헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 30)

εἰπόντοσ δὲ τοῦ ὑπάτου, ὅτι τοῦτο τὸ πολίτευμα τῇ βουλῇ συγχωροῦντεσ οὐθενὸσ ἄλλου ἁμαρτήσονται τῶν μετρίων, καὶ κελεύοντοσ λέγειν ὅτου δέονται, ὀλίγα διαλεχθεὶσ τοῖσ συνάρχουσιν ὁ Οὐεργίνιοσ, ἐπὶ τῆσ βουλῆσ ἔφησεν ἐρεῖν. καὶ μετὰ ταῦτα συναγαγόντων τὸ συνέδριον τῶν ὑπάτων παρελθὼν καὶ τὰ δίκαια τοῦ δήμου πρὸσ τὴν βουλὴν ἅπαντα εἰσενεγκάμενοσ ᾐτήσατο διπλασιασθῆναι τὴν ἀρχὴν τὴν προισταμένην τοῦ δήμου, καὶ ἀντὶ τῶν πέντε δημάρχων δέκα εἰσ ἕκαστον ἐνιαυτὸν ἀποδείκνυσθαι. τοῦτο οἱ μὲν ἄλλοι βλάβην οὐδεμίαν ᾤοντο τῷ κοινῷ φέρειν, ἀλλὰ διδόναι καὶ μὴ ἀντιπράττειν παρῄνουν, ἄρχοντοσ τῆσ γνώμησ Λευκίου Κοιντίου, τοῦ τότε μέγιστον ἔχοντοσ ἐν τῇ βουλῇ κράτοσ.

διαδεδεγμένοσ τὰ πολιτεύματα τοῦ πατρόσ, καὶ ὅτ’ αὐτὸσ εἶχε τὴν ὕπατον ἀρχὴν κωλύσασ δοθῆναι τοῖσ δημάρχοισ τὴν κατὰ τῶν ἱππέων τῶν ἐπὶ τῇ συνωμοσίᾳ διαβαλλομένων ἐξέτασιν, καὶ μακρὸν διεξελθὼν λόγον ἐδίδασκεν, ὅτι μετριώτεροσ μὲν ὁ δῆμοσ οὐδὲν οὐδὲ χρηστότεροσ ἔσται διπλασιασθείσησ αὐτῷ τῆσ ἀρχῆσ, ἀνοητότεροσ δὲ καὶ βαρύτεροσ.

οὐ γὰρ ἐπὶ ῥητοῖσ τισι παραλήψεσθαι τὴν ἀρχὴν τοὺσ ὕστερον ἀποδειχθησομένουσ, ὥστε μένειν ἐπὶ τοῖσ καθεστηκόσιν, ἀλλὰ καὶ τὸν περὶ τῆσ κληρουχίασ αὖθισ θισ προθήσειν λόγον καὶ τὸν ὑπὲρ τῆσ ἰσοτιμίασ, καὶ πάντασ ἑξῆσ ζητήσειν, ὅ τι λέγοντεσ ἢ πράττοντεσ τὸ μὲν τοῦ δήμου κράτοσ αὐξήσουσι, τὰσ δὲ τῆσ βουλῆσ τιμὰσ καταλύσουσι.

καὶ σφόδρα ἐκίνησε τοὺσ πολλοὺσ ὁ λόγοσ. ὅτι πρὸσ τῆσ βουλῆσ ἐστι τὸ πολλοὺσ εἶναι τοῦ δήμου προστάτασ.

ἧττον γὰρ ὁμονοήσειν τοὺσ πλείουσ τῶν ἐλαττόνων, μίαν δὲ βοήθειαν εἶναι τοῖσ κοινοῖσ, ἣν Ἄππιον Κλαύδιον τὸν Γαϊού πατέρα πρῶτον ἰδεῖν, ἐὰν στασιάζῃ τὸ ἀρχεῖον καὶ μὴ πᾶσι τὸ αὐτὸ δοκῇ.

ἐδόκει τε δὴ ταῦτα καὶ γίνεται δόγμα βουλῆσ·

ἐξεῖναι τῷ δήμῳ δέκα δημάρχουσ καθ’ ἕκαστον ἐνιαυτὸν ἀποδεικνύναι, τῶν δὲ τότε ὄντων ἐν ἀρχῇ μηθένα. τοῦτο τὸ προβούλευμα οἱ περὶ τὸν Οὐεργίνιον λαβόντεσ ἐξήνεγκαν καὶ κυρώσαντεσ τὸν ἐπ’ αὐτῷ γραφέντα νόμον δέκα δημάρχουσ εἰσ τὸν ἐπιόντα ἐνιαυτὸν ἀπέδειξαν. παυσαμένησ δὲ τῆσ στάσεωσ καταγράψαντεσ τὰσ δυνάμεισ οἱ ὕπατοι διεκληρώσαντο τὰσ ἐξόδουσ·

Μηνυκίῳ μὲν οὖν ὁ κατὰ Σαβίνων πόλεμοσ ἐδόθη, Ὁρατίῳ δὲ ὁ κατ’ Αἰκανῶν, καὶ κατὰ σπουδὴν ἐξῄεσαν ἀμφότεροι. Σαβῖνοι μὲν οὖν τὰσ πόλεισ διὰ φυλακῆσ ἔχοντεσ ὑπερεῖδον ἀγομένων τε καὶ φερομένων ἁπάντων τῶν κατὰ τοὺσ ἀγρούσ, Αἰκανοὶ δὲ τὴν ἐναντιωσομένην Ῥωμαίοισ δύναμιν ἀπέστειλαν.

ἀγωνισάμενοι δὲ λαμπρῶσ οὐχ οἱοῖ́ τε ἐγένοντο τὴν Ῥωμαίων ὑπερβαλέσθαι δύναμιν, ἀλλ’ ἠναγκάσθησαν εἰσ τὰσ πόλεισ ἀπελθεῖν ἀποβαλόντεσ τὸ πολίχνιον, ὑπὲρ οὗ τὸν ἀγῶνα ἐποιοῦντο.

Ὁράτιοσ δὲ τρεψάμενοσ τοὺσ πολεμίουσ καὶ πολλὰ τῆσ χώρασ αὐτῶν κακώσασ τοῦ τε Κορβιῶνοσ τὰ τείχη κατασπάσασ καὶ τὰσ οἰκήσεισ ἐκ θεμελίων ἀνελὼν ἀπῆγε τὴν δύναμιν ἐπ’ οἴκου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 30

(디오니시오스, Antiquitates Romanae, Books X-XX, book 10, chapter 30)

상위

목록

SEARCH

MENU NAVIGATION