ μὲν γὰρ αὐτῷ Οὐαλέριοσ ἦν ὁ τὸν Σαβῖνον Ἑρδώνιον ἐκπολιορκήσασ κατέχοντα τὸ Καπετώλιον, καὶ τὸ μὲν φρούριον ἀνακτησάμενοσ, αὐτὸσ δ’ ἐκ τῆσ μάχησ ἀποθανών· πάπποσ δὲ πρὸσ πατρὸσ Ποπλικόλασ ὁ τοὺσ βασιλεῖσ ἐκβαλὼν καὶ τὴν ἀριστοκρατίαν καταστησάμενοσ. παριόντα δ’ αὐτὸν ἔτι καταμαθὼν Ἄππιοσ καὶ καθ’ ἑαυτοῦ τι λέξειν ἐλπίσασ·

οὐχ οὗτοσ ὁ τόποσ, εἶπεν, ὦ Οὐαλέριε, σόσ, οὐδὲ προσήκει σοι νῦν λέγειν, ἀλλ’ ὅταν οἵδε οἱ πρεσβύτεροι καὶ τιμιώτεροί σου γνώμην ἀγορεύσωσι, τότε καὶ σὺ κληθεὶσ ἐρεῖσ ὅ τι σοι δοκεῖ· νῦν δὲ σιώπα καὶ κάθησο.

ἀλλ’ οὐχ ὑπὲρ τούτων, ἔφησεν ὁ Οὐαλέριοσ, ἀνέστηκα ἐρῶν, ἀλλ’ ὑπὲρ ἄλλων μειζόνων τε καὶ ἀναγκαιοτέρων, ὑπὲρ ὧν οἰόμαι δεῖν πρῶτον ἀκοῦσαι τὴν βουλήν. εἴσονται δ’ ἐξ ὧν ἂν ἀκούσωσιν οὗτοι, πότερα ταῦτ’ ἐστὶν ἀναγκαιότερα τοῖσ κοινοῖσ, ὑπὲρ ὧν ὑμεῖσ αὐτοὺσ συγκεκλήκατε, ἢ τὰ ὑπ’ ἐμοῦ λεχθησόμενα.

ἀλλὰ μή μ’ ἀποστέρει λόγου βουλευτὴν ὄντα καὶ Οὐαλέριον καὶ περὶ σωτηρίασ τῆσ πόλεωσ λέγειν βουλόμενον. ἐὰν δὲ φυλάττῃσ τὴν συνήθη πρὸσ ἅπαντασ αὐθάδειαν, δημάρχουσ μὲν ποίουσ ἐπικαλέσομαι; καταλέλυται γὰρ ἡ τῶν κατισχυομένων πολιτῶν βοήθεια ὑφ’ ὑμῶν. καίτοι τίνοσ ἔλαττον τοῦτο κακόν, ὅτε Οὐαλέριοσ ὢν ὡσ εἷσ τῶν ἐλαχίστων οὐκ ἔχω τὸ ἴσον, ἀλλὰ δημαρχικῆσ ἐξουσίασ δέομαι;

οὐ μὴν ἀλλ’ ἐπεὶ τῆσ ἀρχῆσ ἐκείνησ ἀπεστερήμεθα, ὑμᾶσ τοὺσ ἅμα τούτῳ παρειληφότασ καὶ τὴν ἐκείνησ ἐξουσίαν τῆσ ἀρχῆσ καὶ δυναστεύοντασ τῆσ πόλεωσ ἅπαντασ καλῶ οὐκ ἀγνοῶν μέν, ὅτι διὰ κενῆσ τοῦτο ποιῶ, φανερὰν δὲ βουλόμενοσ πᾶσι γενέσθαι τὴν συνωμοσίαν ὑμῶν, ὅτι συγκεχύκατε τὰ τῆσ πόλεωσ καὶ μίαν ἅπαντεσ γνώμην ἔχετε·

μᾶλλον δὲ σὲ μόνον ἐπικαλοῦμαι, Κόιντε Φάβιε Οὐιβολανέ, τὸν ἐπὶ ταῖσ τρισὶν ὑπατείαισ κοσμούμενον, εἰ τὸν αὐτὸν νοῦν ἔτι ἔχεισ. ἀλλ’ ἀνίστασο καὶ βοήθει τοῖσ κατισχυομένοισ· εἰσ σὲ γὰρ ἀποβλέπει τὸ συνέδριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 4

(디오니시오스, Antiquitates Romanae, Books X-XX, book 11, chapter 4)

상위

목록

SEARCH

MENU NAVIGATION