Athenaeus, The Deipnosophists, Book 8, book 8, chapter 8

(아테나이오스, The Deipnosophists, Book 8, book 8, chapter 8)

ου’ κατασιωπήσομαι δὲ οὐδὲ τοὺσ ἐν Λυκίᾳ ἰχθυομάντεισ ἄνδρασ, περὶ ὧν ἱστορεῖ Πολύχαρμοσ ἐν δευτέρῳ Λυκιακῶν γράφων οὕτωσ · ’ ὅταν γὰρ διέλθωσι πρὸσ τὴν θάλασσαν, οὗ τὸ ἄλσοσ ἐστὶ πρὸσ τῷ αἰγιαλῷ τοῦ Ἀπόλλωνοσ, ἐν ᾧ ἐστιν ἡ δῖνα ἐπὶ τῆσ ἀμάθου, παραγίνονται ἔχοντεσ οἱ μαντευόμενοι ὀβελίσκουσ δύο ξυλίνουσ, ἔχοντασ ἐφ’ ἑκατέρῳ σάρκασ ὀπτὰσ ἀριθμῷ δέκα. καὶ ὁ μὲν ἱερεὺσ κάθηται πρὸσ τῷ ἄλσει σιωπῇ, ὁ δὲ μαντευόμενοσ ἐμβάλλει τοὺσ ὀβελίσκουσ εἰσ τὴν δῖναν καὶ ἀποθεωρεῖ τὸ γινόμενον. μετὰ δὲ τὴν ἐμβολὴν τῶν ὀβελίσκων πληροῦται θαλάσσησ ἡ δῖνα καὶ παραγίνεται ἰχθύων πλῆθοσ τοσοῦτον καὶ τοιοῦτον ὥστε ἐκπλήττεσθαι τὸ ἀόρατον τοῦ πράγματοσ, τῷ δὲ μεγέθει τοιούτων ὥστε καὶ εὐλαβηθῆναι. ὅταν δὲ ἀπαγγείλῃ τὰ εἴδη τῶν ἰχθύων ὁ προφήτησ, οὕτωσ τὸν χρησμὸν λαμβάνει παρὰ τοῦ ἱερέωσ ὁ μαντευόμενοσ περὶ ὧν ηὔξατο. φαίνονται δὲ ὀρφοί, γλαῦκοι, ἐνίοτε δὲ φάλλαιναι ἢ πρίστεισ, πολλοὶ δὲ καὶ ἀόρατοι ἰχθῦσ καὶ ξένοι τῇ ὄψει.

’ Ἀρτεμίδωροσ δ’ ἐν τῷ δεκάτῳ τῶν Γεωγραφουμένων λέγεσθαί φησιν ὑπὸ τῶν ἐπιχωρίων πηγὴν ἀναδίδοσθαι γλυκέοσ ὕδατοσ, ὅθεν συμβαίνειν δίνασ γίνεσθαι· ἑφθὰ καὶ ὀπτὰ καὶ μάζασ καὶ ἄρτουσ, ὀνομάζεται δὲ ὁ λιμὴν καὶ ὁ τόποσ οὗτοσ Δῖνοσ.

일치하는 문장이 없습니다.

SEARCH

MENU NAVIGATION