헬라어 문장 검색 - Διονψσ́ΑδΑμμαέ11́

(디오니시오스, Ad Ammaeum, chapter 11)

ὅτι δὲ καὶ τούτουσ ἅπαντασ τοὺσ λόγουσ οὓσ κατηρίθμημαι πρὸ τῆσ ἐκδόσεωσ τῶν Ἀριστοτέλουσ τεχνῶν ἀπήγγειλεν ὁ Δημοσθένησ, αὐτὸν Ἀριστοτέλη παρέξομαι μαρτυροῦντα. ἀρξάμενοσ γὰρ ἐν τῇ δευτέρᾳ βύβλῳ τῶν τεχνῶν τοὺσ τόπουσ ὁρίζειν, ἀφ’ ὧν τὰ ἐνθυμήματα φέρεται, καὶ τὸν ἐκ τοῦ χρόνου παραλαμβάνει παρατιθεὶσ αὐτῷ τὰ παραδείγματα. θήσω δὲ αὐτὴν τὴν τοῦ φιλοσόφου λέξιν· ἄλλοσ εἰσ τὸν χρόνον σκοπεῖ· οἱο͂ν, ὡσ ὁ Ἰφικράτησ ἐν τῇ πρὸσ Ἁρμόδιον, ὡσ εἰ πρὶν ποιῆσαι ἠξίου τῆσ εἰκόνοσ τυχεῖν ἐὰν ποιήσῃ, ἔδοτε ἄν· ποιήσαντι δ’ οὐ δώσετε; μὴ τοίνυν μέλλοντεσ μὲν ὑπισχνεῖσθε, παθόντεσ δὲ ἀφαιρεῖσθε. καὶ πάλιν πρὸσ τὸ διὰ Θηβαίων διἱέναι Φίλιππον εἰσ τὴν Ἀττικήν, ὅτι εἰ πρὶν βοηθῆσαι εἰσ Φωκεῖσ ἠξίου, ὑπέσχοντο ἄν· ἄτοπον οὖν εἰ, διότι προεῖτο καὶ ἐπίστευσεν, μὴ διήσουσιν. ὁ δὲ χρόνοσ οὗτοσ, ἐν ᾧ Φίλιπποσ ἠξίου Θηβαίουσ ἐπὶ τὴν Ἀττικὴν αὑτῷ δοῦναι δίοδον ὑπομιμνήσκων τῆσ ἐν τῷ πρὸσ Φωκεῖσ πολέμῳ γενομένησ βοηθείασ, ἐκ τῆσ κοινῆσ γίγνεται φανερὸσ ἱστορίασ. εἶχε γὰρ οὕτωσ· μετὰ τὴν Ὀλυνθίων ἅλωσιν ἄρχοντοσ Θεμιστοκλέουσ συνθῆκαι Φιλίππῳ πρὸσ Ἀθηναίουσ ἐγένοντο περὶ φιλίασ καὶ συμμαχίασ· αὗται διέμειναν ἑπταετῆ χρόνον ἄχρι Νικομάχου· ἐπὶ δὲ Θεοφράστου τοῦ μετὰ Νικόμαχον ἄρξαντοσ ἐλύθησαν, Ἀθηναίων μὲν Φίλιππον αἰτιωμένων ἄρχειν τοῦ πολέμου, Φιλίππου δὲ Ἀθηναίοισ ἐγκαλοῦντοσ. τὰσ δὲ αἰτίασ δι’ ἃσ εἰσ τὸν πόλεμον κατέστησαν ἀδικεῖσθαι λέγοντεσ ἀμφότεροι, καὶ τὸν χρόνον ἐν ᾧ τὴν εἰρήνην ἔλυσαν ἀκριβῶσ δηλοῖ Φιλόχοροσ ἐν τῇ ἕκτῃ τῆσ Ἀτθίδοσ βύβλῳ. θήσω δ’ ἐξ αὐτῆσ τὰ ἀναγκαιότατα· Θεόφραστοσ Ἁλαιεύσ·

