헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 28)

ὡσ δὲ καὶ τοῖσ ἄλλοισ ἅπασι ταῦτ’ ἐδόκει, καὶ οὐθεὶσ ἦν ὁ τἀναντία ἐρῶν, οἱ μὲν ὕπατοι τὸν δῆμον εἰσ ἐκκλησίαν συνεκάλουν. συνελθόντοσ δ’ ὡσ ἐπὶ καινοῖσ ἀκούσμασι παντὸσ τοῦ κατὰ τὴν πόλιν ὄχλου παρελθὼν ἅτεροσ τῶν ὑπάτων Γάιοσ Ὁράτιοσ ἐπειρᾶτο πείθειν τοὺσ δημοτικοὺσ ἑκόντασ ὑπομεῖναι καὶ ταύτην τὴν στρατείαν. ἀντιλεγόντων δὲ τῶν δημάρχων καὶ τοῦ δήμου προσέχοντοσ αὐτοῖσ τὸν νοῦν παρελθὼν πάλιν ὁ ὕπατοσ εἶπε· καλὸν γ’, ὦ Οὐεργίνιε, καὶ θαυμαστὸν ἔργον ἐξειργάσασθε διασπάσαντεσ ἀπὸ τῆσ βουλῆσ τὸν δῆμον·

καὶ τὸ μὲν ἐφ’ ὑμῖν εἶναι μέροσ πάντ’ ἀπολωλέκαμεν, ὅσα παρὰ τῶν προγόνων παραλαβόντεσ ἢ τοῖσ ἑαυτῶν πόνοισ κτησάμενοι κατέσχομεν . οὐ μὴν ἡμεῖσ γ’ ἀκονιτὶ μεθησόμεθα αὐτῶν, ἀλλ’ ἀναλαβόντεσ τὰ ὅπλα μετὰ τῶν βουλομένων σώζεσθαι τὴν πατρίδα χωρήσομεν ἐπὶ τὸν ἀγῶνα τὰσ ἀγαθὰσ προβαλλόμενοι τῶν ἔργων ἐλπίδασ·

καὶ εἴ τισ ἄρα θεὸσ ἐπισκοπεῖ τοὺσ καλοὺσ καὶ δικαίουσ ἀγῶνασ, καὶ ἡ τὴν πόλιν τήνδε αὔξουσα ἐκ πολλοῦ τύχη μήπω προλέλοιπεν αὐτήν, κρείττουσ τῶν ἐχθρῶν ἐσόμεθα·

εἰ δέ τισ ἄρα ἐνέστηκε δαίμων καὶ ἐναντιοῦται τῇ σωτηρίᾳ τῆσ πόλεωσ, οὔτοι τό γ’ ἐν ἡμῖν εὔνουν καὶ πρόθυμον ἀπολεῖται, ἀλλὰ τὸν ἁπάντων κράτιστον θάνατον αἱρησόμεθα περὶ τῆσ πατρίδοσ. ὑμεῖσ δὲ αὐτοῦ μένοντεσ οἰκουρεῖτε ἅμα ταῖσ γυναιξίν, ὦ καλοὶ καὶ γενναῖοι προστάται τῆσ πόλεωσ, ἐγκαταλιπόντεσ, μᾶλλον δὲ προδόντεσ ἡμᾶσ, οἷσ οὔτ’ ἂν νικήσωμεν ἡμεῖσ ὁ βίοσ ἔσται καλόσ, οὔτ’ ἂν ἄλλωσ χωρήσῃ τὰ καθ’ ἡμᾶσ ἀσφαλήσ·

ἐκείνῃ τῇ ψυχρᾷ ἐλπίδι ἐπαίρεσθε, ὡσ διαφθαρέντων τῶν πατρικίων ὑμᾶσ ἐάσουσιν οἱ πολέμιοι ταύτην ὑπολογιζόμενοι τὴν εὐεργεσίαν, καὶ συγχωρήσουσιν ὑμῖν τὴν πατρίδα καὶ τὴν ἐλευθερίαν καὶ τὴν ἡγεμονίαν καὶ πάντα τἆλλα ἀγαθά, ὅσα νῦν ἔχετε, καρποῦσθαι, ὧν ὑμεῖσ ὅτε τὰ ἄριστα ἐφρονεῖτε πολλὴν μὲν γῆν ἀπετέμεσθε, πολλὰσ δὲ πόλεισ ἐξανδραποδισάμενοι κατεσκάψατε, πολλὰ δὲ καὶ μεγάλα καὶ οὐδ’ ὑπὸ τοῦ παντὸσ αἰῶνοσ ἀφανισθησόμενα τρόπαια καὶ μνημεῖα τῆσ ἔχθρασ ἀνεστήσατε.

ἀλλὰ τί τῷ δήμῳ ταῦτ’ ἐπιτιμῶ, ὃσ οὐδέποτε πονηρὸσ ἑκὼν ἐγένετο, μᾶλλον ἢ οὐχ ὑμῖν, ὦ Οὐεργίνιε, τοῖσ τὰ καλὰ ταῦτα πολιτευομένοισ;

ἡμῖν μὲν οὖν, οἷσ ἀνάγκη μηδὲν ταπεινὸν φρονεῖν, δέδοκταί τε καὶ οὐθὲν ἔσται τὸ κωλύσον ἄρασθαι τὸν ὑπὲρ τῆσ πατρίδοσ ἀγῶνα, ὑμῖν δὲ τοῖσ ἐγκαταλιποῦσι καὶ προδοῦσι τὸ κοινὸν ἥξει δίκη τιμωρὸσ οὐ μεμπτὴ παρὰ θεῶν, ἐὰν ἄρα διαφύγητε τὴν παρ’ ἀνθρώπων κόλασιν. ἀλλ’ οὐδὲ ταύτην διαφεύξεσθε·

ἴστε, ὅτι οἱ καταλειφθέντεσ ἡμῶν ἐνθάδε φύλακεσ τῆσ πόλεωσ, ἐὰν κρείττω τὰ τῶν ἐχθρῶν γένηται, φρονήσουσιν ἃ προσῆκεν αὐτοῖσ φρονεῖν.

οὐ γὰρ ἤδη βαρβάροισ μέν τισιν ἁλισκομένοισ ὑπὸ τῶν πολεμίων εἰσ νοῦν ἦλθε μήτε γυναικῶν αὐτοῖσ παραχωρῆσαι μήτε παίδων μήτε πόλεων, ἀλλὰ τὰσ μὲν ἐμπρῆσαι, τὰσ δὲ κατασφάξαι, Ῥωμαίοισ δ’ ἄρα, οἷσ ἑτέρων ἄρχειν πάτριόν ἐστιν, οὐ παραστήσεται ταῦτα περὶ ἑαυτῶν φρονεῖν; οὐχ οὕτωσ ἀγεννεῖσ ἔσονται, ἀλλ’ ἀφ’ ὑμῶν τῶν ἐχθίστων ἀρξάμενοι τότε χωρήσουσι πρὸσ τὰ φίλια.

πρὸσ ταῦτα ὁρῶντεσ ἐκκλησιάζετε καὶ νόμουσ εἰσφέρετε καινούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 28

(디오니시오스, Antiquitates Romanae, Books X-XX, book 10, chapter 28)

상위

목록

SEARCH

MENU NAVIGATION