Dionysius of Halicarnassus, Antiquitates Romanae, Books X-XX, book 10, chapter 44

(디오니시오스, Antiquitates Romanae, Books X-XX, book 10, chapter 44)

ταῦθ’ ὁρῶσι τοῖσ ὑπάτοισ ἐδόκει μηκέτι διατρίβειν τὸν πόλεμον. ἦν δ’ ἐν ἐκείναισ ταῖσ ἡμέραισ ἡ τοῦ πολεμεῖν ἐξουσία Ῥωμιλίῳ προσήκουσα, καὶ ὁ τὸ σύνθημα διδοὺσ καὶ εἰσ τάξιν καθιστὰσ ἄρχειν τε καὶ παύεσθαι μάχησ τὸν καιρὸν ταμιεύων ἐκεῖνοσ ἦν· καὶ προῆγεν ἐκ τοῦ χάρακοσ τὸν στρατόν, τοὺσ μὲν ἄλλουσ ἔτασσεν ἱππεῖσ τε καὶ τοὺσ πεζοὺσ κατὰ σπείρασ ἐν τοῖσ ἐπιτηδείοισ ἑκάστουσ τόποισ, τὸν δὲ Σίκκιον καλέσασ λέγει·

ἡμεῖσ μέν, ὦ Σίκκιε, μαχούμεθα τοῖσ πολεμίοισ ἐνθάδε, σὺ δ’ ἐν ὅσῳ μέλλομεν ἔτι καὶ παρασκευαζόμεθα τὰ πρὸσ τὸν ἀγῶνα ἀμφότεροι, χώρει τὴν πλαγίαν ἐκείνην ὁδὸν ἐπὶ τὸ ὄροσ, ἔνθα ἡ τῶν πολεμίων ἐστὶ παρεμβολή, καὶ μάχην τίθεσο πρὸσ τοὺσ ἐν τῷ χάρακι, ἵν’ ἢ περὶ τῷ φρουρίῳ δείσαντεσ οἱ πρὸσ ἡμᾶσ μαχόμενοι καὶ βοηθεῖν προθυμούμενοι νῶτά τε δείξωσι καὶ εὐκατέργαστοι γένωνται, καθάπερ εἰκὸσ ἐν ἀναχωρήσει ταχείᾳ, καὶ εἰσ μίαν ὁδὸν ἅπαντεσ βιαζόμενοι, ἢ μένοντεσ αὐτόθι τὸν χάρακα ἀποβάλωσιν.

οὔτε γὰρ ἡ φυλάττουσα αὐτὸν δύναμισ ἀξιόμαχόσ ἐστιν, ὡσ εἰκάσειεν ἄν τισ, ἐπὶ τῷ ἐρυμνῷ τοῦ τόπου δοκοῦσα εἶναι πᾶν τὸ ἀσφαλέσ·

ἥ τε ἅμα σοι δύναμισ ἀποχρῶσα γένοιτ’ ἄν, ἄνδρεσ ὀκτακόσιοι πολλῶν ἀθληταὶ πολέμων, τεταραγμένουσ σκηνοφύλακασ ἀπροσδόκητοι προσπεσόντεσ τῷ τολμηρῷ ἑλεῖν. καὶ ὁ Σίκκιοσ ἔφησεν·

ἀλλ’ ἔγωγε ἅπαντα μὲν ἕτοιμοσ ὑπηρετεῖν· τὸ μέντοι ἔργον οὐ ῥᾴδιον ὥσπερ σοι δοκεῖ. ὑψηλή τε γὰρ ἡ πέτρα καὶ ἀπότομοσ, ἐφ’ ἧσ ὁ χάραξ, ὁδόν τε οὐδεμίαν ὁρῶ φέρουσαν ἐπ’ αὐτοὺσ ἔξω τῆσ μιᾶσ, ᾗ καταβήσονται οἱ πολέμιοι πρὸσ ἡμᾶσ, φυλακήν τ’ εἰκὸσ ἀξιόμαχον εἶναι ἐν αὐτῇ· κἂν ὀλίγη δὲ πάνυ καὶ φαύλη τισ οὖσα τύχῃ, πρὸσ πολλῷ πλείονα ἢ τὴν σὺν ἐμοὶ δύναμιν ἀντέχειν οἱά τε ἔσται, τό τε χωρίον αὐτὸ παρέξει τῇ φυλακῇ τοῦ μὴ ἁλώσεσθαι τὸ ἀσφαλέσ. ἀλλὰ μάλιστα μὲν ἀνάθου τὴν γνώμην ‐ ἡ πεῖρα γὰρ ἐπισφαλήσ ‐ εἰ δὲ πάντωσ ἔγνωσταί σοι δύο τίθεσθαι μάχασ ἐν ἑνὶ καιρῷ, δύναμιν ἀξιόχρεων ἀνδρῶν ἐπιλέκτων τάξον ἀκολουθεῖν μοι σὺν τοῖσ πρεσβυτέροισ.

οὐ γὰρ κλέψοντεσ τὸ χωρίον, ἀλλὰ βίᾳ καὶ φανερῶσ ἐξελοῦντεσ ἄνιμεν.

일치하는 문장이 없습니다.

SEARCH

MENU NAVIGATION