ἐπὶ τούτου Φίλιπποσ τὸ μὲν πρῶτον ἀναπλεύσασ Περίνθῳ προσέβαλεν, ἀποτυχὼν δ’ ἐντεῦθεν Βυζάντιον ἐπολιόρκει καὶ μηχανήματα προσῆγεν. ἔπειτα διεξελθών, ὅσα τοῖσ Ἀθηναίοισ ὁ Φίλιπποσ ἐνεκάλει διὰ τῆσ ἐπιστολῆσ, ταῦτα πάλιν κατὰ λέξιν ἐπιτίθησιν· ὁ δὲ δῆμοσ ἀκούσασ τῆσ ἐπιστολῆσ καὶ Δημοσθένουσ παρακαλεσαντοσ αὐτὸν πρὸσ τὸν πόλεμον καὶ τὰ ψηφίσματα γράψαντοσ ἐχειροτόνησε τὴν μὲν στήλην καθελεῖν τὴν περὶ τῆσ πρὸσ Φίλιππον εἰρήνησ καὶ συμμαχίασ σταθεῖσαν, ναῦσ δὲ πληροῦν καὶ τὰ ἄλλα ἐνεργεῖν τὰ τοῦ πολέμου. ταῦτα γράψασ κατὰ Θεόφραστον ἄρχοντα γεγονέναι, τῷ μετ’ ἐκεῖνον ἐνιαυτῷ τὰ πραχθέντα μετὰ τὴν λύσιν τῆσ εἰρήνησ ἐπὶ Λυσιμαχίδου ἄρχοντοσ διεξέρχεται. θήσω δὲ καὶ τούτων αὐτὰ τὰ ἀναγκαιότατα·

Λυσιμαχίδησ Ἀχαρνεύσ· ἐπὶ τούτου τὰ μὲν ἔργα τὰ περὶ τοὺσ νεωσοίκουσ καὶ τὴν σκευοθήκην ἀνεβάλοντο διὰ τὸν πόλεμον τὸν πρὸσ Φίλιππον· τὰ δὲ χρήματα ἐψηφίσαντο πάντ’ εἶναι στρατιωτικὰ Δημοσθένουσ γράψαντοσ. Φιλίππου δὲ καταλαβόντοσ Ἐλάτειαν καὶ Κυτίνιον καὶ πρέσβεισ πέμψαντοσ εἰσ Θήβασ Θετταλῶν Αἰνιάνων Αἰτωλῶν Δολόπων Φθιωτῶν, Ἀθηναίων δὲ κατὰ τὸν αὐτὸν χρόνον πρέσβεισ ἀποστειλάντων τοὺσ περὶ Δημοσθένη, τούτοισ συμμαχεῖν ἐψηφίσαντο. φανεροῦ δὴ γεγονότοσ τοῦ χρόνου, καθ’ ὃν εἰσῆλθον εἰσ Θήβασ οἵ τε Ἀθηναίων πρέσβεισ οἱ περὶ Δημοσθένη καὶ οἱ παρὰ Φιλίππου, ὅτι κατὰ Λυσιμαχίδην ἄρχοντα πίπτει, παρεσκευασμένων ἤδη τὰ πρὸσ τὸν πόλεμον ἀμφοτέρων, αὐτὸσ ὁ Δημοσθένησ ποιήσει φανερὸν ἐν τῷ περὶ τοῦ στεφάνου λόγῳ, τίνεσ ἦσαν αἱ παρὰ τῶν πρεσβειῶν ἀμφοτέρων ἀξιώσεισ· θήσω δὲ ἐξ αὐτῆσ λαβὼν τῆσ ἐκείνου λέξεωσ τὰ συντείνοντα πρὸσ τὸ πρᾶγμα·

