헬라어 문장 검색 - Διοδορ́Βιβλιοτ́5́41́

(디오도로스 시켈로스, Bibliotheca Historica, book 5, chapter 40)

λείπεται δ’ ἡμῖν εἰπεῖν περὶ τῶν Τυρρηνῶν. οὗτοι γὰρ τὸ μὲν παλαιὸν ἀνδρείᾳ διενεγκόντεσ χώραν πολλὴν κατεκτήσαντο καὶ πόλεισ ἀξιολόγουσ καὶ πολλὰσ ἔκτισαν. ὁμοίωσ δὲ καὶ ναυτικαῖσ δυνάμεσιν ἰσχύσαντεσ καὶ πολλοὺσ χρόνουσ θαλαττοκρατήσαντεσ τὸ μὲν παρὰ τὴν Ἰταλίαν πέλαγοσ ἀφ’ ἑαυτῶν ἐποίησαν Τυρρηνικὸν προσαγορευθῆναι, τὰ δὲ κατὰ τὰσ πεζὰσ δυνάμεισ ἐκπονήσαντεσ τήν τε σάλπιγγα λεγομένην ἐξεῦρον, εὐχρηστοτάτην μὲν εἰσ τοὺσ πολέμουσ, ἀπ’ ἐκείνων δ’ ὀνομασθεῖσαν Τυρρηνήν, τό τε περὶ τοὺσ ἡγουμένουσ στρατηγοὺσ ἀξίωμα κατεσκεύασαν, περιθέντεσ τοῖσ ἡγουμένοισ ῥαβδούχουσ καὶ δίφρον ἐλεφάντινον καὶ περιπόρφυρον τήβενναν, ἔν τε ταῖσ οἰκίαισ τὰ περίστῳα πρὸσ τὰσ τῶν θεραπευόντων ὄχλων ταραχὰσ ἐξεῦρον εὐχρηστίαν· ὧν τὰ πλεῖστα Ῥωμαῖοι μιμησάμενοι καὶ πρὸσ τὸ κάλλιον αὐξήσαντεσ μετήνεγκαν ἐπὶ τὴν ἰδίαν πολιτείαν. γράμματα δὲ καὶ φυσιολογίαν καὶ θεολογίαν ἐξεπόνησαν ἐπὶ πλέον, καὶ τὰ περὶ τὴν κεραυνοσκοπίαν μάλιστα πάντων ἀνθρώπων ἐξειργάσαντο·

διὸ καὶ μέχρι τῶν νῦν χρόνων οἱ τῆσ οἰκουμένησ σχεδὸν ὅλησ ἡγούμενοι θαυμάζουσί τε τοὺσ ἄνδρασ καὶ κατὰ τὰσ ἐν τοῖσ κεραυνοῖσ διοσημείασ τούτοισ ἐξηγηταῖσ χρῶνται. χώραν δὲ νεμόμενοι πάμφορον, καὶ ταύτην ἐξεργαζόμενοι, καρπῶν ἀφθονίαν ἔχουσιν οὐ μόνον πρὸσ τὴν ἀρκοῦσαν διατροφήν, ἀλλὰ καὶ πρὸσ ἀπόλαυσιν δαψιλῆ καὶ τρυφὴν ἀνήκουσαν.

παρατίθενται γὰρ δὶσ τῆσ ἡμέρασ τραπέζασ πολυτελεῖσ καὶ τἄλλα τὰ πρὸσ τὴν ὑπερβάλλουσαν τρυφὴν οἰκεῖα, στρωμνὰσ μὲν ἀνθεινὰσ κατασκευάζοντεσ, ἐκπωμάτων δ’ ἀργυρῶν παντοδαπῶν πλῆθοσ καὶ τῶν διακονούντων οἰκετῶν οὐκ ὀλίγον ἀριθμὸν ἡτοιμακότεσ· καὶ τούτων οἱ μὲν εὐπρεπείᾳ διαφέροντέσ εἰσιν, οἱ δ’ ἐσθῆσι πολυτελεστέραισ ἢ κατὰ δουλικὴν ἀξίαν κεκόσμηνται. οἰκήσεισ τε παντοδαπὰσ ἰδιαζούσασ ἔχουσι παρ’ αὐτοῖσ οὐ μόνον οἱ θεράποντεσ, ἀλλὰ καὶ τῶν ἐλευθέρων οἱ πλείουσ.

καθόλου δὲ τὴν μὲν ἐκ παλαιῶν χρόνων παρ’ αὐτοῖσ ζηλουμένην ἀλκὴν ἀποβεβλήκασιν, ἐν πότοισ δὲ καὶ ῥᾳθυμίαισ ἀνάνδροισ βιοῦντεσ οὐκ ἀλόγωσ τὴν τῶν πατέρων δόξαν ἐν τοῖσ πολέμοισ ἀποβεβλήκασι. συνεβάλετο δ’ αὐτοῖσ πρὸσ τὴν τρυφὴν οὐκ ἐλάχιστον καὶ ἡ τῆσ χώρασ ἀρετή·

πάμφορον γὰρ καὶ παντελῶσ εὔγειον νεμόμενοι παντὸσ καρποῦ πλῆθοσ ἀποθησαυρίζουσιν. καθόλου γὰρ ἡ Τυρρηνία παντελῶσ εὔγειοσ οὖσα πεδίοισ ἀναπεπταμένοισ ἐγκάθηται καὶ βουνοειδέσιν ἀναστήμασι τόπων διείληπται γεωργησίμοισ· ὑγρὰ δὲ μετρίωσ ἐστὶν οὐ μόνον κατὰ τὴν χειμερινὴν ὡρ́αν, ἀλλὰ καὶ κατὰ τὸν τοῦ θέρουσ καιρόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 5, chapter 40

(디오도로스 시켈로스, Bibliotheca Historica, book 5, chapter 40)

상위

목록

SEARCH

MENU NAVIGATION