호흡부호 보기
강세부호 보기
장단부호 보기
작은 Iota 보기
모든 부호 보기
μετὰ τοῦτο γίνονται Λατίνων τε καὶ Ῥωμαίων μεγάλαισ δυνάμεσι παραταξαμένων μάχαι διτταί. τῇ μὲν οὖν προτέρᾳ μέχρι πολλοῦ διαγωνισάμενοι καὶ δόξαντεσ ἰσόρροποι γεγονέναι διεκρίθησαν καὶ ἐπὶ τοὺσ ἰδίουσ ἑκάτεροι χάρακασ ἀπηλλάγησαν, τῇ δ’ ὑστέρᾳ Ῥωμαῖοι νικῶσι τοὺσ Λατίνουσ καὶ μέχρι στρατοπέδου διώκουσι. ἀγὼν μὲν ἐκ παρατάξεωσ οὐδεὶσ αὐτοῖσ ἔτι πρὸσ ἀλλήλουσ συνέστη, καταδρομαὶ δὲ τῆσ ὁμόρου χώρασ ὑπ’ ἀμφοτέρων ἐγίνοντο συνεχεῖσ καὶ συμπλοκαὶ τῶν περιπόλων τῆσ γῆσ ἱππέων τε καὶ ψιλῶν, ἐν αἷσ ἐπεκράτουν ὡσ τὰ πολλὰ Ῥωμαῖοι δύναμιν ὕπαιθρον ἔχοντεσ ἐν τοῖσ ἐπικαίροισ φρουρίοισ ὑποκαθημένην, ἧσ ὁ Τυρρηνὸσ Ταρκύνιοσ ἡγεῖτο.
ἀπέστησαν δὲ καὶ Φιδηναῖοι Ῥωμαίων κατὰ τοὺσ αὐτοὺσ χρόνουσ οὐκ ἐκ τοῦ φανεροῦ τὸν πόλεμον ἀναδείξαντεσ, ἀλλὰ κατ’ ὀλίγουσ καὶ κρύφα τὴν χώραν αὐτῶν καταδρομαῖσ κακουργοῦντεσ·
ἐφ’ οὓσ ὁ Μάρκιοσ εὐζώνῳ στρατιᾷ ἐλάσασ, πρὶν ἢ παρασκευάσασθαι τοὺσ Φιδηναίουσ τὰ πρὸσ τὸν πόλεμον, ἐγγὺσ τῆσ πόλεωσ τίθεται τὸν χάρακα. τὸ κοινὸν αἴτιον εἰή τῶν ἀδικημάτων, καὶ χρόνον ᾐτοῦντο εἰσ διάγνωσίν τε καὶ ζήτησιν τῶν ἐνόχων ταῖσ αἰτίαισ καὶ πολλὰσ κατέτριψαν ἡμέρασ πράττοντεσ μὲν οὐδὲν τῶν δεόντων, ἐπικαλούμενοι δὲ κρύφα τοὺσ συμμάχουσ καὶ περὶ κατασκευὴν ὅπλων γινόμενοι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기