οὕτωσ διαθεὶσ Φίλιπποσ τὰσ πόλεισ πρὸσ ἀλλήλασ διὰ τούτων, καὶ τούτοισ ἐπαρθεὶσ τοῖσ ψηφίσμασι καὶ ταῖσ ἀποκρίσεσιν ἧκεν ἔχων τὴν δύναμιν καὶ τὴν Ἐλάτειαν κατέλαβεν, ὡσ οὐδ’ ἂν εἴ τι γένοιτο, ἔτι συμπνευσόντων ἡμῶν ἂν καὶ τῶν Θηβαίων. ἀλλὰ μὴν τὰ τότε συμβάντα διεξελθών, διεξελθὼν δὲ τοὺσ ῥηθέντασ ὑφ’ ἑαυτοῦ λόγουσ ἐπὶ τῆσ ἐκκλησίασ, καὶ ὡσ πρεσβευτὴσ ὑπ’ Ἀθηναίων εἰσ Θήβασ ἐπέμφθη, ταῦτα κατὰ λέξιν ἐπιτίθησιν· ὡσ δ’ ἀφικόμεθα εἰσ τὰσ Θήβασ, κατελαμβάνομεν Φιλίππου καὶ Θετταλῶν καὶ τῶν ἄλλων συμμάχων παρόντασ πρέσβεισ, καὶ τοὺσ μὲν ἡμετέρουσ φίλουσ ἐν φόβῳ, τοὺσ δ’ ἐκείνου θρασεῖσ. ἔπειτ’ ἐπιστολήν τινα κελεύσασ ἀναγνωσθῆναι ταῦτ’ ἐπιτίθησιν· ἐπειδὴ τοίνυν ἐποιήσαντο τὴν ἐκκλησίαν, προσῆγον ἐκείνουσ διὰ τὸ τὴν τῶν συμμάχων τάξιν ἐκείνουσ ἔχειν. καὶ παριόντεσ ἐδημηγόρουν πολλὰ μὲν Φίλιππον ἐγκωμιάζοντεσ, πολλὰ δ’ ὑμῖν ἐγκαλοῦντεσ, πάνθ’ ὅσα πώποτε ἐναντία ἐπράξατε Θηβαίουσ ἀναμιμνῄσκοντεσ. τὸ δ’ οὖν κεφάλαιον, ἠξίουν, ὧν μὲν εὖ ̓πεπόνθεσαν ὑπὸ Φιλίππου χάριν αὐτοὺσ ἀποδοῦναι, ὧν δ’ ὑφ’ ὑμῶν ἠδίκηνται δίκην λαβεῖν, ὁποτέρωσ βούλονται, ἢ διἱέντασ αὐτοὺσ ἐφ’ ὑμᾶσ ἢ συνεμβάλλοντασ εἰσ τὴν Ἀττικήν.

οἱ πρὸ τῆσ Λυσιμαχίδου ἀρχῆσ ἐν ἐκκλησίαισ τε καὶ δικαστηρίοισ γενόμενοι πρότερον τῶν Ἀριστοτέλουσ τεχνῶν ἑτέραν προσθήσω μαρτυρίαν παρὰ τοῦ φιλοσόφου λαβών, ἐξ ἧσ ἔτι μᾶλλον ἔσται φανερόν, ὅτι μετὰ τὸν πόλεμον τὸν συμβάντα τοῖσ Ἀθηναίοισ πρὸσ Φίλιππον αἱ ῥητορικαὶ συνετάχθησαν ὑπ’ αὐτοῦ τέχναι, Δημοσθένουσ ἀκμάζοντοσ ἤδη κατὰ τὴν πολιτείαν καὶ πάντασ εἰρηκότοσ τούσ τε δημηγορικοὺσ καὶ τοὺσ δικανικοὺσ λόγουσ, ὧν ὀλίγῳ πρότερον ἐμνήσθην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Ad Ammaeum, chapter 11

(디오니시오스, Ad Ammaeum, chapter 11)

상위

목록

SEARCH

MENU NAVIGATION