호흡부호 보기
강세부호 보기
장단부호 보기
작은 Iota 보기
모든 부호 보기
Ἀλβανῶν πόλιν ἄγειν, παρελθόντα δ’ ἐντὸσ τείχουσ ὡσ φίλον ὄντα, ὅταν ὑποχειρίουσ λάβῃ τοὺσ ἔνδον, καθελεῖν τὴν πόλιν ἄχρι θεμελίων μηθενὸσ μήτε ἰδίου μήτε κοινοῦ κατασκευάσματοσ φειδόμενον ἔξω τῶν ἱερῶν, ἀνθρώπων δὲ μηθένα μήτε κτείνειν μήτε ἀδικεῖν, ἀλλὰ πάντασ ἐᾶν ἔχειν τὰ ἑαυτῶν. ἐκπέμψασ δὲ τοῦτον ἐκάλει τοὺσ ταξιάρχουσ καὶ τοὺσ λοχαγοὺσ καὶ τὰ δόξαντα τῇ βουλῇ διασαφήσασ φυλακὴν ἐκ τούτων καθίσταται περὶ τὸ σῶμα· καὶ μετ’ οὐ πολὺ παρῆν ὁ Ἀλβανὸσ ὡσ ἐπὶ νικήματι κοινῷ γεγηθὼσ καὶ τῷ Τύλλῳ συνηδόμενοσ.
ὁ δὲ Τύλλοσ ἀπόρρητον τὴν γνώμην ἔτι φυλάσσων ἐπῄνει τε αὐτὸν καὶ μεγάλων ἄξιον ἀπέφαινε δωρεῶν παρεκάλει τε γράψαντα καὶ τὰ τῶν ἄλλων Ἀλβανῶν ὀνόματα τῶν ἐπιφανέσ τι κατὰ τὴν μάχην διαπραξαμένων φέρειν ὡσ αὐτόν, ἵνα κἀκεῖνοι τὴν ἐκ τῶν ἐπινικίων ἀπενέγκωνται μοῖραν. ὁ μὲν δὴ περιχαρὴσ γενόμενοσ τοὺσ πιστοτάτουσ τῶν φίλων, οἷσ ἐχρήσατο τῶν ἀπορρήτων βουλευμάτων συνεργοῖσ, εἰσγράψασ εἰσ δέλτον ἐπιδίδωσιν.
ὁ δὲ τῶν Ῥωμαίων βασιλεὺσ εἰσ ἐκκλησίαν ἅπαντασ ἀποθεμένουσ τὰ ὅπλα ἐκάλει· συνιόντων δὲ αὐτῶν τὸν μὲν ἡγεμόνα τῶν Ἀλβανῶν ἅμα τοῖσ ταξιάρχοισ τε καὶ λοχαγοῖσ παρ’ αὐτὸ τὸ βῆμα ἐκέλευσεν ἑστάναι, ἐχομένουσ δὲ τούτων τοὺσ ἄλλουσ Ἀλβανοὺσ ταχθέντασ ἐκκλησιάζειν, μετὰ δὲ τοὺσ Ἀλβανοὺσ τὸ λοιπὸν τῶν συμμάχων πλῆθοσ·
ἔξωθεν δὲ πάντων περιέστησε Ῥωμαίουσ, ἐν οἷσ ἦσαν οἱ γενναιότατοι, ξίφη κρύπτοντασ ὑπὸ ταῖσ περιβολαῖσ. ὡσ δ’ ἐν καλῷ τοὺσ ἐχθροὺσ ἔχειν ὑπέλαβεν ἀναστὰσ ἔλεξε τοιάδε·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기