Diodorus Siculus, Bibliotheca Historica, book 5, chapter 6

(디오도로스 시켈로스, Bibliotheca Historica, book 5, chapter 6)

περὶ δὲ τῶν κατοικησάντων ἐν αὐτῇ πρώτων Σικανῶν, ἐπειδή τινεσ τῶν συγγραφέων διαφωνοῦσιν, ἀναγκαῖόν ἐστι συντόμωσ εἰπεῖν. Φίλιστοσ μὲν γάρ φησιν ἐξ Ἰβηρίασ αὐτοὺσ ἀποικισθέντασ κατοικῆσαι τὴν νῆσον, ἀπό τινοσ Σικανοῦ ποταμοῦ κατ’ Ἰβηρίαν ὄντοσ τετευχότασ ταύτησ τῆσ προσηγορίασ, Τίμαιοσ δὲ τὴν ἄγνοιαν τούτου τοῦ συγγραφέωσ ἐλέγξασ ἀκριβῶσ ἀποφαίνεται τούτουσ αὐτόχθονασ εἶναι· πολλὰσ δ’ αὐτοῦ φέροντοσ ἀποδείξεισ τῆσ τούτων ἀρχαιότητοσ, οὐκ ἀναγκαῖον ἡγούμεθα περὶ τούτων διεξιέναι. οἱ δ’ οὖν Σικανοὶ τὸ παλαιὸν κωμηδὸν ᾤκουν, ἐπὶ τῶν ὀχυρωτάτων λόφων τὰσ πόλεισ κατασκευάζοντεσ διὰ τοὺσ λῃστάσ·

οὐ γὰρ ἦσαν ὑπὸ μίαν ἡγεμονίαν βασιλέωσ τεταγμένοι, κατὰ πόλιν δὲ ἑκάστην εἷσ ἦν ὁ δυναστεύων. καὶ τὸ μὲν πρῶτον ἅπασαν τὴν νῆσον κατῴκουν, καὶ τὴν χώραν ἐργαζόμενοι τὰσ τροφὰσ εἶχον·

ὕστερον δὲ τῆσ Αἴτνησ ἐν πλείοσι τόποισ ἀναφυσήματα πυρὸσ ἀνείσησ, καὶ πολλοῦ κατὰ τὴν χώραν ῥύακοσ ἐκχυθέντοσ, συνέβη φθαρῆναι τῆσ γῆσ ἐπὶ πολὺν τόπον. ἐπ’ ἔτη δὲ πλείω τοῦ πυρὸσ ἐπινεμομένου πολλὴν χώραν, φοβηθέντεσ τὰ μὲν πρὸσ ἑώ κεκλιμένα τῆσ Σικελίασ ἐξέλιπον, εἰσ δὲ τὰ πρὸσ δυσμὰσ νεύοντα μετῴκησαν. τὸ δὲ τελευταῖον πολλαῖσ γενεαῖσ ὕστερον ἐκ τῆσ Ἰταλίασ τὸ τῶν Σικελῶν ἔθνοσ πανδημεὶ περαιωθὲν εἰσ τὴν Σικελίαν, τὴν ὑπὸ τῶν Σικανῶν ἐκλειφθεῖσαν χώραν κατῴκησαν. ἀεὶ δὲ τῇ πλεονεξίᾳ προβαινόντων τῶν Σικελῶν, καὶ τὴν ὅμορον πορθούντων, ἐγένοντο πόλεμοι πλεονάκισ αὐτοῖσ πρὸσ τοὺσ Σικανούσ, ἑώσ συνθήκασ ποιησάμενοι συμφώνουσ ὁρ́ουσ ἔθεντο τῆσ χώρασ·

περὶ ὧν τὰ κατὰ μέροσ ἐν τοῖσ οἰκείοισ χρόνοισ ἀναγράψομεν. ὕσταται δ’ ἀποικίαι τῶν Ἑλλήνων ἐγένοντο κατὰ τὴν Σικελίαν ἀξιόλογοι καὶ πόλεισ παρὰ θάλατταν ἐκτίσθησαν.

ἀναμιγνύμενοι δ’ ἀλλήλοισ καὶ διὰ τὸ πλῆθοσ τῶν καταπλεόντων Ἑλλήνων τήν τε διάλεκτον αὐτῶν ἔμαθον καὶ ταῖσ ἀγωγαῖσ συντραφέντεσ τὸ τελευταῖον τὴν βάρβαρον διάλεκτον ἅμα καὶ τὴν προσηγορίαν ἠλλάξαντο, Σικελιῶται προσαγορευθέντεσ.

일치하는 문장이 없습니다.

SEARCH

MENU NAVIGATION