Dionysius of Halicarnassus, Antiquitates Romanae, book 3, chapter 47

(디오니시오스, Antiquitates Romanae, book 3, chapter 47)

καὶ μετ’ οὐ πολὺν χρόνον ὁ μὲν πρεσβύτεροσ αὐτοῦ τῶν παίδων γένοσ οὐδὲν καταλιπὼν ἐμφανὲσ ἀποθνήσκει. καὶ μετ’ ὀλίγασ ἡμέρασ αὐτὸσ ὁ Δημάρατοσ ὑπὸ λύπησ τελευτᾷ κληρονόμον ἁπάσησ τῆσ οὐσίασ τὸν περιλειπόμενον τῶν παίδων Λοκόμωνα καταλιπών· ὃσ παραλαβὼν τὸν πατρικὸν πλοῦτον μέγαν ὄντα πολιτεύεσθαί τε καὶ τὰ κοινὰ πράττειν καὶ ἐν τοῖσ πρώτοισ τῶν ἀστῶν εἶναι προῄρητο. ἀπελαυνόμενοσ δὲ πανταχόθεν ὑπὸ τῶν ἐπιχωρίων καὶ οὐχ ὅπωσ ἐν τοῖσ πρώτοισ ἀριθμούμενοσ, ἀλλ’ οὐδ’ ἐν τοῖσ μέσοισ, ἀνιαρῶσ ἔφερε τὴν ἀτιμίαν.

ἀκούων δὲ περὶ τῆσ Ῥωμαίων πόλεωσ, ὅτι πάντασ ἀσμένωσ ὑποδεχομένη τοὺσ ξένουσ ἀστοὺσ ποιεῖται καὶ τιμᾷ κατὰ τὴν ἀξίαν ἕκαστον, ἐκεῖ μετενέγκασθαι τὴν οἴκησιν ἔγνω τά τε χρήματα πάντα συσκευασάμενοσ καὶ τὴν γυναῖκα ἐπαγόμενοσ καὶ τῶν ἄλλων φίλων καὶ οἰκείων τοὺσ βουλομένουσ·

ἐγένοντο δὲ οἱ συναπαίρειν αὐτῷ προθυμηθέντεσ συχνοί. ὡσ δὲ κατὰ τὸ καλούμενον Ιἀνίκολον ἦσαν, ὅθεν ἡ Ῥώμη τοῖσ ἀπὸ Τυρρηνίασ ἐρχομένοισ πρῶτον ἀφορᾶται, καταπτὰσ ἀετὸσ ἄφνω καὶ τὸν πῖλον αὐτοῦ τὸν ἐπὶ τῆσ κεφαλῆσ κείμενον ἁρπάσασ, ἀνέπτη πάλιν ἄνω κατὰ τὴν ἐγκύκλιον αἰώραν φερόμενοσ καὶ εἰσ τὸ βάθοσ τοῦ περιέχοντοσ ἀέροσ ἀπέκρυψεν·

ἔπειτ’ ἐξαίφνησ ἐπιτίθησι τῷ Λοκόμωνι τὸν πῖλον ἐπὶ τὴν κεφαλὴν ἁρμόσασ ὡσ πρότερον ἡρ́μοστο. θαυμαστοῦ δὲ καὶ παραδόξου πᾶσι τοῦ σημείου φανέντοσ ἡ γυνὴ τοῦ Λοκόμωνοσ ὄνομα Τανακύλλα ἐμπειρίαν ἱκανὴν ἐκ πατέρων ἔχουσα τῆσ Τυρρηνικῆσ οἰωνοσκοπίασ, λαβοῦσα μόνον αὐτὸν ἀπὸ τῶν συνόντων ἠσπάσατό τε καὶ ἀγαθῶν ἐλπίδων ἐνέπλησεν ὡσ ἐξ ἰδιωτικῆσ τύχησ εἰσ ἐξουσίαν βασιλικὴν ἐλευσόμενον.

σκοπεῖν μέντοι συνεβούλευεν ὅπωσ παρ’ ἑκόντων λήψεται Ῥωμαίων τὴν ἡγεμονίαν ἄξιον τῆσ τιμῆσ ταύτησ ἑαυτὸν παρασχών.

일치하는 문장이 없습니다.

SEARCH

MENU NAVIGATION