Athenaeus, The Deipnosophists, Book 9, book 9, chapter 76

(아테나이오스, The Deipnosophists, Book 9, book 9, chapter 76)

Ἀριστοφάνησ δὲ ὁ γραμματικὸσ ἐν τοῖσ πρὸσ τοὺσ Καλλιμάχου πίνακασ χλευάζει τοὺσ οὐκ εἰδότασ τὴν διαφορὰν τοῦ τε κατὰ χειρὸσ καὶ τοῦ ἀπονίψασθαι. παρὰ γὰρ τοῖσ παλαιοῖσ τὸ μὲν πρὸ ἀρίστου καὶ δείπνου λέγεσθαι κατὰ χειρόσ, τὸ δὲ μετὰ ταῦτα ἀπονίψασθαι. ἐοίκε δ’ ὁ γραμματικὸσ τοῦτο πεφυλαχέναι παρά τοῖσ Ἀττικοῖσ, ἐπεί τοι Ὅμηρόσ πῃ μέν φησι· νίψασθαι· παρὰ δὲ ξεστὴν ἐτάνυσσε τράπεζαν. πῂ δέ· τοῖσι δὲ κήρυκεσ μὲν ὕδωρ ἐπὶ χεῖρασ ἔχευαν, σῖτον δὲ δμωαὶ παρενήνεον ἐν κανέοισι. καὶ Σώφρων ἐν γυναικείοισ· "τάλαινα Κοικόα, κατὰ χειρὸσ δοῦσα ἀπόδοσ πόχ’ ἁμῖν τὰν τράπεζαν. παρὰ μέντοι τοῖσ τραγικοῖσ καὶ τοῖσ κωμικοῖσ παροξυτόνωσ ἀνέγνωσται χερνίβα· παρ’ Εὐριπίδῃ ἐν Ἡρακλεῖ· εἰσ χερνίβ’ ὡσ βάψειεν Ἀλκμήνησ γόνοσ.

ἀλλὰ καὶ παρ’ Εὐπόλιδι ἐν Αἰξὶν αὐτοῦ τὴν χερνίβα παύσεισ. ἐστὶ δὲ ὕδωρ εἰσ ὃ ἀπέβαπτον δαλὸν ἐκ τοῦ βωμοῦ λαμβάνοντεσ ἐφ’ οὗ τὴν θυσίαν ἐπετέλουν καὶ τούτῳ περιρραίνοντεσ τοὺσ παρόντασ ἥγνιζον. χρὴ μέντοι προπαροξυτόνωσ προφέρεσθαι. τὰ γὰρ τοιάδε ῥηματικὰ σύνθετα εἰσ ψ λήγοντα γεγονότα παρὰ τὸν παρακείμενον τὴν παραλήγουσαν τοῦ παρακειμένου φυλάσσουσιν, ἄν τε ἔχῃ τοῦτον διὰ τῶν δύο μμ λεγόμενον, βαρύνεται, λέλειμμαι αἰγίλιψ, τέτριμμαι οἰκότριψ, κέκλεμμαι βοίκλεψ, παρὰ Σοφοκλεῖ Ἑρμῆσ, βέβλεμμαι κατῶβλεψ, παρὰ Ἀρχελάῳ τῷ Χερρονησίτῃ ἐν τοῖσ Ἰδιοφυέσιν· ἐν δὲ ταῖσ πλαγίοισ τὰ τοιαῦτα ἐπὶ τῆσ αὐτῆσ συλλαβῆσ φυλάττειν τὴν τάσιν.

Ἀριστοφάνησ δ’ ἐν Ἥρωσι χερνίβιον εἴρηκεν.

일치하는 문장이 없습니다.

SEARCH

MENU NAVIGATION