Ancient Greek Text

Athenaeus, The Deipnosophists, Book 8, book 8, chapter 23

(아테나이오스, The Deipnosophists, Book 8, book 8, chapter 23)

πυθιονίκην δέ φησι φιληδεῖν ταρίχῳ, ἐπεὶ ἐραστὰσ εἶχε τοὺσ Χαιρεφίλου τοῦ ταριχοπώλου υἱούσ, ὡσ Τιμοκλῆσ ἐν Ἰκαρίοισ φησὶν ’ Ἄνυτοσ ὁ παχὺσ πρὸσ Πυθιονίκην ὅταν ἐλθὼν φάγῃ τι. καλεῖ γὰρ αὐτόν, ὥσ φασιν, ὁπόταν Χαιρεφίλου τοὺσ δύο σκόμβρουσ ξενίσῃ μεγάλουσ ἡδομένη. ’ καὶ πάλιν ἡ Πυθιονίκη δ’ ἀσμένωσ σε δέξεται καὶ σοῦ κατέδεται τυχὸν ἴσωσ ἃ νῦν ἔχεισ λαβὼν παρ’ ἡμῶν δῶρ’ ἄπληστόσ ἐστι γάρ. ὅμωσ δὲ δοῦναί σοι κέλευσον σαργάνασ αὐτὴν ταρίχουσ εὐπόρωσ γὰρ τυγχάνει ἔχουσα καὶ σύνεστι σαπέρδαισ δυσὶν καὶ ταῦτ’ ἀνάλτοισ καὶ πλατυρρύγχοισ τισί.

πρὸ τούτων δ’ ἦν ἐραστὴσ αὐτῆσ Κωβιόσ τισ ὄνομα.