호흡부호 보기
강세부호 보기
장단부호 보기
작은 Iota 보기
모든 부호 보기
Ἀριστοτέλησ πατρὸσ μὲν ἦν Νικομάχου τὸ γένοσ καὶ τὴν τέχνην ἀναφέροντοσ εἰσ Μαχάονα τὸν Ἀσκληπιοῦ, μητρὸσ δὲ Φαιστίδοσ ἀπογόνου τινὸσ τῶν ἐκ Χαλκίδοσ τὴν ἀποικίαν ἀγαγόντων εἰσ Στάγειρα· ἐγεννήθη δὲ κατὰ τὴν ἐνενηκοστὴν καὶ ἐνάτην Ὀλυμπιάδα Διοτρεφοῦσ Ἀθήνησιν ἄρχοντοσ τρισὶν ἔτεσι Δημοσθένουσ πρεσβύτεροσ. ἐπὶ δὲ Πολυζήλου ἄρχοντοσ τελευτήσαντοσ τοῦ πατρὸσ ὀκτωκαιδέκατον ἔτοσ ἔχων εἰσ Ἀθήνασ ἦλθεν, καὶ συσταθεὶσ Πλάτωνι χρόνον εἰκοσαετῆ διέτριψε σὺν αὐτῷ. ἀποθανόντοσ δὲ Πλάτωνοσ ἐπὶ Θεοφίλου ἄρχοντοσ ἀπῆρε πρὸσ Ἑρμίαν τὸν Ἀταρνέωσ τύραννον καὶ τριετῆ χρόνον παρ’ αὐτῷ διατρίψασ ἐπ’ Εὐβούλου ἄρχοντοσ εἰσ Μυτιλήνην ἐχωρίσθη· ἐκεῖθεν δὲ πρὸσ Φίλιππον ᾤχετο κατὰ Πυθόδοτον ἄρχοντα, καὶ διέτριψε χρόνον ὀκταετῆ παρ’ αὐτῷ καθηγούμενοσ Ἀλεξάνδρου· μετὰ δὲ τὴν Φιλίππου τελευτὴν ἐπ’ Εὐαινέτου ἄρχοντοσ ἀφικόμενοσ εἰσ Ἀθήνασ ἐσχόλαζεν ἐν Λυκείῳ χρόνον ἐτῶν δώδεκα. τῷ δὲ τρισκαιδεκάτῳ, μετὰ τὴν Ἀλεξάνδρου τελευτὴν ἐπὶ Κηφισοδώρου ἄρχοντοσ ἀπάρασ εἰσ Χαλκίδα νόσῳ τελευτᾷ, τρία πρὸσ τοῖσ ἑξήκοντα βιώσασ ἔτη.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기