헬라어 문장 검색 - Διοδορ́Βιβλιοτ́5́52́

(디오도로스 시켈로스, Bibliotheca Historica, book 5, chapter 51)

ὁ δ’ Ἀλωεὺσ ἐπὶ ζήτησιν τῆσ τε γυναικὸσ καὶ τῆσ θυγατρὸσ ἐξέπεμψε τοὺσ υἱοὺσ Ὦτον καὶ Ἐφιάλτην· οἳ πλεύσαντεσ εἰσ τὴν Στρογγύλην μάχῃ τε ἐνίκησαν τοὺσ Θρᾷκασ καὶ τὴν πόλιν ἐξεπολιόρκησαν. εἶτα ἡ μὲν Παγκράτισ ἐτελεύτησεν, οἱ δὲ περὶ τὸν Ὦτον καὶ Ἐφιάλτην ἐπεβάλοντο κατοικεῖν ἐν τῇ νήσῳ καὶ ἄρχειν τῶν Θρᾳκῶν·

μετωνόμασαν δὲ καὶ τὴν νῆσον Δίαν. ὕστερον δὲ στασιάσαντεσ πρὸσ ἀλλήλουσ καὶ μάχην συνάψαντεσ τῶν τε ἄλλων πολλοὺσ ἀπέκτειναν καὶ ἀλλήλουσ ἀνεῖλον, ὑπὸ δὲ τῶν ἐγχωρίων εἰσ τὸν λοιπὸν χρόνον ὡσ ἡρ́ωεσ ἐτιμήθησαν. οἱ μὲν οὖν Θρᾷκεσ ἐνταῦθα κατοικήσαντεσ ἔτη πλείω τῶν διακοσίων ἐξέπεσον αὐχμῶν γενομένων ἐκ τῆσ νήσου.

μετὰ δὲ ταῦτα Κᾶρεσ ἐκ τῆσ νῦν καλουμένησ Λατμίασ μεταναστάντεσ ᾤκησαν τὴν νῆσον· ὧν βασιλεύσασ Νάξοσ ὁ Πολέμωνοσ ἀντὶ Δίασ Νάξον ἀφ’ ἑαυτοῦ προσηγόρευσεν. ἐγένετο δ’ ἀνὴρ ἀγαθὸσ καὶ ἐπιφανὴσ ὁ Νάξοσ, καὶ ἀπέλιπεν υἱὸν Λεύκιππον· οὗ γενόμενοσ υἱὸσ Σμέρδιοσ ἐβασίλευσε τῆσ νήσου. ἐπὶ δὲ τούτου Θησεὺσ ἐκ Κρήτησ ἀναπλέων μετὰ τῆσ Ἀριάδνησ ἐπεξενώθη τοῖσ ἐν τῇ νήσῳ·

καὶ κατὰ τὸν ὕπνον ἰδὼν τὸν Διόνυσον ἀπειλοῦντα αὐτῷ, εἰ μὴ ἀπολείψει τὴν Ἀριάδνην αὐτῷ, φοβηθεὶσ κατέλιπε καὶ ἐξέπλευσε. Διόνυσοσ δὲ νυκτὸσ ἀπήγαγε τὴν Ἀριάδνην εἰσ τὸ ὄροσ τὸ καλούμενον Δρίοσ· καὶ ἐν ἀρχῇ μὲν ἠφανίσθη ὁ θεόσ, μετὰ δὲ ταῦτα καὶ ἡ Ἀριάδνη ἄφαντοσ ἐγενήθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 5, chapter 51

(디오도로스 시켈로스, Bibliotheca Historica, book 5, chapter 51)

상위

목록

SEARCH

MENU NAVIGATION