헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 29)

ταῦτα καὶ πολλὰ τούτοισ ὅμοια εἰπὼν παρεστήσατο τοὺσ πρεσβυτάτουσ τῶν πατρικίων κλαίοντασ, οὓσ ἰδόντεσ πολλοὶ τῶν δημοτικῶν οὐδ’ αὐτοὶ κατέχειν τὰ δάκρυα ἐδύναντο. γενομένησ δὲ πολλῆσ συμπαθείασ πρόσ τε τὰσ ἡλικίασ τῶν ἀνδρῶν καὶ πρὸσ τὰσ ἀξίασ μικρὸν ἐπισχὼν ὁ ὕπατοσ· οὐκ αἰσχύνεσθε, ἔφησεν, ὦ πολῖται, οὐδὲ κατὰ γῆσ δύεσθε, εἰ οἵδε οἱ γέροντεσ ὑπὲρ ὑμῶν τῶν νέων τὰ ὅπλα ἀναλήψονται, ἀλλ’ ὑπομενεῖτε ἀπολειφθῆναι τούτων ἡγουμένων, οὓσ ἀεὶ πατέρασ ἐκαλεῖτε;

ὦ σχέτλιοι ὑμεῖσ καὶ οὐδὲ πολῖται ταύτησ ἄξιοι λέγεσθαι τῆσ γῆσ, ἣν ἔκτισαν οἱ τοὺσ πατέρασ ἐπὶ τῶν ὤμων ἐνέγκαντεσ, οἷσ καὶ δι’ ὅπλων καὶ διὰ πυρὸσ ὁδοὺσ ἀσφαλεῖσ θεοὶ παρέσχον. ὡσ δὲ κατέμαθεν ὁ Οὐεργίνιοσ ἀγόμενον τὸν δῆμον ὑπὸ τῶν λόγων, δεδοικώσ, μὴ παρὰ τὴν ἑαυτοῦ γνώμην κοινωνεῖν ὑπομείνῃ τοῦ πολέμου, παρελθὼν εἶπεν·

δαίμονι δοκῇ, μεθ’ ὑμῶν.

πρόθυμοι δ’ ἐν παντὶ καιρῷ περὶ ὑμᾶσ γεγονότεσ ἀξιοῦμεν μετρίασ παρ’ ὑμῶν τυχεῖν χάριτοσ, ὥσπερ τῶν κοινῶν κινδύνων ἰσομοιροῦμεν ὑμῖν, οὕτωσ καὶ τῶν δικαίων τὸ ἴσον ἔχειν, νόμουσ καταστησάμενοι φύλακασ τῆσ ἐλευθερίασ, οἷσ ἅπαντεσ ἀεὶ χρησόμεθα. εἰ δὲ προσίσταται τοῦθ’ ὑμῖν, καὶ οὐκ ἀξιοῦτε τοῖσ ἑαυτῶν πολίταισ ταύτην συγχωρῆσαι τὴν χάριν, ἀλλὰ θανάτου τιμᾶσθε τὸ μεταδοῦναι τῷ δήμῳ τῆσ ἰσηγορίασ, οὐκέτι φιλονεικοῦμεν ὑμῖν·

αἰτησόμεθα δ’ ἑτέραν παρ’ ὑμῶν χάριν, ἧσ τυχόντεσ ἴσωσ ἂν οὐδὲ καινῶν ἔτι δεηθείημεν νόμων. εἰσέρχεται δ’ ἡμᾶσ εὐλάβεια, μή ποτε οὐδὲ ταύτησ τύχωμεν, ἐξ ἧσ τῇ βουλῇ μὲν οὐδὲν ἔσται βλάβοσ, τῷ δὲ δήμῳ τιμή τισ ὑπάρξει καὶ φιλανθρωπία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 29

(디오니시오스, Antiquitates Romanae, Books X-XX, book 10, chapter 29)

상위

목록

SEARCH

MENU NAVIGATION