Dionysius of Halicarnassus, Antiquitates Romanae, book 3, chapter 2

(디오니시오스, Antiquitates Romanae, book 3, chapter 2)

πολεμικαὶ δὲ πράξεισ πολλαὶ μὲν καὶ ἄλλαι μνημονεύονται, <μέγισται δὲ> περὶ ὧν ἔρχομαι λέξων τὴν ἀρχὴν ποιησάμενοσ ἀπὸ τοῦ πρὸσ Ἀλβανοὺσ πο‐ λέμου. αἴτιοσ δὲ τοῦ διαστῆναι τὰσ πόλεισ καὶ λῦσαι τὸ συγγενὲσ ἀνὴρ Ἀλβανὸσ ἐγένετο Κλοίλιοσ ὄνομα τῆσ μεγίστησ ἀρχῆσ ἀξιωθείσ, ὃσ ἀχθόμενοσ ἐπὶ τοῖσ Ῥωμαίων ἀγαθοῖσ καὶ κατέχειν τὸν φθόνον οὐ δυνά‐ μενοσ φύσει τε αὐθάδησ καὶ ὑπομαργότεροσ ὢν ἐκ‐ πολεμῶσαι τὰσ πόλεισ ἔγνω πρὸσ ἀλλήλασ. οὐχ ὁρῶν δὲ ὅπωσ ἂν πείσειε τοὺσ Ἀλβανοὺσ στρατὸν αὑτῷ κατὰ Ῥωμαίων ἄγειν ἐπιτρέψαι μήτε δικαίασ ἔχοντι προ‐ φάσεισ μήτε ἀναγκαίασ, μηχανᾶται δή τι τοιόνδε·

τοῖσ ἀπορωτάτοισ Ἀλβανῶν καὶ θρασυτάτοισ ἐφῆκε λῃ‐ στεύειν τοὺσ Ῥωμαίων ἀγροὺσ ἄδειαν ὑπισχνούμενοσ καὶ παρεσκεύασε πολλοὺσ ἀκίνδυνα κέρδη διώκοντασ, ὧν οὐδὲ κωλυόμενοι ὑπὸ τοῦ δέουσ ἀποστήσεσθαι ἔμελλον, ἐμπλῆσαι πολέμου λῃστρικοῦ τὴν ὅμορον. τοῦτο δ’ ἔπραττε κατὰ λογισμὸν οὐκ ἀπεικότα, ὡσ τὸ ἔργον ἐμαρτύρησε.

Ῥωμαίουσ μὲν γὰρ οὐκ ἀνέξεσθαι τὰσ ἁρπαγὰσ ὑπελάμβανεν, ἀλλ’ ἐπὶ τὰ ὅπλα χωρή‐ σειν, αὑτῷ δ’ ἐξουσίαν ἔσεσθαι κατηγορεῖν αὐτῶν πρὸσ τὸν δῆμον ὡσ ἀρχόντων πολέμου, Ἀλβανῶν δὲ τοὺσ πλείστουσ φθονοῦντασ τοῖσ ἀποίκοισ τῆσ εὐτυ‐ χίασ δέξεσθαι τὰσ διαβολὰσ ἀσμένουσ καὶ τὸν κατ’ αὐτῶν πόλεμον ἐξοίσειν, ὅπερ καὶ συνέβη. ἀγόντων γὰρ καὶ φερόντων ἀλλήλουσ τῶν κακουργοτάτων ἐξ ἑκατέρασ πόλεωσ καὶ στρατιᾶσ ποτε Ῥωμαϊκῆσ ἐμβα‐ λούσησ εἰσ τὴν Ἀλβανῶν, ὑφ’ ἧσ πολλοὶ τῶν λῃστῶν οἱ μὲν ἀνῃρέθησαν, οἱ δὲ συνελήφθησαν, συγκαλέ‐ σασ τὸ πλῆθοσ εἰσ ἐκκλησίαν ὁ Κλοίλιοσ, ἐν ᾗ πολλὴν ἐποιήσατο τῶν Ῥωμαίων κατηγορίαν, τραυματίασ τε συχνοὺσ ἐπιδεικνύμενοσ καὶ τοὺσ προσήκοντασ τοῖσ ἡρπασμένοισ ἢ τεθνηκόσι παράγων καὶ πλείω τῶν γεγονότων ἐπικαταψευδόμενοσ, πρεσβείαν πέμπειν πρῶτον ἐψηφίσατο δίκασ αἰτήσουσαν τῶν γεγονότων·

ἐὰν δὲ ἀγνωμονῶσι Ῥωμαῖοι τότε τὸν πόλεμον ἐπ’ αὐτοὺσ ἐκφέρειν.

일치하는 문장이 없습니다.

SEARCH

MENU NAVIGATION