헬라어 문장 검색 - ΑτηενάΤηεΔειπ

(아테나이오스, The Deipnosophists, Book 8, book 8, chapter 14)

ὑμεῖσ δὲ πολλάκισ τοῦ Ἀρχεστράτου τούτου μνημονεύσαντεσ ἀκολασίασ ἐπληρώσατε τὸ συμπόσιον, τί γὰρ τῶν ἐπιτρῖψαι δυναμένων παρέλιπεν ὁ καλὸσ οὗτοσ ἐποποιὸσ καὶ μόνοσ ζηλώσασ τὸν Σαρδαναπάλλου τοῦ Ἀνακυνδαράξεω βίον, ὃν ἀδιανοητότερον εἶναι ἢ κατὰ τὴν προσηγορίαν τοῦ πατρὸσ Ἀριστοτέλησ ἔφη, ἐφ’ οὗ τοῦ τάφου· ἐπιγεγράφθαι φησὶ Χρύσιπποσ τάδε· εὖ εἰδὼσ ὅτι θνητὸσ ἔφυσ σὸν θυμὸν ἀέξε, τερπόμενοσ θαλίῃσι θανόντι σοι οὔτισ ὄνησισ.

καὶ γὰρ ἐγὼ σποδόσ εἰμι, Νίνου μεγάλησ βασιλεύσασ· κεῖν’ ἔχω ὅσσ1’ ἔφαγον καὶ ἐφύβρισα καὶ σὺν ἔρωτι τέρπν’ ἔπαθον τὰ δὲ πολλὰ καὶ ὄλβια πάντα λέλυνται. ἥδε ὁ σοφὴ βιότοιο παραίνεσισ. οὐδὲ ποτ’ αὐτῆσ λήσομαι· ἐκτήσθω δ’ ὁ θέλων τὸν ἀπείρονα χρυσόν.

καὶ ἐπὶ τῶν Φαιάκων δὲ ὁ ποιητὴσ ἔφη · αἰεὶ δ’ ἡμῖν δαίσ τε φίλη κίθαρίσ τε χοροί τε εἵματά τ’ ἐξημοιβὰ λόετρά τε θερμὰ καὶ εὐναί. καὶ ἄλλοσ δὲ τίσ φησι τῷ Σαρδαναπάλλῳ παραπλήσιοσ, ὑποτιθέμενοσ καὶ οὗτοσ τοῖσ μὴ σωφρονοῦσι τοιάδε· πᾶσιν δὲ θνητοῖσ βούλομαι παραινέσαι τοὐφήμερον ζῆν ἡδέωσ· ὁ γὰρ θανὼν τὸ μηδέν ἐστι καὶ σκιὰ κατὰ χθονόσ. μικροῦ δὲ βιότου ζῶντ’ ἐπαυρέσθαι χρεών, καὶ Ἄμφισ δ’ ὁ κωμῳδιοποιὸσ ἐν Ιἀλέμῳ φησί. ’ ὅστισ, δὲ θνητὸσ γενόμενοσ μὴ τῷ βίῳ ζητεῖ τι τερπνὸν προσφέρειν, τὰ δ’ ἄλλ’ ἐᾷ, μάταιόσ ἐστιν ἔν γ’ ἐμοὶ καὶ τοῖσ σοφοῖσ κριταῖσ ἅπασιν ἐκ θεῶν τε δυστυχήσ. καὶ ἐν τῇ ἐπιγραφομένῃ δὲ Γυναικοκρατίᾳ τὰ ὅμοια λέγει· πῖνε, παῖζε·

2 θνητὸσ ὁ βίοσ, ὀλίγοσ οὑπὶ γῇ χρόνοσ· ὁ θάνατοσ δ’ ἀθάνατὸσ ἐστιν, ἂν ἅπαξ τισ ἀποθάνῃ. καὶ Βακχίδασ δέ τισ τὸν αὐτὸν Σαρδαναπάλλῳ ζήσασ βίον ἀποθανὼν ἐπὶ τοῦ τάφου ἐπιγεγραμμένον ἔχει·

, πιέν, φαγὲν καὶ πάντα τᾷ ψυχᾷ δόμεν κἠγὼ γὰρ ἕστακ’ ἀντὶ Βακχίδα λίθοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 8, book 8, chapter 14

(아테나이오스, The Deipnosophists, Book 8, book 8, chapter 14)

상위

목록

SEARCH

MENU NAVIGATION