헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 46)

ὁ δὲ Σίκκιοσ ἑτέραν ἀποστραφείσ, οὐχ ἣν ὁ Ῥωμίλιοσ ὑπελάμβανε, παρὰ τὴν λαγόνα τοῦ ὄρουσ ἦγεν. ἔπειτα ‐ ἦν γάρ τισ δρυμὸσ ὕλην βαθεῖαν ἔχων ‐ εἰσ τοῦτον ἄγων τοὺσ ἄνδρασ ἵσταταί τε καί φησιν· ὑπὸ μὲν τοῦ ἡγεμόνοσ ἀπεστάλμεθα, ὥσπερ ὁρᾶτε, ἀπολούμενοι. ἐδόκει γὰρ ἡμᾶσ τὴν πλαγίαν χωρήσειν ὁδόν, ἣν ἀναβαίνοντασ ἀμήχανον ἦν μὴ οὐ φανεροὺσ τοῖσ πολεμίοισ γενέσθαι.

ἐγὼ δ’ ὑμᾶσ ἄξω κατ’ ἄδηλον τοῖσ ἐχθροῖσ ὁδὸν καὶ πολλὰσ ἐλπίδασ ἔχω τρίβων ἐπιλήψεσθαί τινων, αἳ κατὰ κορυφῆσ ἄξουσιν ἡμᾶσ ἐπὶ τὸν χάρακα· καὶ ἐλπίδασ χρηστὰσ ἔχετε. ταῦτ’ εἰπὼν ἦγε διὰ τοῦ δρυμοῦ, καὶ πολὺν ἤδη διεληλυθὼσ τόπον εὑρίσκει κατὰ δαίμονα ἄνδρα ἐξ ἀγροῦ ποθεν ἀπιόντα, ὃν τοῖσ νεωτάτοισ συλλαβεῖν κελεύσασ ἡγεμόνα ποιεῖται τῆσ ὁδοῦ.

κἀκεῖνοσ αὐτοὺσ ἄγων περὶ τὸ ὄροσ σὺν πολλῷ χρόνῳ καθίστησιν ἐπὶ τὸν παρακείμενον τῷ χάρακι λόφον, ὅθεν ἦν ταχεῖα καὶ εὐεπίφοροσ ἐπ’ αὐτὸν ὁδόσ. ἐν ᾧ δὲ ταῦτ’ ἐγίνετο χρόνῳ, συνῄεσαν αἵ τε τῶν Ῥωμαίων καὶ αἱ τῶν Αἰκανῶν δυνάμεισ ὁμόσε καὶ καταστᾶσαι ἐμάχοντο, πλήθει τ’ ἀγχώμαλοι οὖσαι καὶ ὁπλισμοῖσ καὶ προθυμίαν παρεχόμεναι τὴν αὐτήν· ἄνδρεσ ἐπιφανεῖσ.

ἔπειτα κρίσιν λαμβάνει ὁ πόλεμοσ ἐπιτελῆ. ὁ γὰρ Σίκκιοσ καὶ οἱ σὺν αὐτῷ, ἐπειδὴ πλησίον ἐγένοντο τῆσ παρεμβολῆσ τῶν Αἰκανῶν, ἀφύλακτον εὑρόντεσ ἐκεῖνο τὸ μέροσ τοῦ χάρακοσ ‐ ἐπὶ γὰρ θάτερα τὰ πρὸσ τοὺσ μαχομένουσ ἐστραμμένα μέρη πᾶσα ἡ φυλάττουσα αὐτὸν δύναμισ ἐτράπετο κατὰ θέαν τοῦ ἀγῶνοσ ‐ ἐπεισπεσόντεσ κατὰ πολλὴν εὐπέτειαν κατὰ κορυφῆσ γίνονται τῶν φυλάκων. ἔπειτ’ ἀλαλάξαντεσ ἔθεον ἐπ’ αὐτούσ·

οἱ δ’ ὑπὸ τοῦ παρ’ ἐλπίδα δεινοῦ ἐκταραχθέντεσ καὶ οὐ τοσούτουσ εἶναι δόξαντεσ, ἀλλὰ τὸν ἕτερον ἥκειν ὕπατον ἄγοντα τὴν σὺν αὐτῷ δύναμιν, ἐρρίπτουν ἔξω τοῦ χάρακοσ ἑαυτούσ, οὐδὲ τὰ ὅπλα οἱ πολλοὶ φυλάξαντεσ. οἱ δὲ περὶ τὸν Σίκκιον τοὺσ καταλαμβανομένουσ αὐτῶν φονεύοντεσ καὶ τοῦ χάρακοσ κρατήσαντεσ ἐχώρουν ἐπὶ τοὺσ ἐν τῷ πεδίῳ. οἱ δὲ Αἰκανοὶ τοῦ χάρακοσ τὴν ἅλωσιν ἀπό τε τῆσ φυγῆσ καὶ τῆσ κραυγῆσ τῶν σφετέρων αἰσθόμενοι καὶ μετ’ οὐ πολὺ κατὰ νώτου σφίσι τοὺσ πολεμίουσ ἐπιόντασ ὁρῶντεσ, οὐκέτι γενναῖον οὐδὲν ἀπεδείξαντο, ἀλλὰ διασπάσαντεσ τὰσ τάξεισ ἔσῳζον ἑαυτοὺσ ἄλλοι κατ’ ἄλλασ ὁδούσ·

ἔνθα ὁ πλεῖστοσ αὐτῶν ἐγίνετο φόνοσ.

οὐ γὰρ ἀνίεσαν οἱ Ῥωμαῖοι μέχρι νυκτὸσ διώκοντέσ τε καὶ κτείνοντεσ τοὺσ ἁλισκομένουσ. ὁ δὲ πλείστουσ τ’ αὐτῶν διαφθείρασ καὶ λαμπρότατα ἔργα ἀποδειξάμενοσ Σίκκιοσ ἦν, ὅσ, ἐπειδὴ τέλοσ ἑώρα τὰ τῶν πολεμίων ἔχοντα σκότουσ ὄντοσ ἤδη, τὴν σπεῖραν ἄγων ἐπὶ τὸν κρατηθέντα ὑπὸ σφῶν χάρακα ἀνέστρεφε μεγάλησ χαρᾶσ καὶ πολλοῦ μεστὸσ ὢν αὐχήματοσ.

εἶχον ἀσπασμῶν τε τοῦ ἀνδρὸσ καὶ τῶν ἄλλων φιλοφρονήσεων .

ἐν δὲ τούτῳ καὶ ἡ ἄλλη τῶν Ῥωμαίων φάλαγξ ἅμα τοῖσ ὑπάτοισ ἀπὸ τῆσ διώξεωσ ἀνέστρεφεν ἐπὶ τὸν ἑαυτῆσ χάρακα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 46

(디오니시오스, Antiquitates Romanae, Books X-XX, book 10, chapter 46)

상위

목록

SEARCH

MENU NAVIGATION