헬라어 문장 검색 - Διονψσ́Αντιθυί3́15́

(디오니시오스, Antiquitates Romanae, book 3, chapter 15)

τοσαῦτα τοῦ Φουφεττίου λέξαντοσ καὶ πάντων τὴν γνώμην ἐπαινεσάντων ἑ̓́τυχον δὲ Ῥωμαίων τε καὶ Ἀλβανῶν οἱ κράτιστοι παρόντεσ ἀμφοτέροισ’ μικρὸν ἐπισχὼν ὁ Τύλλοσ λέγει· τὰ μὲν ἄλλα ὀρθῶσ ἐπιλελογίσθαι μοι δοκεῖσ, ὦ Φουφέττιε· θαυμαστὴ γάρ τισ ἡ τὴν οὐδέποτε συμβᾶσαν ὁμοιογένειαν ἐν ἀμφοτέραισ ταῖσ πόλεσιν ἐπὶ τῆσ ἡμετέρασ γενεᾶσ ἐξενέγκασα τύχη· ἓν δ’ ἀγνοεῖν ἐοίκασ, ὃ πολὺν παρέξει τοῖσ νεανίσκοισ ὄκνον, ἐὰν ἀξιῶμεν αὐτοὺσ ἀλλήλοισ χωρεῖν διὰ μάχησ. ἡ γὰρ Ὁρατίων μήτηρ τῶν ἡμετέρων ἀδελφὴ τῆσ Κορατίων μητρόσ ἐστι τῶν Ἀλβανῶν, καὶ τέθραπται τὰ μειράκια ἐν τοῖσ ἀμφοτέρων τῶν γυναικῶν κόλποισ ἀσπάζονταί τ’ ἀλλήλουσ καὶ φιλοῦσιν οὐχ ἧττον ἢ πολλοὶ τοὺσ ἑαυτῶν ἀδελφούσ.

ὁρ́α δὴ μή ποτε οὐδ’ ὅσιον ᾖ τούτοισ ἀναδιδόναι τὰ ὅπλα καὶ καλεῖν αὐτοὺσ ἐπὶ τὸν κατ’ ἀλλήλων φόνον ἀνεψιοὺσ καὶ συντρόφουσ ὄντασ. τὸ γὰρ ἐμφύλιον ἄγοσ, ἐὰν ἀναγκασθῶσιν ἀλλήλουσ μιαιφονεῖν, εἰσ ἡμᾶσ ἐλεύσεται τοὺσ ἀναγκάζοντασ.

λέγει πρὸσ αὐτὸν ὁ Φουφέττιοσ·

οὐδ’ ἐμὲ λέληθεν, ὦ Τύλλε, τὸ συγγενὲσ τῶν μειρακίων, οὐδ’ ὡσ ἀναγκάσων αὐτοὺσ τοῖσ ἀνεψιοῖσ διὰ μάχησ χωρεῖν εἰ μὴ βουληθεῖεν αὐτοὶ τὸν ἀγῶνα ὑπομεῖναι παρεσκευασάμην, ἀλλ’ ἐπειδὴ τάχιστα ἐπὶ νοῦν ἦλθέ μοι τόδε τὸ βούλευμα τοὺσ Ἀλβανοὺσ Κορατίουσ μεταπεμψάμενοσ αὐτὸσ ἐπ’ ἐμαυτοῦ διάπειραν ἔλαβον εἰ βουλομένοισ αὐτοῖσ ἐστιν ὁ ἀγών· δεξαμένων δ’ αὐτῶν τὸν λόγον ἀπίστῳ τινὶ καὶ θαυμαστῇ προθυμίᾳ, τότε ἀνακαλύπτειν ἔγνων τὸ βούλευμα καὶ φέρειν εἰσ μέσον· σοί τε τὸ αὐτὸ τοῦτο ὑποτίθεμαι ποιεῖν καλέσαντι τοὺσ παρ’ ὑμῖν τριδύμουσ πεῖραν αὐτῶν τῆσ γνώμησ ποιήσασθαι. ἐὰν μὲν οὖν ἑκόντεσ συνεπιδιδῶσι κἀκεῖνοι τὰ σώματα προκινδυνεῦσαι τῆσ ἑαυτῶν πατρίδοσ δέχου τὴν χάριν, ἐὰν δὲ ἀναδύωνται μηδεμίαν αὐτοῖσ πρόσφερε ἀνάγκην.

μαντεύομαι δὲ καὶ περὶ ἐκείνων οἱᾶ καὶ περὶ τῶν ἡμετέρων, εἴπερ οὖν εἰσὶν οἱούσ ἀκούομεν, ἐν ὀλίγοισ τοῖσ ἄριστα πεφυκόσιν ὅμοιοι καὶ τὰ πολέμια ἀγαθοί·

κλέοσ γὰρ αὐτῶν καὶ πρὸσ ἡμᾶσ ἐλήλυθε τῆσ ἀρετῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, book 3, chapter 15

(디오니시오스, Antiquitates Romanae, book 3, chapter 15)

상위

목록

SEARCH

MENU NAVIGATION