Diodorus Siculus, Bibliotheca Historica, book 5, chapter 82

(디오도로스 시켈로스, Bibliotheca Historica, book 5, chapter 82)

τὴν δ’ ἀντιπέρασ τῶν νήσων κατ’ ἐκείνουσ τοὺσ καιροὺσ συνέβη διὰ τὸν κατακλυσμὸν μεγάλασ καὶ δεινὰσ κατασχεῖν ἀτυχίασ· διὰ μὲν γὰρ τὰσ ἐπομβρίασ ἐπὶ πολλοὺσ χρόνουσ ἐφθαρμένων τῶν καρπῶν σπάνισ τε τῶν ἐπιτηδείων ὑπῆρχε καὶ λοιμικὴ κατάστασισ ἐπεῖχε τὰσ πόλεισ διὰ τὴν τοῦ ἀέροσ φθοράν. αἱ δὲ νῆσοι διαπνεόμεναι καὶ τὸν ἀέρα παρεχόμεναι τοῖσ ἐνοικοῦσιν ὑγιεινόν, ἔτι δὲ τοῖσ καρποῖσ ἐπιτυγχάνουσαι, ἀεὶ μᾶλλον εὐπορίασ ἔγεμον, καὶ ταχὺ τοὺσ κατοικοῦντασ αὐτὰσ μακαρίουσ ἐποίησαν.

διὸ καὶ μακάρων ὠνομάσθησαν νῆσοι, τῆσ εὐπορίασ τῶν ἀγαθῶν αἰτίασ γενομένησ τῆσ προσηγορίασ. ἔνιοι δέ φασιν αὐτὰσ μακάρων νήσουσ ὠνομάσθαι ἀπὸ Μακαρέωσ ὑπὸ τῶν παίδων τούτων δυναστευσάντων .

καθόλου δ’ αἱ προειρημέναι νῆσοι διήνεγκαν εὐδαιμονίᾳ μάλιστα τῶν σύνεγγυσ κειμένων οὐ μόνον κατὰ τοὺσ ἀρχαίουσ χρόνουσ, ἀλλὰ καὶ κατὰ τὴν ἡμετέραν ἡλικίαν· ἀρετῇ γὰρ χώρασ καὶ τόπων εὐκαιρίαισ, ἔτι δ’ ἀέρων κράσει, καλλιστεύουσαι κατὰ λόγον καλοῦνται καὶ πρὸσ ἀλήθειαν εἰσὶν εὐδαίμονεσ.

αὐτὸσ δ’ ὁ Μακαρεὺσ ἐν τῇ Λέσβῳ βασιλεύων νόμον ἔγραψε πολλὰ τῶν κοινῇ συμφερόντων περιέχοντα, ὠνόμασε δ’ αὐτὸν λέοντα, ἀπὸ τῆσ τοῦ ζῴου δυνάμεωσ καὶ ἀλκῆσ θέμενοσ τὴν προσηγορίαν.

일치하는 문장이 없습니다.

SEARCH

MENU NAVIGATION