호흡부호 보기
강세부호 보기
장단부호 보기
작은 Iota 보기
모든 부호 보기
μετὰ δὲ ταῦτα οἵ τε ὕπατοι καὶ τῶν πατρικίων οἱ πλεῖστον δυνάμενοι τραχύτερον ἤδη αὐτῶν προσιόντεσ καθήπτοντο λέγοντεσ, ὡσ οὐκ ἐπιτρέψουσιν αὐτοῖσ νόμουσ εἰσηγεῖσθαι καὶ τούτουσ ἀπροβουλεύτουσ. συνθήκασ γὰρ εἶναι κοινὰσ πόλεων τοὺσ νόμουσ, οὐχὶ μέρουσ τῶν ἐν ταῖσ πόλεσιν οἰκούντων. ὀλέθρου καὶ ἀνηκέστου καὶ οὐδ’ εὐσχήμονοσ ἀρχὴν ἀπέφαινον εἶναι πόλεσί τε καὶ οἴκοισ, ὅταν τὸ κάκιστον τῷ κρατίστῳ νομοθετῇ.
ποίαν δὲ ὑμεῖσ, ἔφασαν, ὦ δήμαρχοι, νόμων εἰσφορᾶσ ἢ ἀναιρέσεωσ ἐξουσίαν ἔχετε; οὐκ ἐπὶ ῥητοῖσ μὲν δικαίοισ ταύτην τὴν ἀρχὴν παρὰ τῆσ βουλῆσ ἐλάβετε, τοῖσ δ’ ἀδικουμένοισ ἢ κατισχυομένοισ τῶν πενήτων βοηθεῖν ᾐτήσασθε τοὺσ δημάρχουσ, ἄλλο δὲ μηδὲν πολυπραγμονεῖν;
εἰ δ’ οὖν καὶ πρότερον ἦν τισ ὑμῖν δύναμισ, ἣν οὐκ ἐκ τοῦ δικαίου βιασάμενοι ἡμᾶσ ἐλάβετε, ὑποκατακλινομένησ ἑκάστῳ πλεονεκτήματι τῆσ βουλῆσ, οὐχὶ καὶ ταύτην νῦν ἀπολωλέκατε τῇ μεταβολῇ τῶν ἀρχαιρεσιῶν; οὔτε γὰρ βουλῆσ δόγμα ὑμᾶσ οὐκέτι ἀποδείκνυσιν ἐπὶ τὴν ἀρχήν, οὔτε αἱ φρᾶτραι τὴν ψῆφον ὑπὲρ ὑμῶν ἐπιφέρουσιν, οὔτε ἱερὰ προθύεται τοῖσ θεοῖσ πρὸ τῶν ἀρχαιρεσιῶν, ἃ κατὰ νόμουσ ἐχρῆν ἐπιτελεῖσθαι, οὔτε ἄλλο τῶν πρὸσ τοὺσ θεοὺσ εὐσεβῶν ἢ πρὸσ ἀνθρώπουσ ὁσίων οὐθὲν ἐπὶ τῆσ ἀρχῆσ τῆσ ὑμετέρασ γίνεται.
τίνοσ οὖν ὑμῖν ἔτι μέτεστι τῶν ἱερῶν καὶ σεβασμοῦ δεομένων, ὧν ἕν τι καὶ ὁ νόμοσ ἦν, ἐξαρνησαμένοισ ἅπαντα τὰ νόμιμα;
ταῦτά τε δὴ τοῖσ δημάρχοισ ἔλεγον οἱ πρεσβύτεροι καὶ οἱ νέοι αὐτῶν καθ’ ἑταιρίασ διεξιόντεσ ἀνὰ τὴν πόλιν καὶ τοὺσ μὲν ἐπιεικεστέρουσ τῶν δημοτῶν ὁμιλίαισ ἀνελάμβανον κεχαρισμέναισ, τοὺσ δ’ ἀπειθεῖσ καὶ ταραχώδεισ ἀπειλαῖσ κατεπλήττοντο κινδύνων, εἰ μὴ συμφρονήσειαν·
ἤδη δέ τινασ τῶν πάνυ ἀπόρων καὶ ἀπερριμμένων, οἷσ οὐθενὸσ τῶν κοινῶν παρὰ τὰ ἴδια κέρδη φροντὶσ ἦν, παίοντεσ ὥσπερ ἀνδράποδα ἀνεῖργον ἐκ τῆσ ἀγορᾶσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기