호흡부호 보기
강세부호 보기
장단부호 보기
작은 Iota 보기
모든 부호 보기
ὑμεῖσ δὲ πολλάκισ τοῦ Ἀρχεστράτου τούτου μνημονεύσαντεσ ἀκολασίασ ἐπληρώσατε τὸ συμπόσιον, τί γὰρ τῶν ἐπιτρῖψαι δυναμένων παρέλιπεν ὁ καλὸσ οὗτοσ ἐποποιὸσ καὶ μόνοσ ζηλώσασ τὸν Σαρδαναπάλλου τοῦ Ἀνακυνδαράξεω βίον, ὃν ἀδιανοητότερον εἶναι ἢ κατὰ τὴν προσηγορίαν τοῦ πατρὸσ Ἀριστοτέλησ ἔφη, ἐφ’ οὗ τοῦ τάφου· ἐπιγεγράφθαι φησὶ Χρύσιπποσ τάδε· εὖ εἰδὼσ ὅτι θνητὸσ ἔφυσ σὸν θυμὸν ἀέξε, τερπόμενοσ θαλίῃσι θανόντι σοι οὔτισ ὄνησισ.
καὶ γὰρ ἐγὼ σποδόσ εἰμι, Νίνου μεγάλησ βασιλεύσασ· κεῖν’ ἔχω ὅσσ1’ ἔφαγον καὶ ἐφύβρισα καὶ σὺν ἔρωτι τέρπν’ ἔπαθον τὰ δὲ πολλὰ καὶ ὄλβια πάντα λέλυνται. ἥδε ὁ σοφὴ βιότοιο παραίνεσισ. οὐδὲ ποτ’ αὐτῆσ λήσομαι· ἐκτήσθω δ’ ὁ θέλων τὸν ἀπείρονα χρυσόν.
καὶ ἐπὶ τῶν Φαιάκων δὲ ὁ ποιητὴσ ἔφη · αἰεὶ δ’ ἡμῖν δαίσ τε φίλη κίθαρίσ τε χοροί τε εἵματά τ’ ἐξημοιβὰ λόετρά τε θερμὰ καὶ εὐναί. καὶ ἄλλοσ δὲ τίσ φησι τῷ Σαρδαναπάλλῳ παραπλήσιοσ, ὑποτιθέμενοσ καὶ οὗτοσ τοῖσ μὴ σωφρονοῦσι τοιάδε· πᾶσιν δὲ θνητοῖσ βούλομαι παραινέσαι τοὐφήμερον ζῆν ἡδέωσ· ὁ γὰρ θανὼν τὸ μηδέν ἐστι καὶ σκιὰ κατὰ χθονόσ. μικροῦ δὲ βιότου ζῶντ’ ἐπαυρέσθαι χρεών, καὶ Ἄμφισ δ’ ὁ κωμῳδιοποιὸσ ἐν Ιἀλέμῳ φησί. ’ ὅστισ, δὲ θνητὸσ γενόμενοσ μὴ τῷ βίῳ ζητεῖ τι τερπνὸν προσφέρειν, τὰ δ’ ἄλλ’ ἐᾷ, μάταιόσ ἐστιν ἔν γ’ ἐμοὶ καὶ τοῖσ σοφοῖσ κριταῖσ ἅπασιν ἐκ θεῶν τε δυστυχήσ. καὶ ἐν τῇ ἐπιγραφομένῃ δὲ Γυναικοκρατίᾳ τὰ ὅμοια λέγει· πῖνε, παῖζε·
2 θνητὸσ ὁ βίοσ, ὀλίγοσ οὑπὶ γῇ χρόνοσ· ὁ θάνατοσ δ’ ἀθάνατὸσ ἐστιν, ἂν ἅπαξ τισ ἀποθάνῃ. καὶ Βακχίδασ δέ τισ τὸν αὐτὸν Σαρδαναπάλλῳ ζήσασ βίον ἀποθανὼν ἐπὶ τοῦ τάφου ἐπιγεγραμμένον ἔχει·
, πιέν, φαγὲν καὶ πάντα τᾷ ψυχᾷ δόμεν κἠγὼ γὰρ ἕστακ’ ἀντὶ Βακχίδα λίθοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기